मर्कूस 10:21 - थुलुङ राई

²¹ येशूका मेरामलाई रेप्‍मिडिमा नाम-नामचो़ लु़त्तोङा र्‍वाम्‍डी, “गाना आथावो कोले खारी बोमु बासी। लक्‍सामा गानानुङ हा-हाम बु, मेर्मिम खोत्‍ले भ्रेडा, मा उनी हाम वो मेबाट्‌पामिमलाई ग्‍वाकामी। मेकोतिमा गाना पाह्रीला खाप्‍ची ल्‍वाना, मा बिकामा गोनुङ लाम्‍दिया।”

मर्कूस 10:21 Referans Kwoze

रेम्‍बेट्‌मिडिम ल्‍वा 2:4

लावो इमा दुथाम गो मेद्‌वाक्‍पुमिम ओराम ल्‍वा बु: गाना ङादोम होम्‍साका गोलाई रिखाम बोमु डिट्नाम बु।

लूका 10:42

लावो छो़म चाहेदु़म्‍पा ने कोलेङा ल्‍वा बु, मेराम जो़पा ल्‍वा मरियमका छेड्‌डु़म बु, मेराम ल्‍वा गुलाई मेरोन्‍मी।”

याकूब 2:10

हेङालोने उहेमका खोत्‍ले डु़म्‍ला होम्‍साका बु़, मा कोले ल्‍वा कोङङा डु़म्‍ला होम्‍साका मेबु़ माला मेरामका खोत्‍ले डु़म्‍ला होम्‍साका मेबु़वामका मुमा बेन्‍ला सो़सी।

थु़र्मा 2:45

मेर्मिमका उनी त्‍वाकु ये-द, खाप्‍चीमिम खोत्‍लेङा भ्रेट्‌मिडी। मेकोतिमा उहेम-उहेमलाई हा-हाङको चाहेदु़स्‍ताम मेराम होम्‍साका दो़म्‍थाल्‍मिडी।

लूका 18:22

ओराम ल्‍वा थो़म्‍डिमा येशूका मेरामलाई र्‍वाम्‍डी, “गाना आथावो कोले ल्‍वा बोमुबासिक्‍पा बु। गानानुङ बाट्‌पा खोत्‍ले इ खाप्‍ची भ्रेडामा उनी हाम वो मेबाट्‌पा मु़चु़मिमलाई मेराम खउलुङ ग्‍वाकामी। मेम्‍मा पाह्रीला गाना खाप्‍ची ल्‍वाना, मा बिका मा आमा चङचङ लाम्‍दिया।”

मत्ती 16:24

मेकोतिमा येशूका उनी सीसिपामिमलाई र्‍वाम्‍डी, “कोङनिमका आमा चङचङ लाम्‍दिमु न बु़ माला मेरामका उमा नसिहोम बोमु डिसाका त्‍वाकु क्रूस कुर्नु़मा आमा चङचङ लाम्‍दिनु़।

रेम्‍बेट्‌मिडिम ल्‍वा 2:20

मेमङा लोवो, इमा दुथाम गो मेद्‌वाक्‍पुमिम ओराम ल्‍वा बु: इजेबेल मेसेम, उहेमका गु उ त्‍वापलाई माम्‍चु़नीलाम-जेपानिम र्‍वा, गुलाई गानी उमा लिमा सीसि सीमु ग्‍वानी। गुका आमा डु़ल्‍चो़मिमलाई नाम्‍सु़रु़ बेबेसाका नुङ ङाटाडला सासेट्‌मा पोमु-डुमु पेबेसाका ताङताहेरथो़ ल।

रेम्‍बेट्‌मिडिम ल्‍वा 2:14

मेम्‍मा वो इनीमा दुथाम गो मेद्‌वाक्‍पुमिम ल्‍वा किचो़ बु: गानीगोडा बालामकु सीसि होङङा बेपा मु़चु़मिम बुमी। मे बालामका इस्राएलीमिमलाई छु़ल बेबेन्‍मु लागि ङाटाडला सासेट्‌मा पोमु-डुमु मेर्मिमलाई पेबेन्‍मु नुङ नाम्‍सु़रु़ बेबेन्‍मु बालाकलाई सीड्‌डु़म बाइडा।

हिब्रू 10:34

चसिक्‍पामिमडला इनीमा थो़म भ्रो़स्‍ताम बाइडा मा इनीमा खाप्‍ची रोट्‌निमिलो गेर्सिद्‌वाक्‍तो बिन्‍सिट्‌निम बाइडा। हेङालोने इनी त्‍वाकाडाङा खोत्‍लेडाम जो़पा नुङ हेल्‍लो वो मेहुक्‍पा खाप्‍चीमिम बु र्‍वाक्‍पा चक्‍निम बाइडा।

