मर्कूस 12:40 - थुलुङ राई

⁴⁰ मेर्मिमका उमा वोचु़ अर्दोमेकु नेम पोम्‍सामी, मा वो धु़पा-धु़पा सो़म्‍दी बेपा लिम्‍सिमी। आरेप्‍माम मु़चु़मिमका ङा छो़म मेजो़पा देन्‍दे ल्‍वामी।”

मर्कूस 12:40 Referans Kwoze

लूका 20:47

मेर्मिमका अर्दोमेकु खाप्‍ची लु-फेले बोमिमा पोम्‍सामी, माम्‍चु़नीकु लाम्‍दीडा लाम्दिपा लिम्‍सिमु लागि छो़म दु़पा सो़म्‍दी बोमी। माम्‍चु़नीका मेर्मिमलाई छो़म इम्‍मु मेझापा देन्‍दे ग्‍वामी।”

मत्ती 23:33

“गानी ब्‍लोमिम नुङ ङेनुङमा ब्‍लोकु चो़मिम, गानी खादीगोयु़ लक्‍पा देन्‍देडाम हेसाका प्‍लु़न्‍सिनी मा?

मत्ती 23:13

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।

मत्ती 6:7

“गानी सो़म्‍दी बोनिलो माम्‍चु़नी मेछेपा मु़चु़मिमका होङङा न ना थो़मका सो़म्‍दी मेबेनी। हापा ल्‍वामिम सो़साका सो़म्‍दी बिइलो माम्‍चु़नीका थो़मी र्‍वाक्‍पा मेर्मिमका मिम्‍मी।

२ तिमोथी 3:6

हेङालोने मेर्मिमगोडाम याङ-याङ ने नेम-नेमगोडा हुसाका छु़ल कुर्थाक्‍पा नुङ छो़म मेजो़पा नका बथाक्‍पा मेथेट्‌पा मेसेममिमलाई उनी ल्‍वाडा जु़ल्‍मी।

मत्ती 23:14

[गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, अर्दोमेमिमलाई ख्‍लो़पा लिन्‍सिनीमा उनी खाप्‍ची पोन्‍सानी। मु़चु़मिमलाई रेम्‍बोमु लागि छो़म धु़प्‍पा सो़म्‍दी बेपा लिन्‍सिनी। मेम्‍मिमका गानी छो़म इम्‍मु मेझापा देन्‍दे ल्‍वानी।]

मर्कूस 12:39

मा घ्रो़म्‍दीनेमबाडे ङादोडा गन्‍मु नुङ ग्रुलामिमबाडे ङाउकु गन्‍खोपडा गन्‍मु माल्‍मी।

२ कोरिन्‍थी 11:20

कोङनिम मु़चु़का गानीलाई डु़ल्‍चो़ होङङा बोनी लोवो, इनी खउलुङ पोन्‍सानी लोवो, पेरडा फिनिमी लोवो, गानीलाई डनिमी लोवो, इनी कलडा फोनिमी लोवो गानी इम्‍नी रेछा।