मर्कूस 12:5 - थुलुङ राई

⁵ मेकोतिमा मेरामका आथावो ङा कोङमीलाई वो थु़र्स्‍तु़, लावो मेरामलाई मेर्मिमका सेट्‌मिडी। वाङमी वो हापा ङा मेरामका थु़र्स्‍तु़, लावो मेर्मिमका याङलाई याल्‍मिडी, याङलाई सेट्‌मिडी।

मर्कूस 12:5 Referans Kwoze

लूका 6:36

इकीमा माम्‍चु़नी छो़म न-थो़मनुङमा बुमी, मा गानी वो मेप्‍माम न-थो़मनुङमा ङा दु़म्‍नी।

मर्कूस 9:13

लावो गो गानीनुङ र्‍वाङु, “एलिया ने योमु दु़म्‍स्‍तु़म बु, मा उमा दुथाम र्‍याक्‍मा होम्‍साका ङा मेर्मिमका उनी हा-हाम बे-बे द्‌वाक्‍ता मेमङा बेम्‍डी।”

मत्ती 23:37

“ए यरूशलेमडाम मु़चु़नी, ए यरूशलेमडाम मु़चु़नी, माम्‍चु़नीलाम-जेपामिमलाई गानी सेनी, मा माम्‍चु़नीकु सेलाचो़मिमलाई लुङका ओम्‍नी। घ्‍लोमीका उ बुक्‍लोमिमलाई उ लाप्‍तेरकुगोयु़ बोडु़-थारु़मिम होम्‍साका गानीलाई बोमु-थार्मु माल्‍थाल्‍तो, लावो गानी मेबिन्‍सिट्‌निवा।

मत्ती 22:6

याङका हपकु डु़ल्‍चो़मिमलाई चु़म्‍मिडिमा सेम्‍ला बेट्‌मिडी, मा मेर्मिमलाई सेट्‌मिडी।

मत्ती 5:12

इनी न-भ्रसिबेट्‌निमा छो़म गेर्सिद्‌वानी, हेङालोने पाह्रीला गानी डोक्‍पु पुरस्‍कार ल्‍वानी। माकेम माम्‍चु़नीलाम-जेपामिमलाई वो मेर्मिमका आरेसाकाङा उनी थो़मतेर्साम्‍डिम बाइडा।

मर्कूस 12:4

आथावो मेरामका कोङमी उमा डु़ल्‍चो़ मेर्मिमकाडा थु़र्स्‍तु़, लावो मेर्मिमका मेरामलाई बुइडला याल्‍मिडिमा नो़-कल पार्साम्‍डिमा थु़र्मिडी।

मर्कूस 12:6

“मेरामनुङ गुका छो़म द्‌वाक्‍तु़म कोले ङा उमा चो़ बाइडा। मेर्मिमका उमा चो़लाई ने जो़होमका ङा बोमी डे र्‍वाक्‍साका खोत्‍लेकु चङडा मेर्मिमकाडा थु़र्स्‍तु़।