मर्कूस 11:23 - थुलुङ राई

²³ आच्‍छाङा गो गानीनुङ र्‍वाङु, उहेमका उ त्‍वाकु नगोडा मेमुरु़, मा उ त्‍वाका र्‍वामिम रोथी र्‍वाक्‍साका थो़र लु़ माला ओराम पोप्‍चङलाई ‘गाना बुल्‍सामा दिरिदिनगोयु़ आल्‍सा’ र्‍वा माला मेरामकाम लागि मेम ङा दु़म।

मर्कूस 11:23 Referans Kwoze

मत्ती 17:20

गुमीका मेर्मिमलाई र्‍वाम्‍डी, “इनी थो़र याक्‍के बुमिमका। आच्‍छाङा गो गानीलाई र्‍वाङु, रायाकु मा हेप्‍माम याक्‍के वो थो़र गानीनुङ बु माला ओराम पोप्‍चङलाई ‘ओलामका हेम्‍ल्‍यासिडा’ र्‍वानी माला मेराम हेम्‍ल्‍यासी। गानी बोमु मेचाम्‍निमिम हाम वो मिबु।

यूहन्‍ना 15:7

गानी गोगोडा दु़म्‍निमा आमा सिजेम गानीगोडा बु माला हाम न बोनी, मेराम बिनी, मा गानी ल्‍वानी।

मत्ती 21:21

येशूका र्‍वाम्‍डी, “गानीलाई गो आच्‍छाङा र्‍वाङु, गानी थो़रलु़नी, मा इनीमा नड्‌डा मेमुर्सिनी माला बैससीकु धक्‍सालाई गो बेउतोम होप्‍माम नुङ हापा डोक्‍पु खारी बोमु चाम्‍नी। ओराम पोप्‍चङलाई वो ‘होसामा दिरिदिनगोयु़ आल्‍सा’ र्‍वानी, मा मेमङा दु़म।

यूहन्‍ना 14:13

गानी आमा नङडा हाम बिनी मेराम गो रेथिक्‍पु, मेम्‍साका पापकु यु़म गो झ्‍वाबेट्‌पु।

लूका 17:6

ङाचो़ येशूका मेर्मिमलाई र्‍वाम्‍डी, “गानीनुङ रायोकु कोले मा कोतिम याक्‍के थो़र बु माला ने गानी ओ नापातु़मकु धक्‍सालाई ‘बुल्‍सामा दिरिदिनयु़ क्रोसा’ र्‍वानी माला मेरामका गानी र्‍वानिमिम होङङा बु़।

१ कोरिन्थी 13:2

गोनुङ माम्‍चु़नीलाम जेपा राप्‍लावा बु, खोत्‍ले थक्‍मा ल्‍वा नुङ नेप्‍ची थेसिथेन्‍मु चापु, मा पोप्‍चङ हेम्मु चापा थो़र बु लावो आगोनो रिखाम मिबु माला गो हाम वो मेएँ।

मत्ती 14:13

ओराम ल्‍वा थो़म्‍डिमा येशू कुबी-बोक्‍साडला हुसाका सु़ वो मेबाट्‌पाडा लम्‍डी। गुमी लम्‍डिम थो़म्‍डिमा हापा शहरलामका सेर्पा मु़चु़ उनी चङचङ लाम्‍दित्तो लम्‍डी।