मर्कूस 10:52 - थुलुङ राई

⁵² मेकोतिमा येशूका मेरामलाई र्‍वाम्‍डी, “लक्‍सा। इमा थो़रका ङा गानालाई सबेट्‌नाम बु।” मेकोतिलोङा मेरामका उमा मिक्‍सीका ल्‍वास्‍तु़मा येशूनुङ लाम्‍दिडा।

मर्कूस 10:52 Referans Kwoze

मत्ती 9:22

येशू चङथो़ ख्‍लोम्‍सीम्‍डिमा रेप्‍मिडिलो मे मेसेमलाई ल्‍वाम्‍डिमा र्‍वाम्‍डी, “ए तोङमा, मेङिसा, इमा थो़रका गाना सन्‍नाम बु।” मेकोतिलोङा मे मेसेम सस्‍ल्‍याड्‌डा।

लूका 7:50

येशूका मेराम मेसेमलाई र्‍वाम्‍डी, “गाना गोडला थो़र लु़न्‍नामका गाना सेल्‍सिट्‌नाम बु। इ न भ्रसिक्‍तो लक्‍सा।”

मर्कूस 8:25

मेकोतिमा गुमीका आथावो मेरामकु मिक्‍सीडा उनी ल्‍वा जु़ल्‍मिडी, मा मेरामका रेप्‍डु़म-रेप्‍डु़मङा बु़डु़। मेम्‍मा मेरामकु मिक्‍सी ङादोम होप्‍मामङा दु़स्‍ल्‍याड्‌डा, मा खोत्‍लेमथोक जो़होमका ल्‍वापा दु़स्‍ता।

मर्कूस 5:34

मेकोतिमा येशूका मेराम मेसेमलाई र्‍वाम्‍डी, “ए यु़म्‍पी, इमा थो़रकाङा गाना सन्‍नाम बु, मेम्‍मिमका इमा न भ्रसित्तो लक्‍सा, मा इमा सोमोरी वो हेम्‍सिनु़।”

यूहन्‍ना 9:32

मिक्‍सीका मेल्‍वापाङा गक्‍पा मु़चु़लाई सु़म्‍दिमोलो आथाम सु़का वो उमा मिक्‍सी होर्सामु चाप्‍स्‍तु़म मिबु।

मत्ती 15:28

मेकोतिमा येशूका मे मेसेमलाई र्‍वाम्‍डी, “ए छापा, इमा थो़र छो़म डोक्‍पु बु। गाना र्‍वाक्‍नाम होङङा दु़म्नु़।” मेम्‍मा मे मेसेमकु जाउमोचो़ मेराम थारीकाङा सस्‍ल्‍याड्‌डा।

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

मर्कूस 1:31

मेम्‍मिमका येशू उमाडा लम्‍डिमा उ ल्‍वाडा जेट्‌मिडिमा फम्‍डी, मा मेम्‍लोङा डार्चु़मोका वो डिट्‌ल्‍याट्‌डु़। मेकोतिमा मेरामका उनी चापे-डुपे बोमु चो़म्‍डु़।

मत्ती 21:14

मिक्‍सीका मेल्‍वापा नुङ खेल सोक्‍पा मु़चु़मिम सो़रनेमगोडा येशूकाडा रोम्‍डी, मा गुमीका मेर्मिमलाई सबेट्‌मिडी।

मत्ती 12:22

मेकोतिमा मु़चु़मिमका कोले मु़चु़लाई येशूकाडा रेट्‌मिडी। मेराम मु़चु़लाई मुनाङका हुप्‍डु़मका जेमु मेचापा नुङ उ मिक्‍सीका मेल्‍वापा बाइडा। येशूका मेराम मु़चु़लाई सबेट्‌मिडी, मा जेमु चापा नुङ ल्‍वापा दु़स्‍ता।

यूहन्‍ना 9:39

येशूका र्‍वाम्‍डी, “मिक्‍सीका मेल्‍वापा मु़चु़मिमका मिक्‍सीका ल्‍वामिनु़, मा मिक्‍सीका ल्‍वापामिम मेल्‍वापा दु़म्‍मिनु़ र्‍वाक्‍साका निया बोमु लागि गो सु़म्‍दिसेरडा योङडोम सो़।”

मत्ती 11:5

मिक्‍सीका मेल्‍वापामिमका मिक्‍सीका ल्‍वाम्‍डिम, मा खेल सोक्‍पामिम लाम्‍दिम्‍डिम बु। जोन बेट्‌पामिम सम्‍डिम बु। नोफ्‍लाका मेथो़पामिमका थो़मी, सिपा मु़चु़मिम सिमुलाम बम्‍गेम्‍डिम बु, मा उनी हाम वो मेबाट्‌पामिमका माम्‍चु़नीकु जो़पा-सेला थो़त्तोङा लेन्‍मी।

लूका 9:48

मेम्‍मा मे सीसिपामिमलाई र्‍वाम्‍डी, “उहेमका गोडला थो़रलु़डामका ओराम चो़च्‍चो़लाई हुनाखाना बु़, मेरामका गोलाई हुनाखाना बोङि, मा मेराम मु़चु़का गोलाई थु़र्पा माम्‍चु़नीलाई वो हुनाखाना बु़। गानीगोडाम खोत्‍लेडाम याक्‍के सु़ बु, मेराम मु़चु़ङा खोत्‍लेडाम डोक्‍पु दु़म।”

मत्ती 8:3

गुमीका उनी ल्‍वा हम्‍मिडिमा मेराम मु़चु़लाई लु़प्‍मिडी। मेम्‍मा र्‍वाम्‍डी, “गो न बेउ, गाना सेपा दु़म्‍नानु़।” मेकोतिलोङा मेरामकु जोन हेम्‍ल्‍यासिड्‌डा।