मर्कूस 1:24 - थुलुङ राई

²⁴ मेरामका येत्तोङा येशूनुङ र्‍वाक्‍ता, “ए नासरतडाम येशू, गुकुनुङ गानी हाम माल्‍निमिम? हाम गानी गुकु पुयु़लुबेड्‍डा रोक्‍निम? गानी माम्‍चु़नीकु सेपाचो़ र्‍वाक्‍साका गो जो़होमका छेनिनी।”

मर्कूस 1:24 Referans Kwoze

मत्ती 8:29

मेर्चिपका डोक्‍पु लो़लामका आरे र्‍वाक्‍तो येमु चो़म्‍ची, “माम्‍चु़नीकु तारापाचो़, गानी गुचुकुलाई हाम बोमु माल्‍चिकिनिमिम? हाम माम्‍चु़नीका मुलु़ बेम्‍डिम थारीडाम वो ङादोङा गानी गुचुकुलाई दु़खा ग्‍वाप्‍डा रोक्‍निम?”

याकूब 2:19

माम्‍चु़नी कोले कोङङा बुमी र्‍वाक्‍साका गानी थो़र लु़नी, मेराम जो़पाङा सो़। मुनाङपेलमिमका वो मेराम थो़रलु़मी, मा उनी ङिमुका रुडु़मी।

लूका 4:34

“ए नासरतडाम येशू, गुकुलाई गानी हाम बोमु माल्‍निमिम? हाम गानी गुकुलाई पुयु़ लुबेड्‌डा रोक्‍निम? गानी माम्‍चु़नीकु नङका साट्‌मा मु़चु़ बुनी र्‍वाक्‍पा गो छेनिनी।”

थु़र्मा 3:14

लावो गानी ने माम्‍चु़नीकु नङका साट्‌मा नुङ माम्‍चु़नीकु न-गोनुङमा येशूलाई डिन्‍मु मेबिन्‍सिट्‌निवा, मा मु़चु़ सेट्‌पालाई डिन्‍बेट्‌नी,

रेम्‍बेट्‌मिडिम ल्‍वा 3:7

“फिलाडेल्‍फिया मण्‍डलीडाम पाह्रीचो़लाई ओराम ल्‍वा र्‍याका: सेपा नुङ आच्‍छाङाकाम, उहेमका दाऊदकु चाबी जेन्‍थामी, गुमीका आरे र्‍वामी, गुमीका हाम होल्‍मी मेराम सु़का वो ख्‍लु़न्‍मु मेचाप्‍सु़ मा गुमीका हाम ख्‍लु़न्‍मी मेराम सु़का वो होल्‍मु मेचाप्‍सु़।

थु़र्मा 2:27

हेङालोने गानी गोलाई सु़लु़मगोनो मेर्पाजो़ल्‍ङिनी, गानी इनीमा नङका साट्‌माकु मिरो़म झिम्‍मु मेग्‍वानी,

लूका 8:28

मेराम मु़चु़का येशूलाई ल्‍वास्‍तु़मा उनी खेलफारयु़ खुम्‍बु बु़डु़, मा डोक्‍पु लो़लामका र्‍वाक्‍ता, “खोत्‍लेडाम घ्‍ल्‍वापा माम्‍चु़नीकु चो़ येशू, गानी गोनुङ हाम बोमु माल्‍निमिम? गो गानीनुङ र्‍वाङु, गोलाई दु़खा मेग्‍वाङनी।”

मर्कूस 5:7

मेकोतिमा मेरामका डोक्‍पु लो़लामका येत्तोङा र्‍वाक्‍ता, “खोत्‍लेडलाम साखामनुङमा माम्‍चु़नीकु चो़ येशू, गानी गोलाई हाम बोमु माल्‍ङिनिमिम? गो माम्‍चु़नीकु नङडा र्‍वाङु, गोलाई दु़खा मेग्‍वाङनी।”

यूहन्‍ना 6:69

गानी माम्‍चु़नीकु नङका साट्‌पा मु़चु़ र्‍वाक्‍साका गुकु चकु मा थो़र बोकु।”

लूका 1:35

पाह्रीचो़का गुनुङ र्‍वाक्‍ता, “माम्‍चु़नी-पेल गानाडला योमी, मा खोत्‍लेडाम घ्‍ल्‍वापा माम्‍चु़नीकु यु़म गानागोडा दु़म। मेम्‍मिमका मे गक्‍पा चो़च्‍चो़ सेपा दु़म्‍मी, मा गुमीलाई माम्‍चु़नीकु तारापाचो़ र्‍वामी।

