मर्कूस 10:15 - थुलुङ राई

¹⁵ आच्‍छाङा गो गानीनुङ र्‍वाङु, उहेमका माम्‍चु़नीकु किब्‍दी चो़च्‍चो़ होङका मेरङु़, मेरामका मेगोडा हुमु वो मेल्‍वासु़।”

मर्कूस 10:15 Referans Kwoze

मत्ती 18:3

मा र्‍वाम्‍डी, “आच्‍छाङा गो गानीनुङ र्‍वाङु, इनी छु़ललामका ख्‍लोसिसाका याक्‍के चो़च्‍चो़मिम होप्‍माम मेदु़म्‍निवा माला पाह्री-किब्‍दीडा हेल्‍लो वो हुमु मेल्‍वानी।

लूका 18:17

आच्‍छाङा गो गानीलाई र्‍वाङु, उहेम मु़चु़का चो़च्‍चो़काम होङङा न बेसाका माम्‍चु़नीडा थो़र मेबु़ मेराम हेल्‍लो वो माम्‍चु़नीकु किब्‍दीगोडा हुमु मेल्‍वासु़।”

मत्ती 19:14

लावो येशूका र्‍वाम्‍डी, “चो़च्‍चो़मिमलाई आमाडा रोमु ग्‍वाक्‍नी, मेर्मिमलाई मेभोप्‍नी। हेङालोने पाह्री-किब्‍दी ने ओ चो़च्‍चो़मिम होप्‍मामकामङा सो़।”

१ कोरिन्थी 14:20

वा-ल्‍वाकनी, चो़च्‍चो़ होङङा मिम्‍मु डिट्‌नी। मेजो़पा ल्‍वाडा न मेछेपा चो़च्‍चो़ होप्‍माम दु़म्‍नी, लावो इनी मिम्‍सीडा ने न छेपा ङाचो़ होप्‍माम दु़म्‍नी।

१ पत्रुस 2:2

मालो गक्‍पा चो़च्‍चो़का उमा मामकु दु़दु़ डुमु मालु़मिम होङङा गानी वो माम्‍चु़नीकु सिजेम थो़पा छो़म न बेनी। मेम्‍साका माम्‍चु़नीडलाम इनी थो़र बर्तो ल, मा गानी सेल्‍सिनी।