मर्कूस 12:24 - थुलुङ राई

²⁴ येशूका मेर्मिमनुङ र्‍वाम्‍डी, “गानी माम्‍चु़नीकु सिजेम नुङ माम्‍चु़नीकु यु़म मेचनिमका ङा आरेसाका ब्‍लो़म्‍सिनिमिम।

मर्कूस 12:24 Referans Kwoze

यूहन्‍ना 20:9

हेङालोने येशू सिमुलामका बम्‍गेमुङा बासी र्‍वाक्‍पा माम्‍चु़नीकु सिजेम मेर्मिमका आथावो थेसिथेट्‌मिडिम मेबायावा।

मत्ती 22:29

येशूका मेर्मिमलाई र्‍वाम्‍डी, “गानी जो़होमका थेसिथेट्‌निम मिबु। हेङालोने माम्‍चु़नीकु सिजेम नुङ उनीमा यु़मकु दुथाम गानी मेचनी।

एफिसी 1:19

मा गुइ थो़र लु़पामिमकाम लागि उनीमा छो़म डोक्‍पु यु़म हाङको डोक्‍पु बु र्‍वाक्‍पा चनी र्‍वाङुमा वो सो़म्‍दी बेउ। ओराम डोक्‍पु यु़मलामका ङा,

फिलिप्‍पी 3:21

गुमीनुङ खोत्‍लेलाई उनीमा ल्‍वाडा जु़ल्‍मु यु़म बु। मेराम यु़मका इकीमा सिपा मिरो़म उनीमा झ्‍वाक्‍पा मिरो़म होप्‍माम दु़म्‍नु़ र्‍वाक्‍साका गुमीका ख्‍लोक्‍साक्‍सामी।

रोमी 15:4

ङादो र्‍याक्‍मा सिजेमडाम ल्‍वा इकीमा सीसिकाम लागि र्‍वाक्‍साका र्‍याक्‍मा बाइडा। मेराम सिजेमका गुइलाई इम्‍मु चापा दु़म्‍बेसाका माम्‍चु़नीका याचे जेम्‍डिम ल्‍वा रोथिनु़ र्‍वाक्‍पा न, नुङ सो हन्‍पा दु़म्‍बेसा।

थु़र्मा 17:11

मेर्मिमका माम्‍चु़नीकु सिजेम छो़म गेर्सी द्‌वाक्‍तो थो़म्‍डिमा पावलका र्‍वाक्‍ताम ल्‍वा आछाङा डे मेएँ र्‍वाक्‍साका हेल्‍लो लोवो माम्‍चु़नीकु सिजेम डासाका थेन्‍मु माल्‍थाल्‍मिडी।

मर्कूस 10:27

येशूका मेर्मिमलाई रेप्‍मिडिमा र्‍वाम्‍डी, “मु़चु़का ने हाम वो बोमु मेचाम्‍मी, लावो माम्‍चु़नीडा ने मेप्‍माम हाम वो मिबु, हेङालोने माम्‍चु़नीका बोमु मेचाप्‍मिमिम हाम वो मिबु।”

यूहन्‍ना 5:39

माम्‍चु़नीकु सिजेम गानी डानी, हेङालोने मेरामका मेसिपा त्‍वारो़म ग्‍वाक्‍सा र्‍वाक्‍पा गानी लु़नी। मेरामका आमा दुथामङा सो़यु़।

लूका 1:37

हेङालोने माम्‍चु़नीका बोमु मेचाप्‍मिमिम हाम वो मिबु।”

मर्कूस 12:23

लु सो़नी, सिमुलाम बम्‍गेमुनेम मेराम सु़कु नाइमे दु़म? हेङालोने मेराम मेसेम खोत्‍लेका ङा जु़ल्मिडिम बाइडा।”

मर्कूस 12:25

हेङालोने हाङकोलो मेर्मिम सिमुलाम बम्‍गेमी मेकोतिलो मेर्मिमका ना लालीकुन्‍दा बोमी ना मेर्मिमकु लालीकुन्‍दा ङा दु़म। मेर्मिम ने पाह्रीला बाट्‌पा पाह्रीचो़ होप्‍माम ङा दु़म्‍मी।