मर्कूस 1:25 - थुलुङ राई

²⁵ येशूका मेरामलाई भुर्मिडी मा र्‍वाम्‍डी, “वाय बाया, मा मेरामलामका लुक्‍ल्‍याडा।”

मर्कूस 1:25 Referans Kwoze

मर्कूस 1:34

वाङ-वाङमी सोमोरीनुङमा छो़म सेर्पा मु़चु़मिमलाई येशूका सबेट्‌मिडी। मेकोतिमा छो़म सेर्पा मुनाङपेलमिम वो ख्‍लुम्‍डिमी। लावो येशूका मे मुनाङपेलमिमलाई जेमुङा मेग्‍वाक्‍मिवा, हेङालोने मेर्मिमका येशू सु़ र्‍वाक्‍साका छेट्‌मिडिम बाइडा।

थु़र्मा 16:17

मेराम मेसेम पावल नुङ आकी चङचङ लाम्‍दिडामा आरे र्‍वाक्‍तो येस्‍ता, “ओर्मिम मु़चु़ खोत्‍लेडाम घ्‍ल्‍वापा माम्‍चु़नीकु डु़ल्‍चो़मिम सो़, मा ओर्मिमका गानीलाई हेसाका सेल्‍सिमु चाम्‍नी र्‍वाक्‍पा ल्‍वा सो़प्‍डा रोम्‍डिम बु।”

लूका 4:41

हापा मु़चु़मिमलामका मुनाङपेल आरेसाका येत्तो लुम्‍डी, “गानी माम्‍चु़नीकु तारापाचो़ सो़।” लावो येशूका मे मुनाङपेलमिमलाई को सि वो जेमु मेग्‍वाक्‍मिवा, हेङालोने मेर्मिमका गुमी ख्रीष्‍ट र्‍वाक्‍साका छेट्‌मिडिम बाइडा।

मर्कूस 9:25

मे सेर्पा मु़चु़मिम ओन्‍तो बिक्‍पा ल्‍वाम्‍डिमका येशूका मे मुनाङपेललाई आरे र्‍वाम्‍डिमा भुर्मिडी, “ए मेजेबेट्‌पा नुङ मेथो़बेट्‌पा मुनाङपेल, गो गानालाई र्‍वाङु, गाना मेराम वोस्‍चो़लामका लुक्‍ल्‍याडा, मा मेरामकाम गोनो आथाडाम आनो हाम्‍सी वो मेहुङा।”

लूका 4:35

मेकोतिमा येशूका मे मुनाङपेललाई साखामनुङ भुर्मिडिमा र्‍वाम्‍डी, “लिवा बाया, मेरामलामका लुक्‍ल्‍याडा।” मेकोतिलोङा मेराम मु़चु़लाई सेर्पा मु़चु़मिमकु थेतेडा लेप्‍बोक्‍जो़ल्‍लु़, मा मुनाङपेल लुक्‍तामा लस्‍ता। लावो मेराम मु़चु़लाई हाम वो मेदु़प्‍सावा।

मत्ती 9:30

मेम्‍मा मेर्चिप मिक्‍सीका ल्‍वापा दु़म्‍ची। “ओराम ल्‍वा सु़नुङ वो मेसो़मु सो़” र्‍वाम्‍डिमा येशूका मेर्चिपलाई ङिम साट्‌मिडिची।

मर्कूस 1:24

मेरामका येत्तोङा येशूनुङ र्‍वाक्‍ता, “ए नासरतडाम येशू, गुकुनुङ गानी हाम माल्‍निमिम? हाम गानी गुकु पुयु़लुबेड्‍डा रोक्‍निम? गानी माम्‍चु़नीकु सेपाचो़ र्‍वाक्‍साका गो जो़होमका छेनिनी।”

मर्कूस 1:26

मेकोतिलोङा मे मुनाङपेलका मेराम मु़चु़ लेप्‍ले बोक्‍तो नुङ येत्तोङा मेरामलामका लुक्‍ल्‍याड्‌डा।