22 येशूका मेर्मिमनुङ र्वाम्डी, “माम्चु़नीडा थो़र लु़नी।
“इनीमा न-गोडा मेभ्रसिक्पा मेदु़म्नी। माम्चु़नीडा थो़रलु़नी, मा गोडला वो थो़र बेनी।
येशूका मेरामलाई र्वाम्डी, “गाना हेङा चाम्नी माला र्वानामिम? थो़रलु़पाका बोमु मेचाप्सु़मिम ने हाम वो मिबु।”
माम्चु़नीकु डु़ल्चो़ नुङ येशू ख्रीष्टकु थु़र्मा गो पावलका ओराम सेलाखाजेम र्याक्तोङा बेउ। उनीमा मु़चु़मिमलाई छो़म थो़र लु़बेसाका नुङ आच्छाङाकु सिजेम थेसिथेन्बेसाका उनीमा लाम्दीडा लाम्दिबेन्मु लागि माम्चु़नीका गोलाई थु़र्ङिडिमिम।
गानी कु-रु़दु़म रन्निलो ख्रीष्टनुङङा क्लु़म्सिट्निम बाइडा। मेम्मा ख्रीष्टलाई सिमुलाम फक्पा माम्चु़नीकु यु़मडा गानी थो़र बेन्निमलामका गानी वो ख्रीष्टनुङङा बक्निम बु।
गुमीका मेर्मिमलाई र्वाम्डी, “इनी थो़र याक्के बुमिमका। आच्छाङा गो गानीलाई र्वाङु, रायाकु मा हेप्माम याक्के वो थो़र गानीनुङ बु माला ओराम पोप्चङलाई ‘ओलामका हेम्ल्यासिडा’ र्वानी माला मेराम हेम्ल्यासी। गानी बोमु मेचाम्निमिम हाम वो मिबु।
येशूका र्वाम्डी, “गानीलाई गो आच्छाङा र्वाङु, गानी थो़रलु़नी, मा इनीमा नड्डा मेमुर्सिनी माला बैससीकु धक्सालाई गो बेउतोम होप्माम नुङ हापा डोक्पु खारी बोमु चाम्नी। ओराम पोप्चङलाई वो ‘होसामा दिरिदिनगोयु़ आल्सा’ र्वानी, मा मेमङा दु़म।
येशूका र्वाम्डी, “बिकाका मा!” मेकोतिमा कुबी-बोक्सालामका पत्रुस लुक्तामा कुकु थेम-थेम येशूकाडा लस्ता।
