मर्कूस 12:1 - थुलुङ राई

¹ मेकोतिमा येशू मेर्मिमनुङ कोङ सीसि-सो़म्‍दीडा जेमु चो़म्‍मिडी, “कोले मु़चु़का उमा येडा अङ्‍गूर ख्‍लियु़डु़मा होनोलाम आनोलाम भोम्‍बेल बु़डु़, मा कोल जु़ल्‍खोप कोले पोलु़म धायु़डु़। मेकोतिमा कोङ अङ्‍गूर लट्‍पा खोम बनेबु़डु़मा मे अङ्‍गूर ये बोम्‍थाम बोमु ग्‍वाक्‍जो़ल्‍लु़मा गु उ त्‍वाप ने वाङथो़ ङा लस्‍ताम बाइडा।

मर्कूस 12:1 Referans Kwoze

मर्कूस 13:34

ओराम ने कोङ नेम-हपका उ नेमगोडाम खोत्‍ले डु़ल्‍चो़मिमकु त्‍वा-त्‍वाहोम ल्‍वाडा पार्जो़लु़मा उमा नेम लपा मु़चु़लाई चङचङया बाया वो र्‍वाजो़लमा उमा नेम डिसाका वाङथो़ लमिम होप्‍माम ङा बु।

मर्कूस 4:2

मेम्‍मा गुमीका मेर्मिमलाई सीसि-सो़म्‍दीलामका हापाङा ल्‍वामिम सीट्‌मिडी। गुमीका मेर्मिमलाई आरे र्‍वाक्‍तोङा सीट्‌मिडी:

मत्ती 25:14

“पाह्री-किब्‍दी ने दोलेन्डा लक्‍पा कोङ मु़चु़का डु़ल्‍चो़मिमलाई उमा खाप्चीमिम पार्जो़ल्साका लक्‍पा होप्माम सो़।

थु़र्मा 7:38

इकीमा ङाउ-खुउ इस्राएलीमिम र्‍याङगो-र्‍याङगोडाम सीनै पोप्‍चङ फारगोयु़ कोदेप खोम्‍सिम्‍डिलो मोशा मेर्मिमनुङङा बाइडा। सीनै पोप्‍चङडा पाह्रीचो़ गुनुङङा जेस्‍थाल्‍ला मा मेराम त्‍वारो़म ग्‍वाक्‍पा माम्‍चु़नीकु सिजेम गुका ल्‍वास्‍तु़, मा इस्राएलीमिमलाई थो़बेड्‍डु़मी।

लूका 19:12

गुमीका मेर्मिमनुङ र्‍वाम्‍डी, “कोले डोक्‍पु मु़चु़ हप थुम्‍सिमुमा ख्‍लोम्‍सिमु लागि होनोवाम हपकाडा लमु न बु़डु़।

लूका 15:13

“कोलेम नलेम चङडा मे उ छारीचो़का खोत्‍ले उ खाप्‍ची भ्रेड्‌डु़मा कोङमीङा नेब्‍दीडा लस्‍ता। मेम्‍मा मेसिन्‍डा फुङदास बेसाका खोत्‍ले उ खउलुङ पार्डु़।

लूका 8:10

येशूका मेर्मिमनुङ र्‍वाम्‍डी, “माम्‍चु़नीकु किब्‍दी हाम र्‍वाक्‍साका आच्‍छाङा छेपा सामा गानीलाई कोङङा ग्‍वाक्‍मा बु। मेम्‍मिमका मु़चु़मिमका ने थेसिमेथेन्‍मिनु़ र्‍वाक्‍साका सीसि-सो़म्‍दीडा कोङङा जेङु। यशैयाका र्‍याक्‍तु़म खाजेमडा वो आरे र्‍वाक्‍पा बु, ‘मेर्मिमका रेम्‍मी ङा लावो मेल्‍वामिनु़, मा थो़मी ङा लावो थेसिमेथेन्‍मिनु़।’

मत्ती 21:28

“गानी हाम मिम्‍नी? कोले मु़चु़काम नले उ तारापाचो़ बाच्‍ची। ङाचो़ उ तारापाचो़काडा गु लस्‍तामा र्‍वाक्‍ता, ‘ए थाकु, आनेप गाना अङ्‍गूर येडा लक्‍सामा खारी बे।’

लूका 22:9

मेर्चिपका गुमीनुङ हिलाबेच्‍ची, “गुचुकु ग्रुला बान्‍ते खोजो़ल्‍चुकुमिम?”

मत्ती 13:3

गुमीका मेर्मिमलाई सीसि-सो़म्‍दीमिमलामका हापा ल्‍वामिम र्‍वाम्‍डी। गुमीका र्‍वाम्‍डी, “भ्रल फोट्‌पा कोले मु़चु़ भ्रल फोड्‌डा लस्‍ता।

मत्ती 21:33

“कोङमी सीसि-सो़म्‍दी थो़नी। कोले ये-दकु मु़चु़का उ ये-दडा अङ्‍गूर ख्‍लियु़डु़। मेरामकु होनोलाम-आथो़लाम भोम्‍बेलका खिर्डु़मा अङ्‍गूर खाल्‍पा कोले लुङ जु़ल्‍लु़, मा कोले याक्‍सा बनेबु़डु़। मेम्‍मा बोम्‍था बेपा मु़चु़मिमलाई ग्‍वाक्‍जो़ल्‍लु़मा वाङमी नेब्‍दीथो़ लस्‍ता।

मत्ती 21:34

अङ्‍गूर प्रो़ट्‌पा थारी दु़स्‍तालो बोम्‍था बेपा मु़चु़काडा उ दो़दो़वा माल्‍ला गुका उ डु़ल्‍चो़मिमलाई थु़र्स्‍तु़मी।

मर्कूस 3:23

मेम्‍मिमका गुमीका मेर्मिमलाई उनीमाथो़ येट्‌मिडिमा सीसि-सो़म्‍दीलामका जेमु चो़म्‍मिडी, “शैतानका शैतान हेसाका ख्‍लुमु चाप्‍सु़?

मर्कूस 11:33

मेर्मिमका येशूनुङ र्‍वाम्‍डी, “गुकु मेचकु।” येशूका वो मेर्मिमनुङ र्‍वाम्‍डी, “मेएँ माला ओर्मिम खारी बोमु सु़का आमा मुलु़गोडा जु़ल्‍लु़म बु गो वो मेर्‍वाङु।”