मर्कूस 12:43 - थुलुङ राई

⁴³ उनी सीसिपामिम उनीमाथो़ येट्‌मिडिमा मेर्मिमनुङ र्‍वाम्‍डी, “आच्‍छाङा गो गानीनुङ र्‍वाङु, ग्‍वा-ग्‍वा ग्‍वाक्‍पामिमगोडाम ओराम उ हाम वो मेबाट्‌पा अर्दोमेका खोत्‍लेडाम हापा ग्‍वाक्‍तु़म बु।

मर्कूस 12:43 Referans Kwoze

२ कोरिन्‍थी 8:2

छो़म इम्‍मु मेचाप्‍मिवाम दु़खाडा वो छो़म भ्रम्‍सिम्‍डी मा मेर्मिम दु़खापोङा लोवो छो़म ग्‍वा-ग्‍वाद्‌वाक्‍पा नका मेर्मिमका ग्‍वाम्‍डी।

थु़र्मा 11:29

एन्‍टिओखिया शहरडाम सीसिपामिम खोत्‍लेका यहूदियाडा बाट्‌पा थो़रलु़पामिमलाई ग्‍वामु झापा खउलुङ ग्‍वाक्‍साका ख्‍लो़मु मुलु़ बेम्‍डी।

२ कोरिन्‍थी 8:12

इनीमा छो़म ग्‍वा-ग्‍वाद्‌वाक्‍पा न बु माला गानीनुङ हाम बु मेरामङा ग्‍वानिलो माम्‍चु़नी गेर्सी द्‌वामी। मु़चु़नुङ मेबाट्‌पा ने ग्‍वामु र्‍वाक्‍पा गुमीका न मेबोमी।

मत्ती 10:42

मेम्‍मा कोङनिमका ओ याक्‍के मु़चु़मिमगोडाम कोलेलाई आमा सीसिपा मिम्‍साका को कान्‍चु़रे छक्‍पा कु कोङङा लोवो डुमु ग्‍वाकु़ माला, आच्‍छाङा गो गानीनुङ र्‍वाङु, मेरामका पुरस्‍कार ल्‍वासु़ङा।”

मर्कूस 12:42

मेकोतिमा कोले उ हाम वो मेबाट्‍पा अर्दोमे रोक्‍तामा वाताकु नले खउलुङ ग्‍वाक्‍तु़। मेराम को पैसा दु़म।

मर्कूस 12:44

हेङालोने खोत्‍लेका हापा खाप्‍ची बासाका ग्‍वाम्‍डी, लावो ओराम मेसेमका ने हाम वो मेजु़ल्‍साका गुनुङ बाट्‌पा खोत्‍ले ङा ग्‍वाक्‍तु़।”

यूहन्‍ना 8:20

सो़रनेम गोडा ग्‍वा-ग्‍वा ग्‍वाखोप फार्डा सीट्‌मिडिलो येशूका ओराम ल्‍वा र्‍वाम्‍डिम बाइडा। मेम्‍मा वो सु़का वो गुमीलाई मेचु़म्‍मिवा, हेङालोने आथावो उनीमा थारी रोक्‍ताम मेबायावा।