मर्कूस 10:14 - थुलुङ राई

¹⁴ लावो येशूका ओराम ल्‍वाम्‍डिमा उनी छोक्‍चो बक्‍ता, मा उनीमा सीसिपामिमनुङ र्‍वाम्‍डी, “याक्‍के चो़च्‍चो़मिमलाई आमाडा रोमु ग्‍वाक्‍निमी। मेर्मिमलाई मेभोप्‍नी, हेङालोने माम्‍चु़नीकु किब्‍दी आरेप्‍माममिमकाम ङा सो़।

मर्कूस 10:14 Referans Kwoze

मत्ती 19:14

लावो येशूका र्‍वाम्‍डी, “चो़च्‍चो़मिमलाई आमाडा रोमु ग्‍वाक्‍नी, मेर्मिमलाई मेभोप्‍नी। हेङालोने पाह्री-किब्‍दी ने ओ चो़च्‍चो़मिम होप्‍मामकामङा सो़।”

मत्ती 18:10

“चङचङया बानी, ओ याक्‍केमिमगोडाम कोलेलाई वो हाम ना हामकाम मेमिम्‍नी। हेङालोने गो गानीलाई र्‍वाङु, मेर्मिमकु पाह्रीचो़मिम पाह्रीलाम आमा पापकु ङादोडा हेल्‍लो लोवो पाह्रीला बुमिम बुमी।

मत्ती 18:4

मेम्‍मिमका उहेम ओराम चो़च्‍चो़ होप्‍माम याक्‍के दु़म, मेरामङा पाह्री-किब्‍दीडा डोक्‍पु दु़म।

१ पत्रुस 2:2

मालो गक्‍पा चो़च्‍चो़का उमा मामकु दु़दु़ डुमु मालु़मिम होङङा गानी वो माम्‍चु़नीकु सिजेम थो़पा छो़म न बेनी। मेम्‍साका माम्‍चु़नीडलाम इनी थो़र बर्तो ल, मा गानी सेल्‍सिनी।

२ तिमोथी 3:15

गाना ने चो़च्‍चो़लो आथामङा माम्‍चु़नीकु सिजेम चनामिम बु, मेराम सिजेमका ख्रीष्‍ट येशूडा थो़र लु़न्‍नामलामका सेल्‍सिमुकाम लागि गानालाई सीमु चाम्‍ना।

रेम्‍बेट्‌मिडिम ल्‍वा 14:5

मेर्मिमका हाम वो लिमा मेथेट्‌मिवा, मेर्मिम मुमा मेबेडिमिम बुमी।

२ तिमोथी 1:5

गो इमा आच्‍छाङाकाम थो़र मिम्‍पु, मा ङादो मेराम थो़र इमा मिमी लोइस नुङ इमा माम युनिसडा बाइडा। मेराम थो़र गानानुङ वो बु र्‍वाक्‍पा गो लु़ङडोम बु।

एफिसी 4:26

इनी छोक्‍चो ब लोवो छु़ल मेबेनी। नेम्‍सुङ गाम्‍मु ङादोङा इनी छोक्‍चो सिनु़,

१ कोरिन्थी 14:20

वा-ल्‍वाकनी, चो़च्‍चो़ होङङा मिम्‍मु डिट्‌नी। मेजो़पा ल्‍वाडा न मेछेपा चो़च्‍चो़ होप्‍माम दु़म्‍नी, लावो इनी मिम्‍सीडा ने न छेपा ङाचो़ होप्‍माम दु़म्‍नी।

१ कोरिन्थी 7:14

हेङालोने थो़रमेलु़पा वोचु़ उ नाइमे थो़रलु़पा बुमिमका माम्चु़नीका रमु घ्रेट्‍पा दु़म, मेम्साका ङा थो़रमेलु़पा नाइमेकाम वो उ वोचु़ थो़रलु़पा बुमिमका माम्‍चु़नीका रमु घ्रेट्‍पा दु़म। मेएँ माला ने उचीमा चो़च्‍चो़मिम मेसेपा दु़म्‍मिवा, लावो मेर्मिम ने माम्‍चु़नीका रमु घ्रेट्‍पाङा बुमी।