लूका 12:33

इनी खाप्‍चीमिम भ्रेट्‌नीमा उनी हाम वो मेबाट्‌पामिमलाई ग्‍वाक्‍साका इनी त्‍वाकाम लागि हेल्‍लो वो मेभ्रो़ट्‌पा फाजी बनेबेनी। मेम्‍मा हेल्‍लो वो मेदाम्‍पा खाप्‍ची पाह्रीला फुट्‌नी। मेला ने खुचु़वा मेरो, मा तु़मका वो मेकोकु़।

मर्कूस 8:34

मेकोतिमा गुमीका उनीमा सीसिपामिम नुङ मेर्मिमनुङ बाट्‌पा सेर्पा मु़चु़मिमलाई उनीमाथो़ येट्‌मिडिमा र्‍वाम्‍डी, “उहेमका गोनुङ लाम्‍दिमु न बु़, मेरामका उमा न होम्‍साका मेएँ, आमा न होम्‍साका बु़नु़, मा उमा त्‍वाकु क्रूस कुर्नु़ मा गोनुङ लाम्‍दिनु़।

लूका 19:41

येशू यरूशलेम फार्डा रोम्‍फाम्‍डी, मा मे शहर ल्‍वाम्‍डिमा ख्राप्‍मिडी,

लूका 9:23

गुमीका खोत्‍ले मु़चु़लाई र्‍वाम्‍डी, “कोङनिमका गोनुङ लाम्‍दिमु न बु़ माला मेरामका ङादो उ त्‍वाप कोङङा नु़ङुनु़ र्‍वाक्‍पा न मेबु़नु़, मा हेल्‍लो लोवो उ त्‍वाकु क्रूस कुर्नु़मा आमा चङचङ लाम्‍दिनु़।

मत्ती 19:21

येशूका मेरामलाई र्‍वाम्‍डी, “माम्‍चु़नीका न बोमिमिम होङङा जो़पा दु़म्‍मु न बोना माला लक्‍सामा गानानुङ बाट्‌पा खोत्‍ले भ्रेडामा मेराम खउलुङ उनी हाम वो मेबाट्‌पामिममलाई ग्‍वाकामी। मेम्‍मा पाह्रीला खाप्‍ची ल्‍वाना। मेकोतिमा आमा चङचङ लाम्‍दिया।”

२ कोरिन्‍थी 12:15

गानीलाई जो़पा दु़म्‍नु़ र्‍वाक्‍साका गोनुङ बाट्‍पा खोलेम थोक गेर्सी द्‍वाक्‍तो ग्‍वानिनी मा गो आ त्‍वापलाई ङा वो ग्‍वानिनी। गो गानीलाई ओकोति छो़म रिखाम बोनिनी माला गानी ने गोलाई कि-कि कोङङा रिखाम बोङिनी मा?

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

यूहन्‍ना 12:26

उहेमका आमा चापेडुपे बु़, मेराम आमा चङचङ लाम्‍दिमु बासी, मा गो बान्‍ते बुङु, आमा डु़ल्‍चो़ वो मेसिङा दु़म। आमा चापेडुपे बेपा मु़चु़लाई आमा पापका डोक्‍पु बोमी।

लूका 16:9

मेम्‍मिमका गो गानीलाई र्‍वाङु, सु़म्‍दिसेरडाम इनी खाप्‍ची ग्‍वाक्‍साका इनी त्‍वाकाम लागि ङोप्‍सो़ बनेबेन्‍जो़ल्‍नी। इनी साम लमा खउलुङ हाम ना हामकाम दु़मलो माम्‍चु़नीका गानीलाई पाह्रीला हेल्‍लो लोवो बुमु लागि येनी।

२ तिमोथी 3:12

ख्रीष्‍ट येशूडा माम्‍चु़नीकु लाम्‍दी होम्‍साका लाम्‍दिमु माल्‍पामिम खोत्‍ले मु़चु़काम छो़म उनी थो़मतेर्सी।

मर्कूस 10:22

ओराम ल्‍वा थो़स्‍तु़मा मेरामका उ ङाली ङा डस्‍तु़, मा उ गो जक्‍ल्‍याट्‌पा लस्‍ता, हेङालोने मेराम छो़म खाप्‍चीनुङमा बाइडा।