मर्कूस 11:21 - थुलुङ राई

²¹ मेम्मा येशूका र्‍वाम्डिम ल्वा पत्रुसका मिम्‍डु़मा र्‍वाक्‍ता, “रब्‍बी! रेप्‍नी, गानी वाइतो बेट्‌निम बैससीकु धक्‍सा ने साड्‌डा डे रेछा।”

मर्कूस 11:21 Referans Kwoze

१ कोरिन्थी 16:22

कोङनिमका ङाचो़लाई रिखाम मेबु़ माला मेरामडला वाइतो रोनु़। आकीमा ङाचो़, योक्‍नी!

मत्ती 25:41

“मेकोतिमा हपका उ पेलाममिम मु़चु़मिमलाई र्‍वा, ‘माम्‍चु़नीलाम वाइतो ल्‍वापा मु़चु़नी, गोडाम होनो लक्‍नी। शैतान नुङ उ सेलाचो़मिमकाम लागि बनेदु़म्‍पा हेल्‍लो वो मेसिपा मुगोडा हुनी।

मत्ती 23:7

बजारबाडे डोक्‍पु बेसाका सेव सान्‍ला सो़म्‍सिमु नुङ ‘सीपा’ र्‍वाला सो़म्‍सिमु मेर्मिमका द्‌वामी।

मत्ती 21:19

लाम्‍दी फार्डा गुमीका कोले बैससीकु धक्‍सा ल्‍वाम्‍डी। मेरामकु मा बु डे र्‍वाक्‍साका गुमी मेसिन्‍डा लम्‍डी, लावो उ ब्‍लाम कोङङा बाइडा। मेकोतिमा गुमीका मे धक्‍सालाई र्‍वाम्‍डी, “आथाडा आनो हेल्‍लो वो इमा मा मेसिट्‌नु़।” मेम्मा बैससीकु धक्‍सा साट्‌ल्‍याड्‌डा।

मत्ती 23:8

“लावो गानीलाई सु़का वो ‘सीपा’ मेर्‍वानु़, हेङालोने गानीलाई सीपा ने कोलेङा बुमी, मा गानी खोत्‍ले वा-ल्‍वाक सो़।

यूहन्‍ना 4:31

मेराम थारीकाङा उनी सीसिपामिमका गुमीलाई आरे र्‍वाम्‍डिम-र्‍वाम्‍डिमङा बेम्‍डी, “सीपा, हाम-हुम पेनीका।”