मर्कूस 10:35 - थुलुङ राई

³⁵ जब्‍दियाकु चो़चिप याकूब नुङ यूहन्‍ना येशूकाडा रोक्‍चिमा र्‍वाक्‍ची, “ङाचो़, गुचुकु गानीनुङ हाम बिचुकु, मेराम गानी गुचुकुलाई बेसाक्‍चिकिनी र्‍वाक्‍पा आचीमा न बु।”

मर्कूस 10:35 Referans Kwoze

मर्कूस 14:33

मेकोतिमा गुमीका पत्रुस, याकूब नुङ यूहन्‍नामिमलाई गुमीनुङ लम्‍डी। मेकोतिलो येशू उनी गो मेभ्रसिट्‌पा नुङ न ख्‍याक्‍ल्‍याक्‍पा बाम्‍डी।

मर्कूस 5:37

मेकोतिमा येशूका पत्रुस, याकूब नुङ उमा ल्‍वाक यूहन्‍नाडाम वाङमी सु़ वो गुमीनुङ लमु मेग्‍वाक्‍मिवा।

मर्कूस 9:2

मेरामकु रुलेम चङडा येशूका पत्रुस, याकूब नुङ यूहन्‍नालाई लम्‍डिमा कोङ येप्‍पा पोप्‍चङडला लम्‍डी। मेडला येशू नुङ सुले उनी सीसिपामिमडाम वाङमी सु़ वो मेबामिवा, मा मेर्मिमका रेप्‍मिडी होङङा येशूकु ङाली ख्‍लोसिड्‍डा।

मत्ती 4:21

येशू मेलामका लक्‍तोङा बेम्‍डिलो जब्‍दियाकु तारापाचो़चिप याकूब नुङ यूहन्‍नालाई ल्‍वाम्‍डी। मेर्चिपका उची पाप जब्‍दियानुङ कुबी-बोक्‍साडला गन्‍तासिसाका उची पालुङ फिर्तोङा बेच्‍ची। येशूका मेर्चिपलाई येट्‌मिडिची,

मर्कूस 10:36

गुमीका मेर्चिपनुङ हिलाबेम्‍डी, “गो गाचीलाई हाम बेउनु़ र्‍वाक्‍पा इचीमा न बु?”