मर्कूस 12:14 - थुलुङ राई

¹⁴ मेर्मिम उनीमाडा रोम्‍डिमा गुमीनुङ र्‍वाम्‍डी, “ङाचो़, गानी आच्‍छाङाकाम बुनी, मा सु़कामथो़ वो न मेसोनी र्‍वाक्‍पा गुकु चकु, हेङालोने गानी ङाली रेप्‍साका खारी मेबोनी, लावो माम्‍चु़नीकु लाम्दी आच्‍छाङा जो़होमका सो़नी। सो़नीका, कैसरलाई कर सोक्‍सी नु़ डे मेनु़?

मर्कूस 12:14 Referans Kwoze

१ थेसलोनिकी 2:4

लावो जो़पा-सेला थो़बेट्‌पा दु़म्‍बेन्‍मु लागि माम्‍चु़नीका घ्रेट्‌पा दु़म्‍बेत्तिकिम होम्‍साका गुकु सीकु। मु़चु़मिमलाई ने गर्सिबेट्‌पा मेएँ, लावो इकीमा न-गो छाम्‍पा गेर्सिबेट्‌पा आकी न बु।

गलाती 2:6

मेसिन्‍डाम मण्‍डलीडा कोङनिम नङ दोपा डोक्‍पु मु़चु़मिम बाम्‍डी– लोवो गो ने हे होङङा मेलु़ङुवा, हेङालोने माम्‍चु़नीका चो मिक्‍सी मेबोमी– मेर्मिमका गो दो़उतोम जो़पा-सेलाडा कोले ल्‍वा वो मेकाप्‍मिवा।

गलाती 1:10

हाम गो मु़चु़मिमलाई गेर्सी बेन्‍मु माल्‍तोङा लेट्‌पु र्‍वाक्‍पा गानी मिम्‍निमिम? गो ने मु़चु़मिमलाई मेएँ, माम्‍चु़नीलाई गेर्सी बेन्‍मु माल्‍तोङा लेट्‌पु। मु़चु़मिमलाई गेर्सी बेन्‍मु मालु माला ने गो येशू ख्रीष्‍टकु डु़ल्‍चो़ङा मेएँ।

२ कोरिन्‍थी 5:16

मेम्‍मिमका सु़म्‍दिसेरडाम मु़चु़मिमकु रेप्‍सी होम्‍साका आथाडा आनो गुकु सु़लाई वो मेरेम्‍कु। कोबिलि ख्रीष्‍टलाई आरेसाकाङा रेप्‍तोको लावो आथाडा आनो गुमीलाई मेम्‍साका मेरेम्‍कु।

२ कोरिन्‍थी 5:11

ङाचो़काम ङिम जु़ल्‍मु र्‍वाक्‍पा ल्‍वा गुकु चक्‍तोकोमका मु़चु़मिमलाई माम्‍चु़नीडा थो़र लु़बेन्‍मु माल्‍कु। आकीमा दुथाम माम्‍चु़नीका खोत्‍ले चमी, मा गानी वो आमा दुथाम जो़होमका चनिमिमङा बु र्‍वाक्‍पा आमा न बु।

२ कोरिन्‍थी 2:17

वाङमिम हापा मु़चु़मिमका खाप्‍ची डु़म्‍मु लागि बेम्‍डिम होङङा माम्‍चु़नीकु सिजेम भ्रेट्‌पा मु़चु़ गुकु मेएँ, लावो गुकु ने माम्‍चु़नीका थु़र्तिकिम मु़चु़ सो़, मा माम्‍चु़नीकु ङादोडा गुकु ख्रीष्‍टकु डु़ल्‍चो़ दु़म्‍साका उनीमा सिजेम आच्‍छाङा जेकु।

२ कोरिन्‍थी 2:2

हेङालोने गो इनीमा न नो़बेत्तो माला गो न नो़बेसाक्‍निनिम गानीडाम वाङमिम सु़का गोलाई गेर्सिबेन्‍ङी मा?

यूहन्‍ना 7:18

उ त्‍वापङा जेपा मु़चु़का उ त्‍वापलाई डोक्‍पु बेला सो़म्‍सिमु न बु़, लावो उहेमका गुलाई थु़र्पालाई डोक्‍पु बोमु खारी बु़, मेराम ने आच्‍छाङाकाम ल्‍वा जेपा सो़, मा मेरामनुङ हाम वो लिमा ल्‍वा मेदु़म।

रोमी 13:6

मेम्मिमका वो गानी कर सोमु बासी। हेङालोने साखामचो़मिम माम्‍चु़नीकाम लागि खारी बेपा मु़चु़ दु़म्‍साका उनीमा खारी बोमिमिम बुमी।

लूका 23:2

मेर्मिमका गुमीलाई आरेसाका मुमा बेत्तो पिलातसनुङ र्‍वाम्‍डी, “ओराम मु़चु़का आकी मु़चु़मिमलाई रोमी सरकारकु कोर्थो़लाम कोस्‍तु़मिम गुकु डार्तोको। ओरामका कैसरलाई कर मेसोक्‍नी र्‍वामा गुकुलाई भोम्‍की, उ त्‍वाप ने ख्रीष्‍ट, हप र्‍वा।”

लूका 20:22

गुकु रोमी हप कैसरलाई कर सोक्‍सी नु़ डे मेनु़ डे?”

मर्कूस 14:45

मेकोतिमा यहूदा लस्‍तामा, “रब्‍बी” र्‍वाक्‍तोङा येशूलाई चुप्‍पा बु़डु़।

मत्ती 22:17

मेम्‍मिमका गुकुनुङ र्‍वाक्‍नी, कैसरलाई कर सोमु बासी डे मेबासी?”

२ कोरिन्‍थी 4:1

माम्‍चु़नीकु उनी दिदामलाम ओराम खारी गुकुलाई ग्‍वाक्‍तिकिमिमका आकी पाउ मेसो।

मत्ती 22:16

मेर्मिमका उनी सीसिपामिमलाई हेरोद हपलाम बासिक्‍पा मु़चु़मिमनुङ येशूकाडा थु़र्मिडी। मेर्मिमका र्‍वाम्‍डी, “ए ङाचो़, गानी लिमा मेथेनी र्‍वाक्‍साका गुकु चकु। माम्‍चु़नीकु लाम्‍दी जो़होमका सीनिमी। गानी सु़लाम वो मेबान्‍सिनी, मा खोत्‍लेलाई कोहोङङा बोनी।

मर्कूस 12:13

मेकोतिमा गुमीलाई ल्‍वा ख्‍लो़न्‍बेन्‍मु नका फरिसीमिम नुङ हेरोदीमिमगोडाम कोङ-कोङ मु़चु़मिम उनीमाडा थु़र्मिडी।

मर्कूस 12:15

गुकु कर सोमु बासी डे मेएँ?” येशूका मेर्मिमकु नगो चम्‍ल्‍याम्‍डिमका र्‍वाम्‍डी, “गानी हेङा आमा न छाम्‍निमिम? कोले दिनार आसि रेट्‌नी, मा गो रेपु।”