मर्कूस 11:18 - थुलुङ राई

¹⁸ मेकोतिमा ङाउ डु़म्‍लाचो़मिम नुङ डु़म्‍ला सीपा पातु़म्‍रीमिमका ओराम थो़म्डिमा येशूलाई हेसाका सेन्‍मु र्‍वाक्‍पा खाप रेम्‍मु चो़म्‍मिडी। लावो मेर्मिम गुमीनुङ ङिम्‍डिम बाइडा, हेङालोने सेर्पा मु़चु़मिम खोत्‍ले ङा उनी सीसिडाम ङाङाया दु़म्‍मिडिम बाइडा।

मर्कूस 11:18 Referans Kwoze

मत्ती 7:28

येशूका ओर्मिम ल्‍वा सीमु दु़म्‍मिडिमा येशूकु सीसिडा सेर्पा मु़चु़ ङाङाया दु़म्‍मिडी,

मर्कूस 12:12

मेकोतिमा मेर्मिमका येशूलाई चु़म्‍मु माल्‍मिडी, हेङालोने ओराम सीसि-सो़म्‍दी उनीमा दुथाम ङा सो़म्‍डिम र्‍वाक्‍पा मेर्मिमका थेसिथेट्‌मिडी। लावो मे सेर्पा मु़चु़मिमडाम ङिम्‍डिमका गुमीलाई डिन्‍जो़ल्‍मिडिमा लम्‍ल्‍याम्‍डी।

थु़र्मा 24:25

लावो पावलका, “माम्‍चु़नीकु ङादोडा हाम जो़पा बु, मे ङा बोमु बासी, त्‍वापलाई जो़होमका जु़ल्‍मु बासी, माम्‍चु़नीका खोत्‍लेकाम निया बेपा थारी रोक्‍तोङा लेडु़” र्‍वाक्‍तालो फेलिक्‍स ङिस्‍तामा र्‍वाक्‍ता, “आनेप आकोतिङा, गाना लना लोवो नु़, दिफु वो गो येनी!”

यूहन्‍ना 7:46

सो़रनेम लपा मु़चु़मिमका र्‍वाम्‍डी, “मेराम मु़चु़का जेस्‍ताम होङङा सु़का वो जेम्‍डिम थो़त्तोकोम मिबु।”

लूका 20:19

मेकोतिमा यहूदीकु डु़म्‍ला सीपा पातु़म्‍रीमिम नुङ ङाउ डु़म्‍लाचो़मिमका ओराम सीसि-सो़म्‍दी आकी कोर्थो़लाम र्‍वाक्‍तो लेन्‍मी र्‍वाक्‍पा चम्‍डी। मेम्‍मिमका मेर्मिमका मेकोतिलोङा येशूलाई चु़म्‍मु माल्‍मिडी। लावो मे मु़चु़मिमडाम मेर्मिम ङिम्‍डी।

लूका 19:47

मेकोतिमा येशूका हेल्‍लो लोवो सो़रनेमगोडा सीन्‍थाल्‍मिडी। लावो ङाउ डु़म्‍लाचो़मिम, यहूदीकु डु़म्‍ला सीपा पातु़म्‍रीमिम मा यहूदीकु ङाउमिमका गुमीलाई सेन्‍मु माल्‍थाल्‍मिडी।

लूका 4:22

खोत्‍लेका उनीमा नङ कोम्‍डी, मा गुमीका जेम्‍डिम न-थो़मनुङमा सिजेम थो़म्‍डिमा ङाङाया दु़म्‍मिडी, मा मेर्मिमका र्‍वाम्‍डी, “हेसाका गुका आरे र्‍वामिम? गु ने योसेफकु चो़ मेएँ मा?”

मर्कूस 11:32

मु़चु़लाममिम र्‍वाकिलो वो हेसाका र्‍वामु?” लावो मेर्मिम आरे र्‍वामु वाङमिम मु़चु़मिमडाम ङिम्‍डी, हेङालोने यूहन्‍ना माम्‍चु़नीलाम-जेपा मु़चु़ र्‍वाक्‍साका खोत्‍लेका छेम्‍थाल्‍मिडी।

मर्कूस 6:20

हेङालोने यूहन्‍ना जो़पा-नगोनुङमा नुङ सेपा मु़चु़ र्‍वाक्‍साका हेरोद गुनुङ ङिस्‍थाल्‍लाम बाइडा। मेम्‍मिमका गुका जो़होमका जु़ल्‍लु़म बाइडा। यूहन्‍नाकु सिजेम थो़स्‍थाल्‍लु़लो उ नडा हाम बोमु हाम बोमु दु़स्‍थाल्‍ला, लावो गेर्सिसाका ङा थो़स्‍थाल्‍लु़।

मर्कूस 3:6

मेकोतिमा फरिसीमिम मेलामका लम्‍डी, मा येशूलाई हेसाका सेन्‍मु र्‍वाक्‍साका हेरोदीमिमनुङ मुलु़ बोमु चो़म्‍ल्‍याम्‍डी।

मर्कूस 1:22

उनी सीसिडा मेसिन्‍डा बाट्‌पा खोत्‍लेङा ङाङाया दु़म्‍मिडी, हेङालोने उनी सीसि मे यहूदीमिमकु डु़म्‍लासीपा पातु़म्‍रीमिमकाम होप्‍माम मेबायावा। लावो गुमीका उनी त्‍वाकु मुलु़गोनोम होम्‍साका सीट्‌मिडी।

मत्ती 21:15

लावो ङाउ डु़म्‍लाचो़मिम नुङ डु़म्‍ला सीपा पातु़म्‍रीमिमका गुमीका बेम्‍डिम हेल्‍लो वो मेल्‍वाम्‍मा खारीमिम ल्‍वाम्‍डी, मा चो़च्‍चो़मिमका वो सो़रनेमडा येत्तो, “दाऊदकु तारापाचो़लाई होसन्‍ना” र्‍वाक्‍पा थो़म्‍डी। मेम्‍मा मेर्मिमकाम उनी छोक्‍चो बक्‍ता।

लूका 2:47

गुमीका ल्‍वा थेसिथेट्‌मिडिमा उनी सि ख्‍लोक्‍मिडिम थो़पा मु़चु़मिम खोत्‍ले ङाङाया दु़म्‍मिडी।

यूहन्‍ना 7:1

ओराम चङडा, येशू गालील क्षेत्रबाडे खोत्‍लेथो़ खिर्सिम्‍डी। गुमीका यहूदिया क्षेत्रडाम वाङथो़ङा बाट्‌पा न बेम्‍डी। हेङालोने मेसिन्‍डा यहूदीमिमका गुमीलाई सेन्‍मु माल्‍तोङा लेट्‌मिडी।

यूहन्‍ना 7:19

हाम मोशाका गानीलाई डु़म्‍ला ग्‍वाक्‍निमी मेएँ मा? मावो गानी सु़वो मेराम डु़म्‍ला होम्‍साका मेदोनी। हेङा गानी गोलाई सेन्‍मु माल्‍ङिनी?”