मर्कूस 1:39 - थुलुङ राई

³⁹ मेकोतिमा येशू घ्रो़म्‍दीनेमबाडे जो़पा-सेला थो़बेत्तो नुङ मुनाङपेलमिम ख्‍लुक्‍तो खोत्‍ले गालीलङा खिर्सिम्‍डी।

मर्कूस 1:39 Referans Kwoze

मत्ती 4:23

येशूका घ्रो़म्‍दीनेममिमबाडे सीत्तो नुङ माम्‍चु़नीकाम किब्‍दीकु दुथाम जो़पा-सेला थो़बेत्तो, मा खोत्‍ले खालकाम सोमोरी नुङ नो़पा मु़चु़मिमलाई सबेत्तो गालीलडाम खोत्‍लेथो़ खिर्सिम्‍डी।

मर्कूस 1:21

येशू नुङ उनी सीसिपामिम कफर्नहुम शहरडा लम्‍डी, मा ङेम्‍सिमुनेम येशू घ्रो़म्‍दीनेमडा लम्‍डिमा सीमु चो़म्‍मिडी।

लूका 4:41

हापा मु़चु़मिमलामका मुनाङपेल आरेसाका येत्तो लुम्‍डी, “गानी माम्‍चु़नीकु तारापाचो़ सो़।” लावो येशूका मे मुनाङपेलमिमलाई को सि वो जेमु मेग्‍वाक्‍मिवा, हेङालोने मेर्मिमका गुमी ख्रीष्‍ट र्‍वाक्‍साका छेट्‌मिडिम बाइडा।

मर्कूस 7:30

मेराम मेसेम नेम रोक्‍थिड्‌डालो उमा याक्‍के जाउमो चो़ मुनाङपेलका बासी ङा डिथाड्‌डु़म बाइडा, मा खाटडला अम्‍ल्‍याट्‌पा बाइडा।

मत्ती 9:35

येशू खोत्‍ले शहर-शहर, देल-देल नुङ मेर्मिमकु घ्रो़म्‍दीनेममिमबाडे सीत्तो नुङ पाह्री-किब्‍दीकु दुथाम जो़पा-सेला थो़बेत्तो खिर्सिम्‍डी। मेम्‍मा खोत्‍ले खालकाम सोमोरीनुङमा नुङ नो़पा मु़चु़मिमलाई सबेट्‌मिडी।

मर्कूस 1:23

मेकोतिलोङा मेराम घ्रो़म्‍दीनेमगोडा मुनाङपेलका हुपा कोले मु़चु़ बाइडा।

मर्कूस 1:38

मेकोतिमा गुमीका मेर्मिमनुङ र्‍वाम्‍डी, “दो, गुइ होनो-आथो़म वाङमी देलबाडे लक्‍सी, मा गो मेसिन्‍डा वो जो़पा-सेला थो़बेट्‌पुमी, हेङालोने गो जो़पा-सेला थो़बेड्‌डा ङा योङ्‍डोम।”

मर्कूस 3:1

आथावो किचो़ चङडा गुमी घ्रो़म्‍दीनेमडा लम्‍डी। मेसिन्‍डा ल्‍वा सोक्‍पा कोङ मु़चु़ बाइडा।

मर्कूस 6:6

मेर्मिम थो़र मेलु़मिवामडाम येशू ङाङाया दु़म्‍मिडी। मेकोतिमा गुमी देलबाडे सीत्तोङा लम्‍डी।