मर्कूस 10:17 - थुलुङ राई

¹⁷ येशू मेलामका लक्‍तो बेम्‍डिलो, कोले मु़चु़ ओन्‍तोङा रोक्‍तामा उनी ङादोडा क्रचु़खुम बु़डु़मा र्‍वाक्‍ता, “जो़पा सीपा! हेल्‍लो वो मेसिपा त्‍वारो़म ल्‍वामु गो हाम बोमु बासी?”

मर्कूस 10:17 Referans Kwoze

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

लूका 10:25

कोले मोशाकु डु़म्‍ला छो़म थेट्‌पा मु़चु़का येशूकु न छाम्‍मु लागि गुमीनुङ आरे र्‍वाक्‍ता, “ङाचो़, हेल्‍लो वो मेसिपा त्‍वारो़म ल्‍वामु लागि गो हाम बोमु बासी?”

थु़र्मा 16:30

मेर्चिपलाई पाखानो ख्‍लुक्‍तु़चिमा मेरामका र्‍वाक्‍ता, “ङाचो़ची, सेल्‍सिमु लागि गो हाम बोमु बासी?”

थु़र्मा 2:37

ओराम ल्‍वा थो़म्‍डिमा मेर्मिमकु न-गो ख्राप्‍डा, मा मेर्मिमका पत्रुस नुङ वाङमिम थु़र्मामिमलाई, “ए वा-ल्‍वाकनी, गुकु हाम बोमु बासी?” र्‍वाक्‍साका हिलाबेम्‍डी।

थु़र्मा 20:32

“आथा गो गानीलाई माम्‍चु़नीकु ल्‍वाड्‌डा नुङ उनी दिदामकु सिजेमडा जु़ल्‍निनी, मेरामलामका माम्‍चु़नीका इनीमा थो़र बर्बेत्तो लमी, मा उनी त्‍वाकु मु़चु़मिमगोडा जि ल्‍वापा दु़म्‍बेनी।

थु़र्मा 9:6

बका, मा शहरगोनो लक्‍सा। गाना हाम बोमु बासी, मेराम कोलेका सीना।”

मत्ती 25:34

“मेकोतिमा हपका उ जो़पलाममिम मु़चु़मिमलाई र्‍वा, ‘आमा पापका जिनुङमा दु़म्‍बेट्‌निम मु़चु़नी, बिक्‍नी, सु़म्‍दिमोलोमङा इनीमा लागि दु़म्‍जो़ल्‍पा किब्‍दी रनी।

मत्ती 17:14

येशू उनी सीसिपामिमनुङ सेर्पा मु़चु़ बाट्‌पाडा रोम्‍डी। मेकोतिलो कोले मु़चु़ येशूकु ङादोडा रोक्‍तामा क्रचु़खुम बेसाका र्‍वाक्‍ता,

यूहन्‍ना 6:40

हेङालोने आमा पापकु न ओराम बु, उहेम-उहेमका तारापाचो़लाई रेम्‍मी, मा गुडला थो़रलु़मी मेर्मिमका मेसिपा त्‍वारो़म ल्‍वामिनु़। मेम्‍मा हुक्‍पा थारीनेम गो मेर्मिमलाई नु़बेट्‌पुमी।”

यूहन्‍ना 5:39

माम्‍चु़नीकु सिजेम गानी डानी, हेङालोने मेरामका मेसिपा त्‍वारो़म ग्‍वाक्‍सा र्‍वाक्‍पा गानी लु़नी। मेरामका आमा दुथामङा सो़यु़।

यूहन्‍ना 3:2

सिन्‍था गु येशूकाडा रोक्‍तामा र्‍वाक्‍ता, “सीपा, गानी माम्‍चु़नीलाम योक्‍पा सीपा मु़चु़ र्‍वाक्‍साका गुकु चकु। हेङालोने माम्‍चु़नी मेर्मिमनुङ मेदु़म्‍मिवा माला गानी बेन्‍निम हेल्‍लो वो मेल्‍वाम्‍मा छेखोपमिम सु़का वो बोमु मेचाम्‍मी।”

