मर्कूस 1:8 - थुलुङ राई

⁸ गो कु-रु़दु़म ग्‍वानिनिम बु, गुमीका ने माम्‍चु़नी-पेल-रु़दु़म ग्‍वानिमी।”

मर्कूस 1:8 Referans Kwoze

थु़र्मा 1:5

यूहन्‍नाका ने कु-रु़दु़म ग्‍वाक्‍तु़मी, लावो आनेपकु कोलेम-नलेमका गानी माम्‍चु़नी-पेलकु रु़दु़म रनी।”

१ कोरिन्थी 12:13

गुइ यहूदी लोवो ग्रीक लोवो, डु़ल्‍चो़ लोवो त्‍वाकु साखाम गोडा बाट्‍पा लोवो गुइ कोलेङा माम्‍चु़नी पेललामका कोले मिरो़मडा कु-रु़दु़म रङ्‌डिम बु। मेम्‍मा गुइ खोत्‍लेका कोलेङा माम्‍चु़नी-पेल ल्‍वास्‍तिम बु।

थु़र्मा 10:45

माम्‍चु़नीका उनी पेलकु राप्लावा वाङसामामिमडला अम्‍डिमका पत्रुसनुङ रोक्‍पा यहूदी थो़रलु़पामिम छो़म ङा ङाङाया दु़म्‍मिडी।

थु़र्मा 2:4

मेकोतिमा मेर्मिम खोत्‍ले माम्‍चु़नी-पेलका लु़न्‍सिम्‍डी, मा माम्‍चु़नी-पेलका ग्‍वाम्‍डिमिम जेसी होम्‍साका मेर्मिम वाङसामामिमकु ल्‍वाडा जेम्‍डी।

थु़र्मा 2:17

‘हुक्‍पाथारी बिलि आरेप्‍माम दु़म र्‍वाक्‍साका माम्‍चु़नीका र्‍वामी, गो खोत्‍ले मु़चु़मिमडला आमा पेल थु़रु़, इनी जाउमो तारापाचो़मिमका माम्‍चु़नीलाम-जेमी, स्‍वाला इनी चो़मिमका मिक्‍सीलाम ल्‍वामी, इनी ङाउमिमका ङिमा म्‍वामी।

मत्ती 3:11

“गो ने गानीलाई इनी छु़लमिमलाम माम्‍चु़नीडा ख्‍लोसिबेट्‌पा कु-रु़दु़म ग्‍वानिनी, लावो गोडाम चङडा रोक्‍पा मु़चु़ ने गोडाम वो डोक्‍पु यु़मनुङमा बुमी। गो ने उनीमा डु़ल्‍चो़ दु़म्‍साका उनीमा सो़लो़प कुर्मु वो मेघ्रेटपा बुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

मर्कूस 1:7

मेरामका आरे र्‍वाक्‍तोङा सीड्‌डु़मी, “गोडाम चङडा कोले यु़मनुङमा रोमी, मा गो ने कुम्‍सिमुमा उनी सो़लो़पकु साले फ्रोमु वो मेघ्रेन्‍ङी।

मर्कूस 1:9

मेकोतिलो येशू गालीलडाम नासरतलामका बिम्‍डी, मा यूहन्‍नालामका यर्दन ब्‍लोकुडा कु-रु़दु़म रम्‍डी।

लूका 3:16

मेकोतिमा यूहन्‍नाका मेर्मिमलाई सि ख्‍लोक्‍साक्‍तो आरे बु़डु़मी, “गो गानीलाई कु-रु़दु़म ग्‍वानिनी। लावो गोडाम घ्‍ल्‍वापा कोले रोक्‍तोङा बोमी। उनीमा सो़लो़पकु साले फ्रोमु घ्रेट्‌पा वो गो ने मेबुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

यूहन्‍ना 1:26

यूहन्‍नाका मेर्मिमलाई र्‍वाक्‍ता, “गो ने कु-रु़दु़म ग्‍वाक्‍पुमी, लावो गानीगोडा कोले मु़चु़ बुमी गुमीलाई गानी मेछेनी।

यूहन्‍ना 1:33

गुमीलाई आथावो गो छेत्तोमिम मेबायावा, लावो कु-रु़दु़म ग्‍वाका र्‍वाक्‍साका थु़र्पा माम्‍चु़नीका गोलाई आरे र्‍वाम्‍डी, ‘पेल उहेम मु़चु़डला योमिमा गन्‍मिमिम ल्‍वाना, गुमीकाङा माम्‍चु़नी-पेल-रु़दु़म ग्‍वाकु़मी।’