मर्कूस 1:20 - थुलुङ राई

²⁰ मेम्‍लो गुमीका मेर्चिपलाई येन्‍थाम्‍डिची, मा मेर्चिपका उची पाप जब्‍दिया उनी खारी बेपामिमनुङ कुबी-बोक्‍साडला पार्जो़ल्‍चिमा येशूनुङ लक्‍ची।

मर्कूस 1:20 Referans Kwoze

लूका 14:26

“कोङनिम मु़चु़ आमा सीसिपा दु़म्‍मु न बु़ माला, मेराम मु़चु़का वो उ त्‍वाकु माम-पाप, उ नाइमे, उ चो़च्‍चो़मिम, उ वा-ल्‍वाकमिम, मा उ त्‍वापडाम वो हापा गोलाई रिखाम बोमु बासी। मेएँ माला मेराम मु़चु़ आमा सीसिपा मेदु़म।

मर्कूस 10:29

येशूका मेर्मिमनुङ र्‍वाम्‍डी, “आच्‍छाङा गो गानीनुङ र्‍वाङु, उहेमका आमा नङ नुङ जो़पा-ल्‍वाकु दुथाम उमा नेम-किम वा-ल्‍वाक, रिचो़मिम, माम-पाप, चो़च्‍चो़मिम, ये-द डिडु़।

मत्ती 10:37

“उहेमका गोडाम हापा उ मामलाई लोवो उ पापलाई लोवो रिखाम बु़, मेराम आमा सीसिपा दु़म्‍मु मेघ्रेडु़। उहेमका गोडाम हापा उ जाउमोचो़लाई लोवो तारापाचो़लाई लोवो रिखाम बु़, मेराम आमा सीसिपा दु़म्‍मु मेघ्रेडु़।

२ कोरिन्‍थी 5:16

मेम्‍मिमका सु़म्‍दिसेरडाम मु़चु़मिमकु रेप्‍सी होम्‍साका आथाडा आनो गुकु सु़लाई वो मेरेम्‍कु। कोबिलि ख्रीष्‍टलाई आरेसाकाङा रेप्‍तोको लावो आथाडा आनो गुमीलाई मेम्‍साका मेरेम्‍कु।

मर्कूस 1:19

किचो़ होनोक्‍थो़ रोम्‍थिम्‍डिलो येशूका जब्‍दियाकु चो़चिप याकूबनुङ यूहन्‍नाका कुबी-बोक्‍साडला उची पालुङ फिर्तोङा बेपा ल्‍वाम्‍डी।

मर्कूस 1:21

येशू नुङ उनी सीसिपामिम कफर्नहुम शहरडा लम्‍डी, मा ङेम्‍सिमुनेम येशू घ्रो़म्‍दीनेमडा लम्‍डिमा सीमु चो़म्‍मिडी।

लूका 5:11

मेकोतिमा मेर्मिमका उनी कुबी-बोक्‍सा दिरिदिनकु सो़पडा फिट्‌मिडी, मा मेर्मिमका खोत्‍ले ङेट्‌मिडिमा येशूनुङ लाम्‍दिम्‍डी।