मर्कूस 10:20 - थुलुङ राई

²⁰ मेकोतिमा मेरामका गुमीनुङ र्‍वाक्‍ता, “ङाचो़, ओर्मिम ने गो याक्‍के बाङडोम आरेम ङा खोत्‍ले बेत्तोगेङडोम बु।”

मर्कूस 10:20 Referans Kwoze

२ तिमोथी 3:5

माम्‍चु़नीकु सो़रलोले बेपा लिसिक्‍पा, लावो माम्‍चु़नीडा आच्‍छाङाका थो़रमेलु़पा दु़म्‍मी। तिमोथी, आरेप्‍माम मु़चु़मिमडाम वाङ बाया।

फिलिप्‍पी 3:6

माम्चु़नीकु लाले-पाङके बोमु नकु फेसिलोक्‍पाकु दुथाम र्‍वाकी माला येशूडा थो़र लु़पामिमकु थो़मतेर्साक्‍तोमिम, डु़म्‍ला होम्‍साका जो़पा दु़म्‍सीडा र्‍वाकी माला मेख्‍लो़साका मेराम होम्‍साका दोङडोम।

रोमी 7:9

कोबिलि गो डु़म्‍ला मान्‍थिङा नु़पा बाङडो लावो डु़म्‍ला डार्तो मेडे गो छु़ल छेत्तो मा गो ने सिङ्‍डो।

मत्ती 19:20

मे स्‍वालाका गुमीनुङ र्‍वाक्‍ता, “ओर्मिम खोत्‍ले डु़म्‍ला होम्‍साका गो बेउतोम बु। वाङमिम गो हाम बोमु बासी?”

लूका 10:29

लावो गुका उ त्‍वापलाई जो़पा मु़चु़ रेम्‍बोमु नका येशूनुङ र्‍वाक्‍ता, “सु़ आमा साउखोरे?”

मर्कूस 10:21

येशूका मेरामलाई रेप्‍मिडिमा नाम-नामचो़ लु़त्तोङा र्‍वाम्‍डी, “गाना आथावो कोले खारी बोमु बासी। लक्‍सामा गानानुङ हा-हाम बु, मेर्मिम खोत्‍ले भ्रेडा, मा उनी हाम वो मेबाट्‌पामिमलाई ग्‍वाकामी। मेकोतिमा गाना पाह्रीला खाप्‍ची ल्‍वाना, मा बिकामा गोनुङ लाम्‍दिया।”