मर्कूस 10:30 - थुलुङ राई

³⁰ मेरामका दु़खानुङङा को सङ कोति हापा छो़म नेम-किम, वा-ल्‍वाक, रिचो़मिम, ये-द, माम-पाप, चो़च्‍चो़मिम ओम्‍लोम थारीकाङा ल्‍वासु़। मेकोतिमा दिफु रोक्‍पा थारीका हेल्‍लो वो मेसिपा त्‍वारो़म वो ल्‍वासु़।

मर्कूस 10:30 Referans Kwoze

फिलिप्‍पी 3:8

मेकोति कोङङा मेएँ, ख्रीष्‍ट येशू आमा ङाचो़लाई छेत्तोमका हापा थिकाम ल्‍वानुङ थो़प्‍सीडा खोत्‍ले ल्‍वा हाम वो मेएँ र्‍वाक्‍पा लु़ङु। ख्रीष्‍टलाई गो ल्‍वाउनु़ मा गो गुमीनुङ दु़म्‍ङुनु़ र्‍वाक्‍साका खोत्‍ले ल्‍वा हाम ना हामकाम दु़म्‍बेत्तो मा मेर्मिम ने पारिमिम घ्राम्‍लु़पा कोतिम लु़ङु।

लूका 18:30

मेरामका ओम्‍लो मे डिड्‌डु़मडाम वो हापा ल्‍वासु़, मा दिफु रोक्‍पा थारीका हेल्‍लो वो मेसिपा त्‍वारो़म ल्‍वासु़।”

२ कोरिन्‍थी 6:10

न-गोडा दु़खा बु लोवो हेल्‍लो लोवो भ्रसिक्‍पा बुकु। गुकु हाम वो मेबाट्‌पा लोवो हापा मु़चु़लाई खाप्‍चीचो़ दु़म्‍बेट्‌पा बुकु। हाम वो मेबाट्‌पा लोवो खोत्‍लेम थोक बाट्‌पा बुकु।

याकूब 1:12

उ न-छाम्‍सिमिम थारीका इम्‍साका बाट्‌पा मु़चु़ङा जिनुङमा दु़म सो़। हेङालोने उ न-छाम्‍सिमु थारी हेप्‍डु़मिम चङडा माम्‍चु़नीका रिखाम बेपामिमलाई गुमीका ङादो ग्‍वानिनी र्‍वाम्‍डिम मुकुट मेरामका ल्‍वासु़, मेराम मुकुट र्‍वाक्‍मा हेल्‍लो वो मेसिपा त्‍वारो़म सो़।

याकूब 5:11

रेप्‍नी, उहेम इम्‍सिसाका बु गुलाई गुइ जिनुङमा सो़ र्‍वाकी। गानी अय्‍युबका उ दु़खा इम्‍डु़मकु दुथाम थो़न्‍निम बु, मा माम्‍चु़नीका मेरामलाई जि ग्‍वाम्‍डिम वो ल्‍वान्‍निम बु। गुमी हाङको छो़म न-थो़म नुङ दिदामनुङमा बुमी।

रेम्‍बेट्‌मिडिम ल्‍वा 3:18

मुड्‌डा चासाका जो़पा बेम्‍मा सो़ना आमालामका भ्रेया मा गाना खाप्‍चीचो़ दु़म्‍ना, फम्‍सिमु लागि बुबुयाम ये-सेम आमालामका भ्रेया मा इमा क्रो़मलु़पा खालिन्‍ते ख्रेमु चाम्‍ना, मा इमा मिक्‍सीडा फिमु दबाई आमालाम भ्रेया मा इमा मिक्‍सीका ल्‍वामु चाम्‍ना र्‍वाक्‍साका गो गानालाई मुलु़ ग्‍वानी।

१ तिमोथी 6:6

लावो गो-तिम्‍सिक्‍साका बिइमिम सो़रलोलेङा छो़म डोक्‍पु थिकाम सो़।

थु़र्मा 5:41

माम्‍चु़नीका मेर्मिमलाई येशूकु नङडा नाप्‍छु़न्‍ला सो़म्‍सिमु घ्रेट्‌पा दु़म्‍बेट्‌मिडी र्‍वाक्‍तो गेर्सिक्‍तो मेर्मिम मे डोक्‍पु घ्रो़म्‍दीलामका लुम्‍डिमा लम्‍डी।

१ यूहन्‍ना 3:1

रेप्‍नी, पाह्रीलाम इकीमा पापका गुइलाई हाङको छो़म रिखाम बेसामी, गुइलाई माम्‍चु़नीकु चो़मिम र्‍वामी, मा आच्‍छाङा गुइ उनीमा चो़च्‍चो़मिमङा सो़। सु़म्‍दिसेरडाम मु़चु़मिमका माम्‍चु़नी मेछेमिवा, मेम्‍मिमका गुइलाई मेछेसामी।

