मर्कूस 10:45 - थुलुङ राई

⁴⁵ हेङालोने मिनीचो़ चापेडुपे बेला सो़सिड्‌डा मेएँ, चापेडुपे बेप्‍डा नुङ उमा साम फ्‍याक्‍साका हापा मु़चु़मिमकु थि सोक्‍साका सेल्‍मु लागि योक्‍ताम सो़।”

मर्कूस 10:45 Referans Kwoze

मत्ती 20:28

मिनीचो़ चापे-डुपे बेला सो़सिप्‍डा मेएँ, चापे-डुपे बेप्‍डा नुङ उमा त्‍वाकु साम फ्‍यामुमा हापा मु़चु़मिमकु थि सोक्‍साका सेल्मु लागि योक्‍ताम सो़।”

२ कोरिन्‍थी 8:9

इकीमा ङाचो़ येशू ख्रीष्‍टकु डोक्‍पु दिदाम ने गानी चनिम बु। गुमी पाह्रीलाम बाट्‍पा जो़ल्‍सिक्‍पा बाम्‍डी, लोवो उनीमा हाम वो मेबाट्‍पा दु़म्‍सीका गानी बाट्‍पा जो़ल्‍सिक्‍पा दु़म्‍नी र्‍वाक्‍साका गुमी उनी हाम वो मेबाट्‌पा दु़म्‍मिडी।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

यूहन्‍ना 13:14

गो इनीमा ‘सीपा’ नुङ ‘ङाचो़’ दु़म्‍साका वो इनीमा खेल सो़ल्‍तो माला गानी इनीमा खेल सोल्‍बेबोमु बासी।

यूहन्‍ना 10:15

आमा पापका गोलाई छेङिमी, मा पापलाई गो छेपुमिम होङ्‍ङा भेन्‍दामिमकाम लागि आ त्‍वापलाई सासेट्‌पु।

हिब्रू 5:8

ख्रीष्‍ट माम्‍चु़नीकु तारापाचो़ बाम्‍डी, लावो त्‍वाका ल्‍वाम्‍डिम दु़खालामका गुमीका माम्‍चु़नीका र्‍वामिमिम थो़पा दु़म्‍मु सीसिम्‍डी।

१ पत्रुस 1:19

लावो हाम वो मेख्‍लो़ट्‌पा नुङ मेजो़पा हाम वो मेबाट्‌पा भेन्‍दाचो़ होप्‍माम ख्रीष्‍टकु हापा थिकाम सिसिका भ्रेसाका माम्‍चु़नीका गानीलाई फ्‍वाक्‍निमिम सो़।

२ कोरिन्‍थी 5:21

माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।

गलाती 3:13

येशू ख्रीष्‍टका थि सोक्‍साका डु़म्‍लागोडाम वाइतोलामका गुइलाई फ्‍वाक्‍साड्‌डामी, मा इकीमा खोमडा गुमी वाइतो बेन्‍ला सो़सिम्‍डी। हेङालोने माम्‍चु़नीकु सिजेमडा र्‍याक्‍मा बु, “सु़ सङडा चेसी मेराम वाइतो बेन्‍ला सो़सिड्‌डाम दु़म।”

मर्कूस 10:44

मेकोतिमा गानीगोडाम उहेमका खोत्‍लेडाम ङादो दु़म्‍मु न बु़, मेराम खोत्‍लेकु डु़ल्‍चो़ दु़म्‍मु बासी।