मर्कूस 12:12 - थुलुङ राई

¹² मेकोतिमा मेर्मिमका येशूलाई चु़म्‍मु माल्‍मिडी, हेङालोने ओराम सीसि-सो़म्‍दी उनीमा दुथाम ङा सो़म्‍डिम र्‍वाक्‍पा मेर्मिमका थेसिथेट्‌मिडी। लावो मे सेर्पा मु़चु़मिमडाम ङिम्‍डिमका गुमीलाई डिन्‍जो़ल्‍मिडिमा लम्‍ल्‍याम्‍डी।

मर्कूस 12:12 Referans Kwoze

मर्कूस 11:18

मेकोतिमा ङाउ डु़म्‍लाचो़मिम नुङ डु़म्‍ला सीपा पातु़म्‍रीमिमका ओराम थो़म्डिमा येशूलाई हेसाका सेन्‍मु र्‍वाक्‍पा खाप रेम्‍मु चो़म्‍मिडी। लावो मेर्मिम गुमीनुङ ङिम्‍डिम बाइडा, हेङालोने सेर्पा मु़चु़मिम खोत्‍ले ङा उनी सीसिडाम ङाङाया दु़म्‍मिडिम बाइडा।

यूहन्‍ना 7:44

कोङनिमका ने गुमीलाई चु़म्‍मु वो माल्‍मिडी, लावो सु़का वो गुमीडला ल्‍वा मेफिक्‍मिवा।

यूहन्‍ना 7:30

मेम्‍मा ङाउमिमका गुमीलाई चु़म्‍मु माल्‍मिडी, लावो सु़का वो गुमीडला ल्‍वा मेफिक्‍मिवा, हेङालोने उनीमा थारी आथावो रोक्‍ताम मेबायावा।

यूहन्‍ना 7:25

यरूशलेमडाम कोङनिम मु़चु़का आरे र्‍वाबोमु चो़म्‍मिडी, “डोक्‍पु मु़चु़मिमका सेन्‍मु माल्‍मिमिम ओराम मु़चु़ङा मेडे?

मर्कूस 11:32

मु़चु़लाममिम र्‍वाकिलो वो हेसाका र्‍वामु?” लावो मेर्मिम आरे र्‍वामु वाङमिम मु़चु़मिमडाम ङिम्‍डी, हेङालोने यूहन्‍ना माम्‍चु़नीलाम-जेपा मु़चु़ र्‍वाक्‍साका खोत्‍लेका छेम्‍थाल्‍मिडी।

मत्ती 22:22

येशूका र्‍वाम्‍डिम ल्‍वाका मेर्मिम ङाङाया दु़म्‍मिडी, मा मेलामका लम्‍डी।

लूका 20:19

मेकोतिमा यहूदीकु डु़म्‍ला सीपा पातु़म्‍रीमिम नुङ ङाउ डु़म्‍लाचो़मिमका ओराम सीसि-सो़म्‍दी आकी कोर्थो़लाम र्‍वाक्‍तो लेन्‍मी र्‍वाक्‍पा चम्‍डी। मेम्‍मिमका मेर्मिमका मेकोतिलोङा येशूलाई चु़म्‍मु माल्‍मिडी। लावो मे मु़चु़मिमडाम मेर्मिम ङिम्‍डी।

लूका 20:6

मु़चु़लाम र्‍वाकी माला खोत्‍ले मु़चु़मिमका गुइलाई लुङका ओप्‍सामी हेङालोने यूहन्‍ना आच्‍छाङा माम्‍चु़नीलाम-जेपा मु़चु़ र्‍वाक्‍साका मेर्मिमका थो़र लु़म्‍डिम बु।”

मत्ती 21:26

लावो ‘मु़चु़लामका’ र्‍वाक्‍ति माला मु़चु़मिमकाम ङिम बु, हेङालोने खोत्‍ले मु़चु़मिमका यूहन्‍नालाई माम्‍चु़नीलाम-जेपा मु़चु़ र्‍वाक्‍साका थो़र लु़म्‍डिम बु।”