मर्कूस 10:33 - थुलुङ राई

³³ गुमीका र्‍वाम्‍डी, “थो़नी, गुइ यरूशलेमथो़ लक्‍तोङा बिइ। मेसिन्‍डा मिनीचो़लाई कोङ-कोङका डु़म्‍लाचो़मिम नुङ डु़म्‍ला सीपा पातु़म्‍रीमिमकु ल्‍वाडा ग्‍वामी, मा मेर्मिमका सेन्‍मु मुलु़ बोमी। मेकोतिमा सेन्‍मुलाई मेर्मिमका वाङसामामिमकु ल्‍वाडा ग्‍वामी।

मर्कूस 10:33 Referans Kwoze

मत्ती 27:2

मेम्‍मा मेर्मिमका गुमीलाई बसाका लम्‍डिमा रोमी किब्‍दी साखामचो़ पिलातसलाई ग्‍वाम्‍डी।

मर्कूस 8:31

गुमीका आरे र्‍वाम्‍डिमा सीमु चो़म्‍मिडी, “ओराम मिनीचो़का छो़म दु़खा ल्‍वामु, थेट्‌पा चक्‍पामिम, ङाउ डु़म्‍लाचो़मिम नुङ पातु़म्‍रीमिमलामका नाप्‍छु़न्‍ला सो़सिमु, मा सेन्‍ला सो़सिमु बासी। मेकोतिमा सुलेम नेम सिमुलाम बम्‍गेमु बासी।”

मत्ती 26:66

इनीमा मुलु़ हाम बु?” मेर्मिमका र्‍वाम्‍डी, “गु सिमुका घ्रेट्‌पा बु।”

मत्ती 16:21

गुमी यरूशलेम लमुङा बासिक्‍पा, मा ङाउमिमका, ङाउ डु़म्‍लाचो़मिमका नुङ डु़म्‍ला सीपा पातु़म्‍रीमिमका हापा ल्‍वालाम गुमीलाई दु़खा ग्‍वामी, गुमीलाई सेन्‍मी, लावो सुलेमनेम गुमी बम्‍गेट्‌मी र्‍वाक्‍साका मेम्‍लो आथाम येशूका उनी सीसिपामिममनुङ सो़मु चो़म्‍मिडी।

याकूब 5:6

इनीमा कोर्थो़लाम मेबक्‍पा जो़पा मु़चु़लाई गानी मुमा बेट्‌नीमा सेट्‌निम बु।

थु़र्मा 20:22

“रेप्‍नी, माम्‍चु़नी-पेलका बट्‌ङिडिमिमका गो यरूशलेमथो़ लक्‍तोङा बेउ। मेसिन्‍डा गोलाई हाम दु़म गो मेचक्‍पु।

थु़र्मा 13:27

लावो यरूशलेमडा बाट्‌पा मु़चु़मिम नुङ उनी साखामचो़मिमका येशू सेल्‍पा बुमी र्‍वाक्‍साका मेछेमिवा। माम्‍चु़नीलाम-जेपामिमकु सिजेम ङेम्‍सिमु-ङेम्‍सिमुनेम हेल्‍लो लोवो डान्‍थाल्‍मिडी, लावो थेसिमेथेट्‌मिवा। येशूलाई मेर्मिमका देन्‍दे ग्‍वाक्‍साका मे माम्‍चु़नीकु सिजेमडा र्‍याक्‍मा होङङा रेन्‍थिम्‍डी।

यूहन्‍ना 19:11

येशूका र्‍वाम्‍डी, “माम्‍चु़नीका गानीलाई ग्‍वाक्‍निमका कोङङा गोडला इनीमा साखाम बुमिम। मेम्‍मिमका इनीमा ल्‍वाडा गोलाई ग्‍वाक्‍पाका छो़म डोक्‍पु छु़ल बु़डु़म बु।”

यूहन्‍ना 18:28

मेकोतिमा यहूदीमिमका येशूलाई कैयाफाकु नेमलामका रोमी साखामचो़कु ओगानेमथो़ लम्‍डी। मेराम थारी नेमसोसोका बाइडा, मा डु़म्‍ला होम्‍साका मेसेपा दु़म्‍मुडाम वाङ बुमु ओगानेमगोनो यहूदीमिम मेहुमिवा। सेल्सिमुनेम चाडकाम ग्रुला पेपा मेर्मिमकु न बाइडा।

लूका 23:21

लावो मेर्मिमका आरे र्‍वाक्‍तो येम्‍डिम बाम्‍डी, “मेरामलाई क्रूसडा चेट्‌नी! मेरामलाई क्रूसडा चेट्‌नी!”

लूका 9:22

मेकोतिमा गुमीका र्‍वाम्‍डी, “मिनीचो़का छो़म दु़खा ल्‍वासु़। ङाउमिमका, ङाउ डु़म्‍लाचो़मिमका मा यहूदीमिमकु डु़म्‍ला सीपा पातु़म्‍रीमिमका गुलाई मेद्‌वामिमा सेन्‍मी। लावो सुलेमनेम सिमुलाम गु बगे।”

मर्कूस 15:1

नेमसोमु दु़म्‍स्‍तु़ मेडे ङाउ डु़म्‍लाचो़मिम, ङाउमिम, यहूदीमिमकु डु़म्‍ला सीपा पातु़म्‍रीमिम, नुङ खोत्‍ले डोक्‍पु-घ्रो़म्‍दीडामका उनी त्‍वापगोनो मुलु़ बेम्‍डिमा येशूलाई बट्‌मिडिमा लम्‍डी, मा पिलातसलाई ग्‍वाम्‍डी।

मर्कूस 14:64

ओरामका माम्‍चु़नीलाई डक्‍साका जेस्‍ताम ने गानी थो़न्‍ल्‍याट्‌नी, गानी हाम र्‍वानी?” मेकोतिमा मेर्मिम खोत्‍लेका येशूलाई सेन्‍मु घ्रेट्‍पा बुमी र्‍वाक्‍साका मुमा बेट्‌मिडी।

मर्कूस 9:31

हेङालोने गुमीका उनीमा त्‍वाकु सीसिपामिमलाई आरे र्‍वाक्‍तोङा सीत्तो बेम्‍डी, “मिनीचो़ मु़चु़मिमकु ल्‍वाडा ग्‍वाला सो़सी, मा मेर्मिमका सेन्‍मी। लावो सेन्‍मिमिमकु सुलेम नेम मेराम सिमुलामका ब गे।”

मर्कूस 9:12

येशूका मेर्मिमलाई र्‍वाम्‍डी, “आच्‍छाङा, एलिया ङा ङादो योमु बासी, मा खोत्‍ले ङादोम होप्‍माम ङा बु़जो़लु़। लावो मिनीचो़का छो़म दु़खा ल्‍वामु नुङ खोत्‍लेलामका नाप्‍छु़न्‍ला सो़म्‍सिमु बासी र्‍वाक्‍साका हेङा र्‍याक्‍मा?”

यूहन्‍ना 18:32

गुमी हेसाका सिमु बासी र्‍वाक्‍साका येशूका र्‍वाम्‍डिम ल्‍वा रोम्‍थिमु लागि आरे दु़स्‍ताम बाइडा।