मर्कूस 10:2 - थुलुङ राई

² मेकोतिमा फरिसीमिम उनीमाडा रोम्‍डी, मा उनी न छाम्‍मुलाई आरेसाका हिलाहिसी बेम्‍डी, “मु़चु़का हाम त्‍वाकु नाइमेनुङ डिन्‍बोमु डु़म्‍लाका ग्‍वाक्‍सा?”

मर्कूस 10:2 Referans Kwoze

यूहन्‍ना 8:6

येशूकु बुइडला मेजो़पा ल्‍वा उन्‍मु लागि हिलाहिसीलाम आम्‍मु मेर्मिमका आरे बेम्‍डिम बाइडा। लावो येशू कुम्‍सिम्‍डी, मा उनी ब्रेप्‍चोका क्‍वायु़ फुर्कुडा र्‍यामु चो़म्‍मिडी।

मत्ती 23:13

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।

१ कोरिन्थी 10:9

मेर्मिम गोडा याङका बेम्‍डिम होङङा गुइ ङाचो़कु न छाम्‍सी मेनु़। मेर्मिमका ङाचो़कु न छाम्‍मिडिमा मेर्मिमलाई ब्‍लोका सेड्‌डु़मिम बाइडा।

यूहन्‍ना 11:57

लावो कोङनिमका डार्मिडी माला सो़मिनु़। मेम्‍मा गुकु गुलाई चु़म्‍कु र्‍वाक्‍साका ङाउ डु़म्‍लाचो़मिम नुङ फरिसीमिमका र्‍वाम्‍डिम बाइडा।

यूहन्‍ना 11:47

मेकोतिमा ङाउ डु़म्‍लाचो़मिम नुङ फरिसीमिमका डोक्‍पु-घ्रो़म्‍दीडाम मु़चु़मिमलाई येट्‌मिडिमा र्‍वाम्‍डी, “गुइ हाम बिइमिम? हेङालोने ओराम मु़चु़का हेल्‍लो वो मेल्‍वाम्‍मा यु़मखारीमिम हापा रेम्‍बेत्तोङा लेडु़।

यूहन्‍ना 7:48

हाम ङाउमिमका डे फरिसीमिमगोडाम कोङनिमका डे गुडला थो़र लु़म्‍डिम बु?

यूहन्‍ना 7:32

सेर्पा मु़चु़का सु़पील्‍वाका ओराम ल्‍वा जेम्‍डिम बाम्‍डिम फरिसीमिमका थो़म्‍डी। मेम्‍मा फरिसी नुङ ङाउ डु़म्‍लाचो़मिमका येशूलाई चु़म्‍मु लागि सो़रनेम लपा मु़चु़मिमलाई थु़र्मिडी।

लूका 16:14

खउलुङकु रारी बेपा फरिसीमिमका ओराम ल्‍वा थो़म्‍डिमा गुमीलाई सेम्‍ला बेट्‌मिडी।

लूका 11:39

मेकोतिमा ङाचो़ येशूका मेरामलाई र्‍वाम्‍डी, “गानी फरिसीमिमका कान्‍चु़रे नुङ थाल उडलामका क्‍लो़नी। लावो गानी इनी गोगोनो रारी बोनी, मा मेजो़पा न-गोनुङमा बुनी।

लूका 7:30

लावो फरिसी नुङ मोशाकु डु़म्‍ला छो़म थेट्‌पा मु़चु़मिमका ने माम्‍चु़नीका मेर्मिमडला बेम्‍डिम न मेद्‌वाक्‍मिवा। हेङालोने यूहन्‍नालामका कु-रु़दु़म रम्‍डिम मेबायावा।

लूका 6:7

येशूका मेराम मु़चु़लाई सबेट्‌मिडी माला ङेम्‍सिमुनेम खारी बेसी मेनु़पाकु दुथाम उनी बुइडला उन्‍मु लागि यहूदीमिमकु डु़म्‍ला सीपा पातु़म्‍रीमिम नुङ फरिसीमिमका चो़पा बेम्‍थाम्‍डिम बाइडा।

लूका 5:30

लावो फरिसीमिम नुङ यहूदीमिमकु डु़म्‍ला सीपा पातु़म्‍रीमिमका येशूकु सीसिपामिमकु कोर्थो़लाम आरे र्‍वाक्‍तो छो़म सु़म्‍बुर्मा किन्‍मु चो़म्‍मिडी, “कर फक्‍पामिम मा वाङमिम छु़लचो़मिमनुङ गानी हेङा कोदेप पोनी डुनिमिम?”

मर्कूस 8:15

येशूका उनीमा सीसिपामिमलाई आरे र्‍वाम्‍डिमा बाबेट्‌मिडी, “मामा सो़! गानी फरिसीमिम नुङ हेरोदकु लङखामडाम वाङ बानी वो।”

मर्कूस 8:11

फरिसीमिम येशूकाडा रोम्‍डिमा गुमीनुङ हिलाहिसी बोमु चो़म्‍मिडी, मा उनीमा न छाम्‍मु लागि पाह्रीलाममिम कोङ छेखोप रेम्‍बेट्‌किनी र्‍वाम्‍डी।

मत्ती 22:35

मेर्मिमगोडाम डु़म्‍ला छो़म थेट्‌पा कोलेका ओराम हिलाहिसीलामका येशूकु न छाम्‍मु माल्‍लु़,

मत्ती 19:3

कोले-नले फरिसीमिम उनी न छाम्‍मु लागि रोम्‍डी। मेर्मिमका हिलाबेम्‍डी, “हाम कोङनिम मु़चु़का कोङनिम ल्‍वाकु दुथाम उ मोचु़लाई डिन्‍मु डु़म्‍लाका ग्‍वाकु़?”

मत्ती 16:1

कोलेम फरिसीमिम नुङ सदुकीमिम येशूकाडा रोम्‍डिमा उनी न छाम्‍मु लागि माम्‍चु़नीलाममिम हेल्‍लो वो मेल्‍वाम्‍मा छेखोप रेम्‍बेला सो़म्‍सिम्‍डी।

मत्ती 15:12

मेकोतिमा सीसिपामिम रोम्‍डिमा गुमीलाई र्‍वाम्‍डी, “गानी र्‍वाक्‍निम ल्‍वाका फरिसीमिमकु थो़म्‍बोकडा दुड्‌डु़ र्‍वाक्‍पा गानी चनिम मिबु?”

मत्ती 9:34

लावो फरिसीमिमका र्‍वाम्‍डी, “ओरामका मुनाङमिमकु डोक्‍पुलामका मुनाङ कोलु़मी।”

मर्कूस 10:1

मेकोतिमा येशू यर्दन ब्‍लोकु होनोहोम्‍बु यहूदियाथो़ लम्‍डी। लावो सेर्पा मु़चु़मिम आथावो उनीमाडा खोम्‍सिम्‍डी मा गुमीका मेर्मिमलाई ङादोम होम्‍साकाङा सीट्‌मिडी।

मर्कूस 10:3

गुमीका मेर्मिमनुङ र्‍वाम्‍डी, “मोशाका हाम डु़म्‍ला ग्‍वाक्‍निमिम बु मा?”