मर्कूस 1:1 - थुलुङ राई

¹ माम्‍चु़नीकु चो़ येशू ख्रीष्‍टकु दुथाम जो़पा-ल्‍वाकु चो़म द।

मर्कूस 1:1 Referans Kwoze

यूहन्‍ना 20:31

येशूङा माम्‍चु़नीकु तारापाचो़ ख्रीष्‍ट, मा थो़र बेसाका उनीमा नङडा गानी त्‍वारो़म ल्‍वामु चाम्‍निनु़ र्‍वाक्‍साका ओर्मिम ल्‍वा र्‍यास्‍ताम।

मत्ती 17:5

गु जेत्तोङा बु़डु़लो झ्‍वाक्‍पा खासेका मेर्मिमलाई हुप्‍डु़मी, मा मे खासेलामका कोले लो़लामका आरे र्‍वाक्‍ता, “ओराम गो छो़म द्‌वाक्‍पुमिम आमा तारापाचो़, ओरामडाम छो़म गेर्सिद्‌वाक्‍पा बुङु। ओरामका र्‍वामिम थो़नी।”

मत्ती 4:3

मेकोतिमा न छाम्‍पा शैतान उनीमाडा रोक्‍तामा र्‍वाक्‍ता, “गानी माम्‍चु़नीकु तारापाचो़ माला ओर्मिम लुङ सो़बेम दु़म्‍सा बेनी।”

मत्ती 14:33

कुबी-बोक्‍साडला बाट्‌पा सीसिपामिमका गुमीलाई डोक्‍पु मिम्‍साका सेव साट्‌मिडिमा र्‍वाम्‍डी, “गानी आच्‍छाङा माम्‍चु़नीकु तारापाचो़।”

मत्ती 3:17

मेम्‍मा पाह्रीलामका कोङ लो़लामका आरे र्‍वाक्‍ता, “गो छो़म द्‌वाक्‍पुमिम ओराम आमा तारापाचो़, गुडाम गो छो़म गेर्सिक्‍पा बुङु।”

रोमी 8:3

छु़लनुङमा मु़चु़कु बादीखामका डु़म्‍ला होम्‍साका दोसाका बोमु मेचापा ल्‍वा माम्‍चु़नी उनी त्‍वाकाङा बेम्‍डी। माम्‍चु़नीका उनीमा त्‍वाकु तारापाचो़लाई छु़लचो़ मु़चु़ होप्‍माम दु़म्‍बेसाका थु़र्मिडी, मेम्‍मा मु़चु़मिमकु छु़ल हेम्‍मु लागि उनीमा तारापाचो़कु मिरो़म सासेसाका देन्‍दे ग्‍वाम्‍डी।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

यूहन्‍ना 6:69

गानी माम्‍चु़नीकु नङका साट्‌पा मु़चु़ र्‍वाक्‍साका गुकु चकु मा थो़र बोकु।”

यूहन्‍ना 3:16

“हेङालोने माम्‍चु़नीका सु़म्‍दिसेरडाम मु़चु़मिमलाई छो़म रिखाम बेम्‍डी, मा गुमीका कोलेङा उनी तारापाचो़ ग्‍वाम्‍डी। मेम्‍साका सु़का गुमीडला थो़र बु़, गु पुयु़ मेल, लावो मेसिपा त्‍वारो़म ल्‍वासु़।

यूहन्‍ना 1:49

नथानेलका र्‍वाक्‍ता, “सीपा, गानी माम्‍चु़नीकु तारापाचो़, गानी इस्राएलडाम हप।”

यूहन्‍ना 1:34

गो ल्‍वाउतोम बु, मा सो़त्तोङा लेट्‌पु माम्‍चु़नीकु तारापाचो़ गुमीङा सो़।”

लूका 1:35

पाह्रीचो़का गुनुङ र्‍वाक्‍ता, “माम्‍चु़नी-पेल गानाडला योमी, मा खोत्‍लेडाम घ्‍ल्‍वापा माम्‍चु़नीकु यु़म गानागोडा दु़म। मेम्‍मिमका मे गक्‍पा चो़च्‍चो़ सेपा दु़म्‍मी, मा गुमीलाई माम्‍चु़नीकु तारापाचो़ र्‍वामी।

रोमी 8:32

माम्‍चु़नीका उनीमा तारापाचो़लाई वो मेडिट्‌मिवा मा इकीमा लागि सासेट्‌मिडी। इकीमा लागि उनीमा तारापाचो़ङा सासेट्‍पा माम्‍चु़नीका गुमीनुङ बाट्‍पा खोलेम थोक गुइलाई मेग्‍वाक्‍सामी मा?

थु़र्मा 1:22

यूहन्‍नाका कु-रु़दु़म ग्‍वाक्‍तु़म थारीका मा येशू गुइलाम पाह्रीथो़ कोम्‍सिम्‍डिम थारीसम्‍म गुइनुङ बाट्‌पा दु़म्‍मु बासी। मेम्‍मा येशू सिमुलाम बम्‍गेम्‍डिम ल्‍वापा दु़म्‍मु बासी।”

थु़र्मा 13:24

येशू रोमु ङादो यूहन्‍नाका खोत्‍ले इस्राएलीमिमलाई ‘इनी छु़ललामका ख्‍लोन्‍सिट्‌नी, मा कु-रु़दु़म रनी’ बु़डु़मिम बाइडा।