मर्कूस 10:11 - थुलुङ राई

¹¹ गुमीका मेर्मिमनुङ र्‍वाम्‍डी, “उहेमका उ त्‍वाकु नाइमे डिडु़मा कोङमी रेडु़, मेरामका नाम्‍सु़रु़ बु़।

मर्कूस 10:11 Referans Kwoze

मत्ती 19:9

गो गानीलाई र्‍वाङु, उ मोचु़का नाम्‍सु़रु़ मेबु़ लावो गुलाई डिसाका उहेमका वाङमिम मेसेमलाई लालीकुन्‍दा बु़, मेराम मु़चु़का नाम्‍सु़रु़ बु़।”

रोमी 7:3

मेम्साका उमा वोचु़ बात्तो-बात्तो कोङमीनुङ लस्‍ता माला गुका नाम्‍सु़रु़ बु़डु़म दु़म। लावो वोचु़ सिमिम चङडा डु़म्‍लाका र्‍वामिम होम्‍साका गु वाङ दु़म मा कोङमीनुङ लालीकुन्‍दा बु़डु़ माला गुका नाम्‍सु़रु़ बु़डु़म मेदु़म।

लूका 16:18

“उहेम मु़चु़का उ त्‍वाकु नाइमे ङेडु़मा कोङमी मेसेमलाई लालीकुन्‍दा बु़ माला मेराम मु़चु़का नाम्‍सु़रु़ बु़। मेम्‍मा उ वोचु़का ङेडु़मिम मेसेमलाई लालीकुन्‍दा बेपा मु़चु़का वो नाम्‍सु़रु़ बु़।

१ कोरिन्थी 7:4

नाइमेकु मिरो़म उ त्‍वाकाम मेएँ, लावो उ वोचु़काम सो़। मेम्‍साकाङा वोचु़कु मिरो़म उ त्‍वाकाम मेएँ, लावो उ नाइमेकाम वो सो़।

हिब्रू 13:4

खोत्‍लेका लालीकुन्‍दा डोक्‍पु मिम्‍मु बासी मा वोचु़ नुङ मोचु़ उची त्‍वाप-त्‍वापडा थो़रलु़इमिम दु़म्‍मु बासी। नाम्‍सु़रु़ बेपा नुङ वाङमिम मेसेमनुङ अम्‍मु न बेपा मु़चु़काम माम्‍चु़नीका निया बोमी।

मर्कूस 10:10

मेकोतिमा नेमगोनो बाम्‍डिलो उनी सीसिपामिमका गुमीनुङ आथावो ओरामकु दुथाम हिला बेम्‍डी।