मर्कूस 1:4 - थुलुङ राई

⁴ मेम्‍साका यूहन्‍ना कु-रु़दु़म ग्‍वाक्‍तोङा र्‍याङगो-र्‍याङगोडा ल्‍वाला सो़सिड्‍डा। “खोत्‍ले इनी छु़ललामका ख्‍लोसिट्‌नी, मा माम्‍चु़नीका इनी छु़ल हेम्‍मी” र्‍वाक्‍तोङा मु़चु़मिमलाई सीड्‌डु़मी।

मर्कूस 1:4 Referans Kwoze

यूहन्‍ना 3:23

यूहन्‍नाका वो सालीमकु फार्डा एनोन र्‍वाक्‍मा खोमडा कु-रु़दु़म ग्‍वाक्‍तोङा लेड्‌डु़, हेङालोने मेसिन्‍डा हापा कु बाइडा। मेसिन्‍डा मु़चु़मिम रोम्‍थाल्‍मिडिमा कु-रु़दु़म रम्‍थाल्‍मिडी।

मत्ती 3:6

मा मेर्मिमका बेम्‍डिम छु़लमिम सो़साका यर्दन ब्‍लोकुडा यूहन्‍नालामका कु-रु़दु़म रम्‍डी।

लूका 1:77

उनीमा मु़चु़मिमलाई उनीमा छु़लमिम हेम्‍सिट्‌मी, मा सेल्‍सिमी र्‍वाक्‍पा न ग्‍वानामी।

थु़र्मा 22:16

मेम्‍मिमका दाला बासा, बकामा कु-रु़दु़म रङा। मेकोतिमा उनीमा नङडा सो़म्‍दी बेमा इमा छु़ल हेप्‍डा।’

थु़र्मा 10:37

यूहन्‍नाका कु-रु़दु़मकु दुथाम जो़पा-सेला दो़स्‍तु़म चङडा गालीललामका चो़म्‍सिक्‍साका खोत्‍ले यहूदियाडा हा-हाम दु़स्‍ताम बाइडा, मेर्मिमकु दुथाम सो़म्‍डिम सिजेम ओराम ङा सो़,

मत्ती 3:11

“गो ने गानीलाई इनी छु़लमिमलाम माम्‍चु़नीडा ख्‍लोसिबेट्‌पा कु-रु़दु़म ग्‍वानिनी, लावो गोडाम चङडा रोक्‍पा मु़चु़ ने गोडाम वो डोक्‍पु यु़मनुङमा बुमी। गो ने उनीमा डु़ल्‍चो़ दु़म्‍साका उनीमा सो़लो़प कुर्मु वो मेघ्रेटपा बुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

मर्कूस 1:5

खोत्‍ले यहूदिया नेब्‍दी नुङ यरूशलेमडाम मु़चु़मिम यूहन्‍नाकाडा लम्‍डी। मेकोतिमा उनी छु़लमिम उनी गोलामका मिम्‍सित्तोङा यूहन्‍नालामका यर्दन ब्‍लोकुडा कु-रु़दु़म रम्‍डी।