थु़र्मा 24:5

ओराम मु़चु़ बान्‍तेमेनो थो़मतेर्बाल्‍पा, सु़म्‍दिसेरडा खोत्‍लेथो़म खोत्‍ले यहूदीमिमगोडा रिबुसी किट्‌पा, मा नासरी दलगोडाम उनीमा डोक्‍पु मु़चु़ गुकु डार्तोकोम बु।

थु़र्मा 4:27

“हेङालोने गानी थुट्‌निमा इनी नङका साट्‌निम इनी डु़ल्‍चो़ येशूकु कोर्थो़लाम हेरोद नुङ पन्‍तियस पिलातस, वाङसामामिम नुङ इस्राएलीमिम ओराम शहरडा ङा खोम्‍सिम्‍डिम बाइडा।

लूका 24:19

गुमीका मेर्चिपनुङ हिलाबेम्‍डी, “हेप्‍माम ल्‍वा?” मेर्चिपका र्‍वाक्‍ची, “नासरतडाम येशूकु दुथाममिम ल्‍वा। गुमी यु़मनुङमा खारीमिम बेपा माम्‍चु़नीलाम-जेपा मु़चु़ मा माम्‍चु़नीकु ङादोडा नुङ खोत्‍ले मु़चु़मिमकु ङादोडा यु़मनुङमा सीपा मु़चु़ बाम्‍डी।

मत्ती 2:23

मा नासरत र्‍वाक्‍मा देलडा बाइडा। माम्‍चु़नीलाम-जेपामिमका आरेसाका र्‍वाम्‍डिम रोक्‍थिड्‌डा: “गुमीलाई नासरी र्‍वामी।”

लूका 8:37

गेरासेनस इलाकाडाम खोत्‍ले मु़चु़मिमका येशूलाई मेर्मिमकु इलाका डिट्‌निमा लक्‍ल्‍याट्‌नी र्‍वाम्‍डिम-र्‍वाम्‍डिम ङा बेम्‍डी, हेङालोने मेर्मिम छो़म ङिम्‍डिम बाइडा। मेम्‍मिमका येशू कुबी-बोक्‍साडला हुम्‍डिमा ख्‍लोम्‍सिम्‍डी।

मर्कूस 1:23

मेकोतिलोङा मेराम घ्रो़म्‍दीनेमगोडा मुनाङपेलका हुपा कोले मु़चु़ बाइडा।

मर्कूस 1:25

येशूका मेरामलाई भुर्मिडी मा र्‍वाम्‍डी, “वाय बाया, मा मेरामलामका लुक्‍ल्‍याडा।”

मर्कूस 10:47

मेकोतिमा नासरतडाम येशू लक्‍तोङा बोमी र्‍वाक्‍पा थो़स्‍तु़मा मेरामका येत्तोङा र्‍वाक्‍ता, “ए दाऊदकु चो़-चु़सु़, येशू, गोडला इनी नथो़म रेम्‍बेनी।”

मर्कूस 14:67

मेकोतिमा पत्रुसका मु झु़त्तोङा बु़डु़म ल्‍वास्‍तु़मा मे मेसेमका जो़होमका उ ङालीडा रेप्‍तोङा र्‍वाक्‍ता, “गाना वो नासरतडाम येशूनुङ बान्‍नाम मेएँ डे?”

मर्कूस 16:6

लावो मेरामका र्‍वाक्‍ता, “मेङिनी! गानी क्रूसडा चेट्‌मा नासरतडाम येशूलाई माल्‍निम बुनिम, मेएँ डे? गुमी ने आसिन्‍डा मेबुमी, गुमी ने सिमुलाम ख्‍लोम्‍सिमु दु़म्‍मिडिम बु। मेएँ माला रेप्‍नी, मेर्मिमका गुमीलाई आसिङा जु़ल्‍मिडिम बाइडा।

१ यूहन्‍ना 2:20

लावो ख्रीष्‍टका गानीडला माम्‍चु़नी-पेल अम्‍डिम बु मा गानी खोत्‍लेका आच्‍छाङाकाम ल्‍वा चनी।