मर्कूस 12:17 - थुलुङ राई

¹⁷ मेकोतिमा येशूका मेर्मिमनुङ र्‍वाम्‍डी, “कैसरकाम खोत्‍ले कैसरलाई ङा ग्‍वाक्‍नी, मा माम्‍चु़नीकाम खोत्‍ले माम्‍चु़नीलाई ङा ग्‍वाक्‍नी।” ओराम ल्‍वा थो़म्डिमा मेर्मिम ङाङाया दु़म्‍मिडी।

मर्कूस 12:17 Referans Kwoze

रोमी 13:7

सोमु बासिक्‍पा खोलेम थोक सोक्‍थाट्‍नी– कर सोमु बासिक्‍पालाई कर, कुथेर सोमु बासिक्‍पालाई कुथेर सोक्‍नी। मेम्‍साकाङा डोक्‍पु बोमु बासिक्‍पामिमलाई डोक्‍पु बेनी मा मेर्मिमका र्‍वामिमिम ल्‍वा थो़नी।

१ पत्रुस 2:17

खोत्‍ले मु़चु़मिमलाई डोक्‍पु मिम्‍नी। थो़रलु़पा वा-ल्‍वाकमिमलाई रिखाम बेनी। माम्‍चु़नीकु ङिम जु़ल्‍नी, हपलाई डोक्‍पु मिम्‍नी।

रोमी 6:13

त्‍वाकु मिरो़मडाम अंगमिमलाई मेजो़पा खारी बेबेसाका छु़लकु ल्‍वाड्‍डा मेग्‍वाक्‍नी। लावो सिमुलाम बक्‍साका त्‍वारो़म ल्‍वापा मु़चु़मिम होङङा इनीमा खोत्‍ले त्‍वारो़म माम्‍चु़नीडा जु़ल्‍नी मा त्‍वाकु अंगमिमलाई जो़पा खारी बोमु लागि गुमीलाई ग्‍वाक्‍नी।

रोमी 12:1

आमा द्‍वादीबुङ वा-ल्‍वाकनी, माम्‍चु़नीका गानीलाई रिखाम बोनिमी। मेम्‍मिमका गानी इनी सिपा मिरो़मलाई सेपा नुङ माम्‍चु़नीडा ग्‍वामु घ्रेट्‍पा बेसाका इनीमा त्‍वारो़म गुमीडा ग्‍वाक्‍नी र्‍वाक्‍साका गो छो़म र्‍वाङु। इनीमा न-गोका बोमु बासिक्‍पा आच्‍छाङाकाम सो़रलोले वो ओराम ङा सो़।

मत्ती 22:46

सु़का वो गुमीनुङ सि ख्‍लोमु मेचाप्‍मिवा। मेनेम आथाम खोत्‍ले मु़चु़मिम ङिम्‍डिमा सु़का वो गुमीनुङ हिलाबोमु मेचाप्‍मिवा।

मत्ती 22:22

येशूका र्‍वाम्‍डिम ल्‍वाका मेर्मिम ङाङाया दु़म्‍मिडी, मा मेलामका लम्‍डी।

मर्कूस 12:30

मिप्रङमा इमा माम्‍चु़नीलाई खोत्‍ले इमा न-गोका, खोत्‍ले इमा सामका, खोत्‍ले इमा नका नुङ खोत्‍ले इमा यु़मका रिखाम बे।

मत्ती 22:33

ओराम थो़म्‍डिमा सेर्पा मु़चु़ उनीमा सीसिडा ङाङाया दु़म्‍मिडी।

मत्ती 8:10

ओराम ल्‍वा थो़म्‍डिमा येशू ङाङाया दु़म्‍मिडी, मा उनी चङचङ बिक्‍तोङा बेपा मु़चु़मिमनुङ र्‍वाम्‍डी, “आच्‍छाङा गो गानीलाई र्‍वाङु, इस्राएलीमिम खोत्‍लेगोडा आरेप्‍माम डोक्‍पु थो़र गो ल्‍वाउतोम मिबु।

मत्ती 22:21

मेर्मिमका र्‍वाम्‍डी, “कैसरकाम” गुमीका मेर्मिमलाई र्‍वाम्‍डी, “कैसरकाम कैसरलाई ङा ग्‍वाक्‍नी, मा माम्‍चु़नीकाम माम्‍चु़नीलाई ङा ग्‍वाक्‍नी।”

मर्कूस 12:16

मेर्मिमका कोले दिनार रेट्‌मिडी। मेकोतिमा गुमीका मेर्मिमनुङ र्‍वाम्‍डी, “ओराम सु़, मा आसिन्‍डा सु़कु ङाली बु?” मेर्मिमका गुमीनुङ र्‍वाम्‍डी, “कैसरकाम।”

लूका 20:25

येशूका मेर्मिमलाई र्‍वाम्‍डी, “मेम माला कैसरकाम कैसरलाई ङा ग्‍वाक्‍नी, मा माम्‍चु़नीकाम ने माम्‍चु़नीलाई ङा ग्‍वाक्‍नी।”