मर्कूस 1:7 - थुलुङ राई

⁷ मेरामका आरे र्‍वाक्‍तोङा सीड्‌डु़मी, “गोडाम चङडा कोले यु़मनुङमा रोमी, मा गो ने कुम्‍सिमुमा उनी सो़लो़पकु साले फ्रोमु वो मेघ्रेन्‍ङी।

मर्कूस 1:7 Referans Kwoze

थु़र्मा 13:25

यूहन्‍नाका उ खारी बोमु दु़म्‍मु खाप्‍स्‍तु़लो आरे र्‍वाक्‍ताम बाइडा, ‘गानी गोलाई सु़ र्‍वाक्‍पा मिम्‍नी? गो ने गानी लन्‍थानिमिम मु़चु़ मेएँ, लावो आमा चङडा कोले रोमी, मा उनीमा ने खेलयु़म सो़लो़प प्‍लु़मु वो मेघ्रेन्‍ङी।’

यूहन्‍ना 1:27

गोडाम चङडा रोक्‍पा मु़चु़ गुमीङा सो़। उनीमा सो़लो़पकु साले फ्रोमु वो गो ने घ्रेटपा मेबुङु।”

लूका 3:16

मेकोतिमा यूहन्‍नाका मेर्मिमलाई सि ख्‍लोक्‍साक्‍तो आरे बु़डु़मी, “गो गानीलाई कु-रु़दु़म ग्‍वानिनी। लावो गोडाम घ्‍ल्‍वापा कोले रोक्‍तोङा बोमी। उनीमा सो़लो़पकु साले फ्रोमु घ्रेट्‌पा वो गो ने मेबुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

मत्ती 3:11

“गो ने गानीलाई इनी छु़लमिमलाम माम्‍चु़नीडा ख्‍लोसिबेट्‌पा कु-रु़दु़म ग्‍वानिनी, लावो गोडाम चङडा रोक्‍पा मु़चु़ ने गोडाम वो डोक्‍पु यु़मनुङमा बुमी। गो ने उनीमा डु़ल्‍चो़ दु़म्‍साका उनीमा सो़लो़प कुर्मु वो मेघ्रेटपा बुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

मत्ती 3:14

लावो यूहन्‍नाका आरे र्‍वाक्‍साका गुमीलाई कु-रु़दु़म मेग्‍वामु माल्‍लु़, “गानी डे गोलाई कु-रु़दु़म ग्‍वामु बासिक्‍पा ने, गानी हेङा कु-रु़दु़म रप्‍डा आमाडा रोनिम?”

मर्कूस 1:6

यूहन्‍नाका ऊँटकु सो़मकाम ये फसिथाल्‍ला, मा कोक्‍तेकु खिम्‍खिरी खिम्‍स्‍थाल्‍ला। गुका रु़ नुङ ब्रेउ खुदो पु़थाल्‍लु़।

मर्कूस 1:8

गो कु-रु़दु़म ग्‍वानिनिम बु, गुमीका ने माम्‍चु़नी-पेल-रु़दु़म ग्‍वानिमी।”

थु़र्मा 19:4

पावलका र्‍वाक्‍ता, “यूहन्‍नाका ग्‍वाक्‍तु़मिम कु-रु़दु़म ने छु़लमिम न-गोलाम मिम्‍सिक्‍साका माम्‍चु़नीडा ख्‍लोक्‍पा रु़दु़म बाइडा। यूहन्‍नाका मु़चु़मिमलाई उ त्‍वापडाम चङडा रोक्‍पाडा थो़र लु़नी बु़डु़मिम येशूडा सो़।”