मर्कूस 1:40 - थुलुङ राई

⁴⁰ कोले जोन बेट्‌पा मु़चु़का क्रचु़खुम बेत्तो येशूनुङ, “गानी न बोनी माला गोलाई नु़बेन्‍मु चाम्‍ङिनी” र्‍वाक्‍ताम-र्‍वाक्‍तामङा बु़डु़।

मर्कूस 1:40 Referans Kwoze

मत्ती 17:14

येशू उनी सीसिपामिमनुङ सेर्पा मु़चु़ बाट्‌पाडा रोम्‍डी। मेकोतिलो कोले मु़चु़ येशूकु ङादोडा रोक्‍तामा क्रचु़खुम बेसाका र्‍वाक्‍ता,

मर्कूस 10:17

येशू मेलामका लक्‍तो बेम्‍डिलो, कोले मु़चु़ ओन्‍तोङा रोक्‍तामा उनी ङादोडा क्रचु़खुम बु़डु़मा र्‍वाक्‍ता, “जो़पा सीपा! हेल्‍लो वो मेसिपा त्‍वारो़म ल्‍वामु गो हाम बोमु बासी?”

थु़र्मा 7:60

मेकोतिलो ङा गुका क्रचु़खुम बु़ल्‍याड्‌डु़मा डोक्‍पु लो़लामका येस्‍ता, “येशू, ओर्मिमका हाम बेम्‍डी, मेरामकु देन्‍दे मेग्‍वाक्‍निमी।” आकोति र्‍वाक्‍तामा उ साम लस्‍ता।

लूका 22:41

मेकोतिमा येशू सीसिपामिमडाम सुक धु़म (३०) मिटर को-को भाल लम्‍डिमा क्रचु़खुम बेसाका सो़म्‍दी बोमु चो़म्‍मिडी,

मत्ती 11:5

मिक्‍सीका मेल्‍वापामिमका मिक्‍सीका ल्‍वाम्‍डिम, मा खेल सोक्‍पामिम लाम्‍दिम्‍डिम बु। जोन बेट्‌पामिम सम्‍डिम बु। नोफ्‍लाका मेथो़पामिमका थो़मी, सिपा मु़चु़मिम सिमुलाम बम्‍गेम्‍डिम बु, मा उनी हाम वो मेबाट्‌पामिमका माम्‍चु़नीकु जो़पा-सेला थो़त्तोङा लेन्‍मी।

एफिसी 3:14

मेम्‍मिमका माम्‍चु़नी पापकु ङादोडा क्रचु़खुम बेसाका सो़म्‍दी बेउ,

मर्कूस 1:41

येशूकु थो़म ङा भ्रो़स्‍तामका गुमीका मेरामलाई लु़म्‍मु उनी ल्‍वा लक्‍तोङा र्‍वाम्‍डी, “गो न बेउ, गाना नु़या।”