२ थेसलोनिकी 2:16

गुइलाई रिखाम बेपा ङाचो़ येशू ख्रीष्‍ट नुङ माम्‍चु़नी इकी पापकु दिदामका हेल्‍लो वो मेहुक्‍पा सो हन्‍बेसाड्‌डामिम बु, मा जो़पा ल्‍वा लथाक्‍पा दु़म्‍बेसाड्‌डामिम बु।

रोमी 6:23

हेङालोने छु़लकु खारी बेपा मु़चु़का ने सिमुलाम रेडु़, लावो माम्‍चु़नीका मेडेङा ग्‍वाक्‍साड्‍डामिम राप्‍लावा ने इकीमा ङाचो़ येशू ख्रीष्‍टडाम हेल्‍लो मेसिपा त्‍वारो़म सो़।

रोमी 5:3

मेकोति कोङङा मेएँ, दु़खा थारीका वो गुइ गेर्सी द्‍वाकी, हेङालोने मेराम दु़खाकाङा गुइलाई इम्‍मु चापा दु़म्‍बेसा र्‍वाक्‍पा चडिम बु।

थु़र्मा 16:25

सिन्‍थाम को-न (१२) जेस्‍ताम बिलि पावल नुङ सिलासका सो़म्‍दी बेत्तो माम्‍चु़नीकु काम्‍सो बेच्‍चिम बाच्‍ची, मा वाङमिम चक्‍मामिमका ने मेराम थो़म्‍डिहोम बाम्‍डी।

यूहन्‍ना 10:23

सो़रनेमगोनो सोलोमनकु पिन्‍दीडा येशू लाम्‍दिम्‍बाल्‍मिडिम बाइडा।

मत्ती 12:32

कोङनिमका मिनीचो़कु कोर्थो़लाम जेमिम ल्‍वा हेम्‍सी, लावो कोङनिमका माम्‍चु़नी-पेलकु कोर्थो़लाम जेस्‍ता माला मेराम ओम्‍लो नुङ दिफुम थारीका वो मेहेम्‍सी।

मत्ती 6:33

ङादो माम्‍चु़नीकु किब्‍दी माल्‍नी, मा उनी ङादोडा जो़पा खारी बेनी। मेम्‍मा ओर्मिम खोत्‍ले ल्‍वामिम गुमीका गानीलाई ग्‍वानी।

रेम्‍बेट्‌मिडिम ल्‍वा 2:9

गो इमा थो़मतेर्सिड्‍डाम चक्‍पु, गानानुङ हाम वो मिबुमिम वो चक्‍पु, लावो पाह्रीला ने गाना खोत्‍लेका लिट्‌पा बुना। इमा दुथाम मेजो़पा जेपा मेर्मिम मु़चु़लाई गो छेपुमी। मेर्मिमका उनी त्‍वाप ने माम्‍चु़नीकु मु़चु़ यहूदी र्‍वामी, मेर्मिम यहूदी मेएँ लावो मेर्मिम ने शैतानकु घ्रो़म्‍दीनेम सो़।

१ यूहन्‍ना 2:25

येशू ख्रीष्‍टका गुइलाई हेल्‍लो वो मेसिपा त्‍वारो़म ग्‍वानिनी र्‍वाम्‍डिम बु।

मत्ती 13:8

याङ भ्रल ने जो़पा क्‍वाडला झुस्‍ता, मा याङकाम को सङ (१००) कोति हापा, याङकाम रु धु़म (६०) कोति हापा, याङकाम सु धु़म (३०) कोति हापा मा सिड्‌डु़।

थु़र्मा 14:22

मेसिन्‍डा मेर्चिपका थो़रलु़पामिमलाई उनी थो़र बर्बेसाक्‍चिमी, मा उनी थो़रलु़सीडा सो हन्‍बेट्‌साक्‍चिमी। मेर्चिपका र्‍वाक्‍ची, “गुइ माम्‍चु़नीकु किब्‍दीगोडा हुमु हापा मेझापातो दु़खा ल्‍वामु बासी।”

१ तिमोथी 4:8

मिरो़मका सीसि-चेसीमिम कि-किवा थिकाम कोङङा दु़म, लावो माम्‍चु़नीकु न होङ्‍ङा बोमु ने हापा थिकाम दु़म। हेङालोने माम्‍चु़नीकु न होङ्‍ङा बेसीडा ओम्‍लोम नुङ दिफुम त्‍वारो़म ग्‍वानिनी र्‍वाक्‍साका माम्‍चु़नीका याचे जेम्‍डिम ल्‍वा बु सो़।