मर्कूस 10:34 - थुलुङ राई

³⁴ मेकोतिमा मेर्मिमका गुलाई नाले डान्‍मी, थक्‍सी बेन्‍मी, याल्‍मी मा सेन्‍मी। लावो सुलेम नेम गु सिमुलामका बगे।”

मर्कूस 10:34 Referans Kwoze

मर्कूस 14:65

मेकोतिमा कोङ-कोङका येशूलाई थक्‍सी बेट्‌मिडी, मा उनी मिक्‍सी ड्‌याम्‍डिमा मुठिमका याक्‍तोङा र्‍वाम्‍डी, “लु सु़का याल्‍ना माम्‍चु़नीलाम जेसा!” मेकोतिमा सिपाहीमिमका लम्‍डिमा याल्‍मिडी।

मत्ती 26:67

मेकोतिमा मेर्मिमका येशूकु कलडा थक्‍सी बेट्‌मिडी, मा मुठिमका याल्‍मिडी, मा याङका लपटाका याल्‍तो,

मत्ती 16:21

गुमी यरूशलेम लमुङा बासिक्‍पा, मा ङाउमिमका, ङाउ डु़म्‍लाचो़मिमका नुङ डु़म्‍ला सीपा पातु़म्‍रीमिमका हापा ल्‍वालाम गुमीलाई दु़खा ग्‍वामी, गुमीलाई सेन्‍मी, लावो सुलेमनेम गुमी बम्‍गेट्‌मी र्‍वाक्‍साका मेम्‍लो आथाम येशूका उनी सीसिपामिममनुङ सो़मु चो़म्‍मिडी।

१ कोरिन्थी 15:4

मा गुमीलाई क्‍लु़म्‍मिडी, मा माम्‍चु़नीकु सिजेम होम्‍साका सुलेमनेम माम्‍चु़नीका गुमीलाई सिमुलाम फम्‍डी,

यूहन्‍ना 2:10

मा र्‍वाक्‍ता, “खोत्‍ले मु़चु़मिमका ङादो भ्रपा अङ्‍गूरकु बिलाम थो़मी, मा बोच्‍चो़मिमका अङ्‍गूरकु बिलाम हापा डुमिमिम चङडा मेभ्रपा अङ्‍गूरकु बिलाम थो़मी। लावो गाना ने ओम्‍लोसम्‍म भ्रपाङा अङ्‍गूरकु बिलाम जु़ल्‍थाट्‌नाम रेछा।”

यूहन्‍ना 1:17

हेङालोने माम्‍चु़नीका मोशालामका डु़म्‍ला ग्‍वाक्‍साड्‌डामी, लावो दिदाम नुङ आच्‍छाङाकाम ल्‍वा ने येशू ख्रीष्‍टलाम रेम्‍बेम्‍डी।

लूका 23:11

मेम्‍मा हेरोद हप नुङ उ सिपाहीमिमका येशूलाई डक्‍साका जेम्‍डिमा नाले डाट्‌मिडी। मेम्‍मा गुमीलाई हपकु ये-सेम फबेड्‌डु़मा पिलातसकाडा ङा ख्‍लोक्‍सोड्‌डु़।

मर्कूस 14:63

ओराम थो़स्‍तु़मा ङाउ डु़म्‍लाचो़का उ रो़मडाम ये आ़क्‍तोङा र्‍वाक्‍ता, “आथावो ओरामडाम वाङमी ल्‍वा हाउ मा?

मत्ती 27:63

मा र्‍वाम्‍डी, “ङाचो़, मेराम लुचो़ नु़पा बाइडालो ‘सुलेमका सिमुलाम बम्‍गेङु’ र्‍वाक्‍ताम आकी नडा बु।

मर्कूस 9:31

हेङालोने गुमीका उनीमा त्‍वाकु सीसिपामिमलाई आरे र्‍वाक्‍तोङा सीत्तो बेम्‍डी, “मिनीचो़ मु़चु़मिमकु ल्‍वाडा ग्‍वाला सो़सी, मा मेर्मिमका सेन्‍मी। लावो सेन्‍मिमिमकु सुलेम नेम मेराम सिमुलामका ब गे।”