मर्कूस 11:25 - थुलुङ राई

²⁵ गानी सो़म्‍दी बोनिलो गानीगोडा गोफ दु़स्‍ताम बु माला खोत्‍ले इनी छु़ल हेम्‍बेबेनी, मा मेम्‍साका ङा पाह्रीला बाट्‌पा इनी पापका वो इनी छु़ल हेम्‍सानिमी।

मर्कूस 11:25 Referans Kwoze

कलस्‍सी 3:13

इम्‍सी बेबेनी मा कोङनिमका कोङनिमडला सु़म्‍बुर्मा किसु़लो छु़ल हेम्‍बेबेनी। ङाचो़का इनीमा छु़ल हेम्‍साट्‌निम होङङा छु़ल हेम्‍बेबेनी।

एफिसी 4:32

लावो न-थो़मनुङमा दु़म्‍नी मा कोलेका कोङमीलाई रिखाम बेबेनी। माम्‍चु़नीका गानीलाई ख्रीष्‍टलामका पाचो ग्‍वानिमिम होम्‍साका इनी त्‍वापगोडा पाचो ग्‍वाबेनी।

लूका 6:37

“सु़काम वो निया मेबेनी, मा माम्‍चु़नीका इनीमा निया मेबोमी। सु़लाई वो मुमा मेबेट्‌नी, मा माम्‍चु़नीका गानीलाई मुमा मेबेनिमी। मु़चु़मिमलाई पाचो ग्‍वाक्‍निमी, मा माम्‍चु़नीका गानीलाई वो पाचो ग्‍वानिमी।

मत्ती 6:12

आकी कोर्थो़लाम बक्‍पामिमकु छु़ल हेप्‍साक्‍तोकोम होङङा आकी छु़लमिम हेप्‍साक्‍किनी,

मत्ती 5:23

“मेम्‍मिमका कोङनिमका इनीमा कोर्थो़लाम मेजो़पा बु़डु़म ल्‍वा सो़रनेमडाम सासेन्‍खोपडला सासेड्‌डा लनिलो मिम्‍ल्‍याट्‌नी माला,

याकूब 2:13

हेङालोने वाङमिमडला गानी न-थो़म मेबेनिवा माला गानी वो न-थो़म मेल्‍वानी। लावो गानी न-थो़मनुङमा मु़चु़ दु़म्‍निम बु माला इनीमा निया दु़म्‍मु थारीका माम्‍चु़नीका गानीडला न-थो़म रेम्‍बोमी।

मत्ती 6:5

“गानी सो़म्‍दी बोनिलो मु़चु़मिमलाम ल्‍वाला सो़म्‍सिमु लागि लाम्‍ख्राबाडे नुङ घ्रो़म्‍दीनेममिमबाडे सो़म्‍दी बोमु द्‌वाक्‍पा मु़चु़मिमकु मिक्‍सीलामडा जो़पा लिसिक्‍पा मु़चु़मिम होङङा मेबान्‍सिट्‌नी। आच्‍छाङा गो गानीलाई र्‍वाङु, मेर्मिमका खोत्‍ले उनी पुरस्‍कार ल्‍वामु दु़म्‍मिडिम बु।

लूका 18:11

मे फरिसी येम्‍स्‍तामा आरे र्‍वाक्‍तो सो़म्‍दी बु़डु़, ‘माम्‍चु़नी, गो गानीलाई आलासो़ र्‍वाङु, हेङालोने गो वाङमिम मु़चु़मिम होप्‍माम खुचु़वा मेबुङु, मु़चु़मिमलाई मेजो़पा मेबेउमी, मा नाम्‍सु़रु़ मेबेउ। मेम्‍मा ओराम कर फक्‍पा मु़चु़ होप्‍माम वो गो मेबुङु।

रेम्‍बेट्‌मिडिम ल्‍वा 11:4

ओर्चिप ने सु़म्‍दिसेरडा साखाम थो़पा ङाचो़कु ङादोडा नले जैतूनकु धक्‍सा नुङ नले धिप्‍री जु़ल्‍खोपचिप सो़।

लूका 18:13

“लावो कर फक्‍पा मु़चु़ ने होनोङा येम्‍स्‍तामा पाह्रीथो़ मेरेप्‍साका उ धक्‍ची डेप्‍तो र्‍वाक्‍ता, ‘ए माम्‍चु़नी, गोडला न-थो़म रेम्‍बेनी।’