मर्कूस 10:48 - थुलुङ राई

⁴⁸ हापा मु़चु़मिमका मेयेसा र्‍वाक्‍तोङा मेरामलाई भुर्मिडी। लावो मेराम आथावो छो़म डोक्‍पु लो़लामका आरे र्‍वाक्‍तोङा येस्‍ता, “ए दाऊदकु चो़-चु़सु़! गोडला इनी न-थो़म रेम्‍बेनी।”

मर्कूस 10:48 Referans Kwoze

हिब्रू 5:7

येशू सु़म्‍दिडा बाम्‍डिलो ख्राप्‍तो येत्तो प्‍ल आल्‍साका त्‍वाप सिमुलाम सेल्‍मु चापा माम्‍चु़नी नुङ छो़म र्‍वाम्‍डी मा सो़म्‍दी बेम्‍डी। मेम्‍मा माम्‍चु़नीका उनीमा सो़म्‍दी थो़म्‍डी, हेङालोने येशू याक्‍के दु़म्‍साका माम्‍चु़नीलाई डोक्‍पु मिम्‍मिडिम बाइडा।

लूका 18:39

ङादो-ङादो लाम्‍दिपा मु़चु़मिमका मेरामलाई लिबा बाया बेम्‍डिमा भुर्मिडी, लावो गुका मेरामडाम वो हापा डोक्‍पु लो़लामका येस्‍तामा र्‍वाक्‍ता, “ए दाऊदकु चो़, गोडला न-थो़म रेम्‍बेनी!”

मर्कूस 5:35

गुमी जेत्तोङा बेम्‍डिलो याइरसकु नेमलामका बिक्‍पा कोङनिम मु़चु़मिमका याइरसलाई र्‍वाम्‍डी, “इनी चो़ ने सिम्‍ल्‍यामु दु़म्‍स्‍तु़म बु, आथा ने ङाचो़लाई दु़खा मेग्‍वानिमी।”

मत्ती 20:31

सेर्पा मु़चु़का मेर्चिपलाई भुर्मिडिमा लिवा बाबेट्‌मिडी, लावो मेर्चिपका आरे र्‍वाक्‍तो आथावो छो़म डोक्‍पु लो़लामका येच्‍ची, “ङाचो़, दाऊदकु तारापाचो़, गुचुकुडला न-थो़म रेम्‍बेनी।”

मत्ती 19:13

येशूका चो़च्‍चो़मिमडला ल्‍वा जु़ल्‍साका सो़म्‍दी बोमिनु़ र्‍वाक्‍साका मु़चु़मिमका मेर्मिमलाई उनीमाडा रेट्‌मिडी। लावो सीसिपामिमका मे मु़चु़मिमलाई भुर्मिडी।

एफिसी 6:18

हेल्‍लो लोवो सो़म्‍दी बेनी, माम्‍चु़नीनुङ ख्‍लो़ला सो़न्‍सिट्‌नी। खोत्‍ले थारीका माम्‍चु़नी-पेलनुङ दु़म्‍साका सो़म्‍दी बेनिम बानी। ओर्मिम ल्‍वा नडा जु़ल्‍साका चङचङया दु़म्‍तो कुदु़मार सो़म्‍दी बेनी, मेम्‍मा खोत्‍ले थो़रलु़पामिमकाम लागि सो़म्‍दी बेनी।

मत्ती 9:27

येशू मेलामका लक्‍तोङा बेम्‍डिलो मिक्‍सीका मेल्‍वापा मु़चु़चिपका डोक्‍पु लो़लामका आरे र्‍वाक्‍तो उनी चङचङ लक्‍ची, “ए दाऊदकु तारापाचो़, गुचुकुडला न-थो़म रेम्‍बेनी।”

मर्कूस 10:13

येशूका लु़म्‍मिनु़ र्‍वाक्‍साका मु़चु़मिमका याक्‍के चो़च्‍चो़मिमलाई उनीमाडा रेट्‌मिडी। लावो उनी सीसिपामिमका मेर्मिमलाई भुर्मिडी।