रोमी 11:28

जो़पा-सेलाडा थो़र मेबेमिवामका ङा मेर्मिम माम्‍चु़नीकु स्‍वाक्‍चिमो मु़चु़ दु़म्‍मिडिम सो़। मेम्‍मिमका गानीलाई ने जो़पा ङा दु़स्‍ताम बु। माम्‍चु़नी उनी त्‍वाकाङा छेट्‌मिडिमका मा अब्राहाम, इसहाक, याकूबनुङ याचे जेम्‍डिमका ओम्‍लो वो गानीलाई रिखाम बोनिमी।

रोमी 11:16

सो़बेम चामु ङोल्‍मा फुल किचो़ कोलोङ माम्‍चु़नीकु नङडा फ्‍वाकी माला मेराम फुलकु सो़बेम खोत्‍लेङा माम्‍चु़नीकु नङडा जु़ल्‍मा कोतिम ङा दु़म। दक्‍साकु फ्रु़प सेपा बु माला खोत्‍ले ग्रेम वो सेपा दु़म।

थु़र्मा 3:25

गानी मे माम्‍चु़नीलाम-जेपामिम नुङ माम्‍चु़नीका सो़रख्रेप्‍मिडिम बेप-पापकु चो़-चु़सु़ ङा बुनी, उहेम सो़रख्रेप्‍सी अब्राहामनुङ आरे र्‍वाम्‍डिमा ख्रेप्‍मिडिम बाइडा, ‘इमा चो़-चु़सु़लामका ङा सुबुडाम खोत्‍ले मु़चु़मिमका जि ल्‍वामी।’

थु़र्मा 2:39

हेङालोने ओराम इनीमा लागि, इनी चो़-चु़सु़मिमकाम लागि, मा माम्‍चु़नीका येन्‍मिमिम वाङथो़ बाट्‌पामिम खोत्‍लेकाम लागि गुमीका ग्‍वानिनी र्‍वाम्‍डिम बु।”

मर्कूस 8:33

लावो येशू ख्‍लोम्‍सिडिमा उनी सीसिपामिमथो़ रेप्‍तो पत्रुसलाई आरेसाका भुर्मिडी, “शैतान, गोलामका लस्‍ल्‍याडा, हेङालोने इमा न माम्‍चु़नीलाममिम मेएँ, मु़चु़लाममिम रेछा।”

मर्कूस 3:5

येशूका मे लुङ होप्‍माम उनी न ल्‍वाम्‍डिमका उनी गो नो़डा, मा उनी छोक्‍छोका होनो-आथो़ रेप्‍मिडी। मेम्‍मा मेरामलाई र्‍वाम्‍डी, “इमा ल्‍वा थङा।” मेकोतिमा मेरामका उमा ल्‍वा थङडु़, मा उमा ल्‍वा ङादोम होप्‍माङा नु़ल्‍याड्‌डा।

मत्ती 5:3

“न-गोलाम माम्‍चु़नीकु ख्‍लो़सी माल्पामिम जिनुङमा सो़, हेङालोने पाह्री-किब्‍दी मेर्मिमकामङा सो़।

मत्ती 5:10

माम्‍चु़नीकु जो़पा खारी बोमिमिमका उनी थो़मतेर्ला सो़सिक्‍पामिम जिनुङमा सो़, हेङालोने पाह्री-किब्‍दी मेर्मिमकामङा सो़।

यूहन्‍ना 3:3

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, लाले दु़म्‍साका मेगक्‍थु़मसम्‍म सु़का वो माम्‍चु़नीकु किब्‍दी ल्‍वामु मेचाप्‍सु़।”

यूहन्‍ना 3:5

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, कु नुङ पेललामका मेगक्‍पा सु़ वो माम्‍चु़नीकु किब्‍दीडा हुमु मेचाप्‍सु़।