मर्कूस 1:11 - थुलुङ राई

¹¹ मेकोतिमा पाह्रीलामका कोले लो़लामका आरे र्‍वाक्‍ता, “गाना गो छो़म द्‌वानिमिम आमा चो़, मा गानानुङ गो छो़म गेर्सिट्‌पा बुङु।”

मर्कूस 1:11 Referans Kwoze

मर्कूस 9:7

मेकोतिमा मेसिन्‍डा खासे रोक्‍तामा मेर्मिमलाई हुप्‍डु़मी, मा खासेलामका कोङ लो़लामका र्‍वाम्‍डी, “ओराम गो छो़म द्‌वाक्‍पुमिम आमा चो़, ओरामका र्‍वामिम थो़नी।”

मत्ती 3:17

मेम्‍मा पाह्रीलामका कोङ लो़लामका आरे र्‍वाक्‍ता, “गो छो़म द्‌वाक्‍पुमिम ओराम आमा तारापाचो़, गुडाम गो छो़म गेर्सिक्‍पा बुङु।”

कलस्‍सी 1:13

गुमीका गुइलाई तुकुम्‍चिम गोडा साखाम थो़पा शैतानकु किब्‍दीलामका गेसाका ख्‍लुक्‍साड्‌डामी मा उनीमा द्‌वादीबुङ तारापाचो़कु किब्‍दीगोडा रेसाड्‌डामी।

रोमी 1:4

मेम्‍मा गुमी सिमुलाम बम्‍गेम्‍डिम ल्‍वाका माम्‍चु़नी-पेलकु यु़मलाम माम्‍चु़नीकु तारापाचो़ दु़म्‍मिडिम ल्‍वा रेम्‍बु़। गुमीङा इकीमा ङाचो़ येशू ख्रीष्‍ट सो़।

यूहन्‍ना 3:16

“हेङालोने माम्‍चु़नीका सु़म्‍दिसेरडाम मु़चु़मिमलाई छो़म रिखाम बेम्‍डी, मा गुमीका कोलेङा उनी तारापाचो़ ग्‍वाम्‍डी। मेम्‍साका सु़का गुमीडला थो़र बु़, गु पुयु़ मेल, लावो मेसिपा त्‍वारो़म ल्‍वासु़।

यूहन्‍ना 5:37

गोलाई थु़र्पा पाप उनी त्‍वाकाङा आमा दुथाम सो़म्‍डी। उनीमा लो़लाम गानी हेल्‍लो वो थो़न्‍निम मिबु, मा उनीमा ङाली हेल्‍लो वो ल्‍वान्‍निम मिबु।

यूहन्‍ना 1:34

गो ल्‍वाउतोम बु, मा सो़त्तोङा लेट्‌पु माम्‍चु़नीकु तारापाचो़ गुमीङा सो़।”

लूका 9:35

मेकोतिमा खासेलामका कोले लो़लामका आरे र्‍वाक्‍ता, “ओराम आमा तारापाचो़, गुलाई गो छेत्तोम सो़। ओरामका र्‍वामिम थो़नी वो।”

मत्ती 17:5

गु जेत्तोङा बु़डु़लो झ्‍वाक्‍पा खासेका मेर्मिमलाई हुप्‍डु़मी, मा मे खासेलामका कोले लो़लामका आरे र्‍वाक्‍ता, “ओराम गो छो़म द्‌वाक्‍पुमिम आमा तारापाचो़, ओरामडाम छो़म गेर्सिद्‌वाक्‍पा बुङु। ओरामका र्‍वामिम थो़नी।”

यूहन्‍ना 6:69

गानी माम्‍चु़नीकु नङका साट्‌पा मु़चु़ र्‍वाक्‍साका गुकु चकु मा थो़र बोकु।”

मत्ती 12:18

“गो छेत्तोम आमा डु़ल्‍चो़ आसिन्‍डा बु, गुलाई गो द्‌वाक्‍पु, मा गुनुङ गो गेर्सिद्‌वाक्‍पा बुङु, गो आमा पेलका गुलाई लु़ट्‌पु, मा गुका खोत्ले सामाकाम मु़चु़मिमलाई मेर्मिम सेल्‍सिमिमिमकु दुथाम सो़यु़।

मर्कूस 1:10

ब्‍लोकुलामका पाखाथो़ लुम्‍डी वो मेडे गुमीका पाह्री ह्‌वासिट्‌पा ल्‍वाम्‍डी, मा माम्‍चु़नी-पेल उनी त्‍वापडला तुक्‍तुकुर होप्‍माम योक्‍तोङा बेपा ल्‍वाम्‍डी।

लूका 3:22

मा माम्‍चु़नी-पेल तुक्‍तुकुर होङ्‍ङा बेपा गुमीडला योम्‍डी। मेम्‍मा पाह्रीलामका आरे र्‍वाक्‍पा लो़लाम जेस्‍ता, “गाना गो छो़म द्‌वानिमिम आमा तारापाचो़, गानाडाम गो छो़म गेर्सिद्‌वाक्‍पा बुङु।”