47 मेकोतिमा नासरतडाम येशू लक्तोङा बोमी र्वाक्पा थो़स्तु़मा मेरामका येत्तोङा र्वाक्ता, “ए दाऊदकु चो़-चु़सु़, येशू, गोडला इनी नथो़म रेम्बेनी।”
मेरामका येत्तोङा येशूनुङ र्वाक्ता, “ए नासरतडाम येशू, गुकुनुङ गानी हाम माल्निमिम? हाम गानी गुकु पुयु़लुबेड्डा रोक्निम? गानी माम्चु़नीकु सेपाचो़ र्वाक्साका गो जो़होमका छेनिनी।”
“गो, येशूका, मण्डलीमिमकाम लागि ओराम ल्वा सो़मु आमा पाह्रीचो़ इमाडा थु़र्तोम बु। दाऊदकु फ्रु़प नुङ चो़-चु़सु़, नुङ नेमछेमुकु झ्वाक्पा सोरलुङ गोङा सो़।”
येशू मेलामका लक्तोङा बेम्डिलो मिक्सीका मेल्वापा मु़चु़चिपका डोक्पु लो़लामका आरे र्वाक्तो उनी चङचङ लक्ची, “ए दाऊदकु तारापाचो़, गुचुकुडला न-थो़म रेम्बेनी।”
मेर्मिमका गुलाई र्वाम्डी, “हाम गाना वो गालील क्षेत्रडामङा? माम्चु़नीकु सिजेमडा रेप्डा, मा माम्चु़नीलाम-जेपा मु़चु़ गालीलामका मेरो र्वाक्पा गाना डार्ना।”
पत्रुस मेलाम लस्तामा लाम्चोको फार्डा कोङमी डु़ल्चो़मेका गुलाई ल्वास्तु़मा मेसिन्डाम मु़चु़मिमलाई र्वाक्ता, “ओराम मु़चु़ नासरतडाम येशूनुङ बाइडा।”
मेराम क्षेत्रडाम कोले कनानी वाङसामा मेसेम येशूकाडा रोक्तामा येत्तो आरे र्वाक्ताम-र्वाक्तामङा बु़डु़, “ङाचो़, दाऊदकु तारापाचो़, गोडला न-थो़म रेम्बेनी, आमा जाउमोचो़ मुनाङका हुप्डु़मा छो़म दु़खा ग्वाक्तु़म बु।”
हेङालोने ओरामका आरे र्वाक्ताम गुकु थो़त्तोकोम बु, ‘नासरतडाम येशूका ओराम सो़रनेम फाल्मी, मा मोशाका गुइलाई ग्वाक्साड्डाम डु़म्ला वो वाङमी ङा दु़म्बेन्मी’।”
पिलातसका कोङ छेखोप येशूकु बुइकुडला केप्डु़म बाइडा। मेसिन्डा: “नासरतडाम येशू यहूदीमिमकु हप” र्याक्मा बाइडा।
याङका र्वाम्डी, “गु ख्रीष्ट।” आथावो कोङ-कोङका र्वाम्डी, “हाम ख्रीष्ट गालीललामका रोमी मा?
नथानेलका गुनुङ र्वाक्ता, “हाम नासरतलाम कोङनिम जो़पा ल्वा रोमु चाप्सु़ मा?” फिलिपका र्वाक्ता, “बिकामा रेप्डा।”
गुमी नासरत देलडा रोम्डी। मेसिन्डा गुमी बर्मिडिम बाइडा। गुमी ङादो आथाममिम उनी बादीखाम होम्साका ङेम्सिमुनेम घ्रो़म्दीनेमडा लम्डिमा माम्चु़नीकु सिजेम डान्मु लागि गुमी येम्सिम्डी।
सेर्पा मु़चु़का र्वाम्डी, “गुमी गालीलडाम नासरत देललामका बिम्डिम माम्चु़नीलाम-जेपा येशू।”
येशू मु़चु़मिमकु थेतेडा बाम्डी, मा उनी होनोलाम-आथो़लाम बाट्पा खोत्ले मु़चु़मिमका आरे र्वाक्तो येम्डी, “दाऊदकु तारापाचो़लाई होसन्ना! मिप्रङमाकु नङडा योक्पा गुमी जिनुङमा सो़! येप्पा पाह्रीलाम माम्चु़नीलाई होसन्ना!”
लाम्दी फार्डा गन्तासिट्पा मिक्सीका मेल्वापा नले मु़चु़का येशू मेराम लाम्दीभाल लक्तोङा लेन्मी र्वाक्पा थो़च्ची। मेम्मा आरे र्वाक्तो येमु चो़म्ची, “ङाचो़, दाऊदकु तारापाचो़, गुचुकुडला न-थो़म रेम्बेनी।”
सेर्पा मु़चु़ ङाङाया दु़म्मिडिमा र्वाबेम्डी, “दाऊदकु तारापाचो़ मसीह ओ येशूङा ने मेएँ?”
मा नासरत र्वाक्मा देलडा बाइडा। माम्चु़नीलाम-जेपामिमका आरेसाका र्वाम्डिम रोक्थिड्डा: “गुमीलाई नासरी र्वामी।”
ओराम येशू ख्रीष्टकु पाइमाखाकाम नङमिमकु सु़म्दिमोलोम ल्वा सो़। येशू ख्रीष्ट दाऊदकु दोचो़लामका रोम्डी, मा दाऊद अब्राहामकु दोचो़लाममिम बाइडा।