मर्कूस 12:14

मेर्मिम उनीमाडा रोम्‍डिमा गुमीनुङ र्‍वाम्‍डी, “ङाचो़, गानी आच्‍छाङाकाम बुनी, मा सु़कामथो़ वो न मेसोनी र्‍वाक्‍पा गुकु चकु, हेङालोने गानी ङाली रेप्‍साका खारी मेबोनी, लावो माम्‍चु़नीकु लाम्दी आच्‍छाङा जो़होमका सो़नी। सो़नीका, कैसरलाई कर सोक्‍सी नु़ डे मेनु़?

मर्कूस 9:25

मे सेर्पा मु़चु़मिम ओन्‍तो बिक्‍पा ल्‍वाम्‍डिमका येशूका मे मुनाङपेललाई आरे र्‍वाम्‍डिमा भुर्मिडी, “ए मेजेबेट्‌पा नुङ मेथो़बेट्‌पा मुनाङपेल, गो गानालाई र्‍वाङु, गाना मेराम वोस्‍चो़लामका लुक्‍ल्‍याडा, मा मेरामकाम गोनो आथाडाम आनो हाम्‍सी वो मेहुङा।”

मर्कूस 1:40

कोले जोन बेट्‌पा मु़चु़का क्रचु़खुम बेत्तो येशूनुङ, “गानी न बोनी माला गोलाई नु़बेन्‍मु चाम्‍ङिनी” र्‍वाक्‍ताम-र्‍वाक्‍तामङा बु़डु़।

मत्ती 28:8

मेसेमचिप मे सु़लु़मलामका लक्‍ल्‍याट्‌ची। मेर्चिप ङिपा नुङ भ्रसिद्‌वाक्‍पा बाच्‍ची। येशूकु सीसिपामिमलाई सेला थो़बेड्‌डा मेर्चिप ओन्‍ची।

१ यूहन्‍ना 2:25

येशू ख्रीष्‍टका गुइलाई हेल्‍लो वो मेसिपा त्‍वारो़म ग्‍वानिनी र्‍वाम्‍डिम बु।

रोमी 6:23

हेङालोने छु़लकु खारी बेपा मु़चु़का ने सिमुलाम रेडु़, लावो माम्‍चु़नीका मेडेङा ग्‍वाक्‍साड्‍डामिम राप्‍लावा ने इकीमा ङाचो़ येशू ख्रीष्‍टडाम हेल्‍लो मेसिपा त्‍वारो़म सो़।

मर्कूस 10:18

मेकोतिमा येशूका मेरामनुङ र्‍वाम्‍डी, “गाना गोलाई हेङा जो़पा र्‍वानामिम? वाङमी सु़ वो जो़पा मेबुमी, कोले माम्‍चु़नी कोङङा जो़पा बुमी।

एफिसी 1:18

मेम्‍मा इनीमा नगोडा माम्‍चु़नीकु ओल झ्‍वाबेसाका, माम्‍चु़नीका गानीलाई हाम ग्‍वामु लागि येट्‌निमिम, मा उनीमा मु़चु़मिमलाई ग्‍वानिनी र्‍वाम्‍डिम डोक्‍पु जि-वामिम,

तीतस 3:7

मेम्‍साका उनीमा दिदामका उनीमा न-गो होप्‍माम दु़म्‍साका हेल्‍लो वो मेसिपा त्‍वारो़म ल्‍वामु न बेपा उनीमा चो़मिम दु़म्‍सिनु़।

हिब्रू 1:14

लावो पाह्रीचो़मिम ने सु़? मेर्मिम ने माम्‍चु़नीका सेल्मिडिम मु़चु़मिमलाई ख्‍लो़प्‍डा थु़र्मिडिम पेलमिम सो़।

१ पत्रुस 1:4

पाह्रीला जु़ल्‍थाट्‌मा इनीमा लागि जि-वा मेचेम्‍पा, मेफाल्‍सिक्‍पा, मेचु़र्पा बु।