मर्कूस 10:22 - थुलुङ राई

²² ओराम ल्‍वा थो़स्‍तु़मा मेरामका उ ङाली ङा डस्‍तु़, मा उ गो जक्‍ल्‍याट्‌पा लस्‍ता, हेङालोने मेराम छो़म खाप्‍चीनुङमा बाइडा।

मर्कूस 10:22 Referans Kwoze

लूका 12:15

गुमीका मेसिन्‍डा खोम्‍सिक्‍पा मु़चु़मिमलाई र्‍वाम्‍डी, “गानी चङचङया बानी वो, खोलेम थोक रारी बोमुडाम वाङ बानी, हेङालोने हापा खाप्‍चीनुङमा मु़चु़ बु, लावो मेराम मु़चु़का त्‍वारो़म ने मेग्‍वाकु़।”

२ तिमोथी 4:10

हेङालोने डेमासका ओराम सु़म्‍दिसेरलाई रिखाम बु़डु़मा गोलाई डिसाका थेसलोनिके शहरडा लस्‍ताम बु। क्रेसेन्‍स गलातिया क्षेत्रडा लस्‍ताम बु, मा तीतस ने दलमातिया क्षेत्रडा लस्‍ताम बु।

एफिसी 5:5

गानी ओराम ल्‍वा चमुङा बासी: नाम्‍सु़रु़चो़, मेसेपा मु़चु़ नुङ रारीचो़, माम्‍चु़नी नुङ ख्रीष्‍टकु किब्‍दीगोनो हुमु मेल्‍वासु़। रारी बोमु ने ङाटा सेव साट्‍पा छु़ल होप्‍माम सो़।

२ कोरिन्‍थी 7:10

माम्‍चु़नीकु न होम्‍साका न नो़ माला ने ओरामका मु़चु़लाई सेल्‍सिमु लागि उमा छु़ललाम माम्‍चु़नीडा ख्‍लोबेडु़। मेम्‍मिमका ओरामका सु़लाई वो मेखोर्सेडु़। लावो सु़म्‍दिसेरडाम ल्‍वाका न नो़ माला ओरामका सिमुलाम रेडु़।

लूका 18:23

लावो ओराम ल्‍वा थो़स्‍तु़मा मे यहूदी ङाउका उ ङाली डस्‍तु़, हेङालोने गुनुङ छो़म खाप्‍ची बाइडा।

मत्ती 19:22

लावो मे स्‍वालाका ओराम ल्‍वा थो़स्‍तु़मा उ ङाली डक्‍साका लस्‍ता। हेङालोने मेरामनुङ हापा खाप्‍ची बाइडा।

मत्ती 13:22

चु़दुगोनो झुक्‍पा भ्रल मेरामङा सो़, उहेमका माम्‍चु़नीकु सिजेम थो़सु़, लावो हाम पेपा-फसिक्‍पा र्‍वाक्‍साका मिम्‍ताम-सो़र्ताम नुङ खाप्‍चीचो़ दु़म्‍मु मालु़मिमका माम्‍चु़नीकु सिजेमथो़ न मेसोकु़। मेम्‍मा सिजेमका र्‍वामिम होप्‍माम दु़म्‍मु मेचाप्‍सु़।

मर्कूस 6:26

ओराम ल्‍वाका हपकु गो छो़म नो़डा। लावो मे गुका बु़डु़म ससि नुङ बोच्‍चो़मिमकु दुथाम मे मेसेमलाई मेएँ र्‍वामु मेचाप्‍सु़वा।

मत्ती 27:3

येशूलाई सेन्‍मु देन्‍दे ग्‍वाम्‍डी र्‍वाक्‍पा गुमीलाई भ्रेट्‌पा यहूदाका थो़स्‍तु़, मा खोर्सेड्‌डु़। मेम्‍मा मे सु धु़म (३०) मत्तोकु सिक्‍का ङाउ डु़म्‍लाचो़मिम नुङ ङाउमिमलाई ख्‍लोक्‍साड्‌डु़मी।

मर्कूस 6:20

हेङालोने यूहन्‍ना जो़पा-नगोनुङमा नुङ सेपा मु़चु़ र्‍वाक्‍साका हेरोद गुनुङ ङिस्‍थाल्‍लाम बाइडा। मेम्‍मिमका गुका जो़होमका जु़ल्‍लु़म बाइडा। यूहन्‍नाकु सिजेम थो़स्‍थाल्‍लु़लो उ नडा हाम बोमु हाम बोमु दु़स्‍थाल्‍ला, लावो गेर्सिसाका ङा थो़स्‍थाल्‍लु़।

मर्कूस 10:21

येशूका मेरामलाई रेप्‍मिडिमा नाम-नामचो़ लु़त्तोङा र्‍वाम्‍डी, “गाना आथावो कोले खारी बोमु बासी। लक्‍सामा गानानुङ हा-हाम बु, मेर्मिम खोत्‍ले भ्रेडा, मा उनी हाम वो मेबाट्‌पामिमलाई ग्‍वाकामी। मेकोतिमा गाना पाह्रीला खाप्‍ची ल्‍वाना, मा बिकामा गोनुङ लाम्‍दिया।”

मर्कूस 10:23

मेकोतिमा होनो-आथो़ रेप्‍तोङा येशूका उनीमा सीसिपामिमनुङ र्‍वाम्‍डी, “खाप्‍चीनुङमामिम माम्‍चु़नीकु किब्‍दीगोडा हुमु हापा ङा छो़।”