मत्ती 9:8 - थुलुङ राई

⁸ सेर्पा मु़चु़का ओराम ल्‍वाम्‍डिमा छो़म ङिम्‍डी। मु़चु़मिमलाई आरेप्‍माम यु़म माम्‍चु़नीका ग्‍वाम्‍डिमका मेर्मिमका माम्‍चु़नीकु नङ कोम्‍डी।

मत्ती 9:8 Referans Kwoze

लूका 7:16

मेकोतिमा मेर्मिम खोत्‍ले मु़चु़मिम ङिम्‍डी, मा माम्‍चु़नीकु नङ कोम्‍डी। मेम्‍मा र्‍वाम्‍डी, “माम्‍चु़नीलाम-जेपा कोले छो़म डोक्‍पु मु़चु़ इकीमाडा योम्‍डिम बु,” मा “माम्‍चु़नीका उनी त्‍वाकु मु़चु़मिमडला न-थो़म रेम्‍बेम्‍डिम बु।”

मत्ती 15:31

सि मेजेपामिम जेम्‍डिम, मेचापामिम नु़म्‍डिम, खेल सोक्‍पामिम लाम्‍दिम्‍डिम, मिक्‍सीका मेल्‍वापामिमका मिक्‍सीका ल्‍वापा दु़म्‍मिडिम ल्‍वाम्‍डिमा मु़चु़मिम ङाङाया दु़म्‍मिडी। मेम्‍मा मेर्मिमका इस्राएलकु माम्‍चु़नीकाम नङ कोम्‍डी।

थु़र्मा 4:21

मेर्मिमका मेर्चिपलाई देन्‍दे ग्‍वामु मेजो़पा ल्‍वा हाम वो मेल्‍वामिवामका ङिम साट्‌मिडिचिमा थु़र्सोम्‍डिची। हेङालोने हाम खारी दु़स्‍ताम बाइडा मेरामकु दुथाम खोत्‍ले मु़चु़मिमका माम्‍चु़नीकु नङ कोम्‍डिम बाम्‍डी।

लूका 23:47

ओर्मिम खोत्‍ले ल्‍वास्‍तु़मा रोमी सिपाहीमिमकु कप्‍तानका माम्‍चु़नीकु नङ कोक्‍तो र्‍वाक्‍ता, “आच्‍छाङा ओराम माम्‍चु़नीकु न-गो होप्‍माम मु़चु़ बाइडा।”

लूका 17:15

मेर्मिमगोडाम कोलेका उ त्‍वाप सस्‍ताम चडु़मा येशूकाडा ख्‍लोस्‍तामा डोक्‍पु लो़लामका माम्‍चु़नीकु नङ कोस्‍तु़।

मर्कूस 2:12

मेकोतिलोङा मेराम मु़चु़ बक्‍ल्‍याड्‌डा, मा उ प्‍लान-कोम्‍सु़नुङ खोत्‍लेका रेप्‍मिडि होङङा मेलामका लस्‍ल्‍याड्‌डा। मेम्‍मिमका मेर्मिम खोत्‍लेङा ङाङाया दु़म्‍मिडी, मा “आरेप्‍माम ने हेल्‍लो वो ल्‍वाम्‍मा मेबायावा!” र्‍वाक्‍तोङा माम्‍चु़नीकु नङ कोम्‍डी।

गलाती 1:24

आरेसाका माम्‍चु़नीका आमा न ख्‍लोङसाङ्‌डिमिमका मेर्मिमका माम्‍चु़नीकु नङ कोम्‍डी।

यूहन्‍ना 15:8

गानी हापा मा सिन्‍बेसाका गानी आमा सीसिपा र्‍वाक्‍पा रेम्‍बेनी, मा मेरामका आमा पापकु यु़म झ्‍वा।

लूका 13:13

मेकोतिमा गुमीका मेराम मेसेमडला उनी ल्‍वा जु़ल्‍मिडी, मा मेकोतिलोङा उ चङ थो़न्‍थो़न्‍या दु़स्‍तामा येम्‍स्‍ल्‍याड्‌डा। मेम्‍मा माम्‍चु़नीकु नङ कोमु चो़म्‍डु़।

थु़र्मा 11:18

मे यहूदी थो़रलु़पामिमका ओराम थो़म्‍डिमा फमु डिट्‌मिडी। मेर्मिमका आरे र्‍वाक्‍तो माम्‍चु़नीकाम नङ कोम्‍डी, “माम्‍चु़नीका वाङसामामिमलाई वो गुमीथो़ ख्‍लोसिक्‍पा, मा सेल्‍सिक्‍पा जो़पा थारी ग्‍वाम्‍डी रेछा।”

थु़र्मा 21:20

ओराम थो़म्‍डिमा मेर्मिमका माम्‍चु़नीकु नङ कोम्‍डी। मेकोतिमा मेर्मिमका पावलनुङ र्‍वाम्‍डी, “रेप्‍नी छारी, यहूदीमिमगोडा थो़रलु़पामिम छो़म सेर्पा बुमी, मा मोशाकु डु़म्‍ला होम्‍साका खारी बोमु मेर्मिम चङको-चङको बुमी।

मर्कूस 7:37

ओराम ल्‍वाम्‍डिमा मु़चु़मिम छो़म ङाङाया दु़म्‍मिडी। मेकोतिमा र्‍वाम्‍डी, “गुमीका बेम्‍डिम खोत्‍ले जो़पा नु़पा ङा बु। गुमीका ने मेथो़पालाई थो़पा, मा मेजेपालाई जेमुचापा बनेबोमी रेछा।”

मत्ती 28:18

येशू मेर्मिमकाडा रोम्‍डिमा र्‍वाम्‍डी, “सुबु नुङ पाह्रीडला खोत्‍ले साखाम माम्‍चु़नीका गोलाई ग्‍वाङ्‌डिमिम बु।

मत्ती 12:23

सेर्पा मु़चु़ ङाङाया दु़म्‍मिडिमा र्‍वाबेम्‍डी, “दाऊदकु तारापाचो़ मसीह ओ येशूङा ने मेएँ?”

मत्ती 5:16

मेम्साकाङा इनीमा जो़पा खारीमिम झ्‍वामिनु़मा मु़चु़मिमका ल्‍वामिनु़। मेम्‍मा पाह्रीलाम इनीमा पापकु नङ खोत्‍लेका कोमिनु़।

मत्ती 9:7

मेराम मु़चु़ हुबक्‍ता, मा उ नेम लस्‍ता।

लूका 2:20

पाह्रीचो़का मेर्मिमनुङ र्‍वाक्‍ताम होम्‍साका मेर्मिमका ल्‍वाम्‍डी, थो़म्‍डी। मेम्‍मिमका मेर्मिमका माम्‍चु़नीलाई डोक्‍पु मिम्‍तो नुङ उनीमा नङ कोक्‍तो उनी भेन्‍दामिम बाट्‌पाथो़ ख्‍लोम्‍सिम्‍डी।

लूका 17:18

ओ मेयहूदी मु़चु़डाम वाङमिम सु़ वो मु़चु़मिम हाम माम्‍चु़नीकु नङ कोप्‍डा मेख्‍लोसिक्‍मिवा?”

लूका 18:43

मेकोतिलोङा गुका उ मिक्‍सीका ल्‍वास्‍ल्‍याड्‌डु़, मा माम्‍चु़नीकु नङ कोक्‍तो येशूकु चङचङ लाम्‍दीडा। ओराम ल्‍वाम्‍डिमा खोत्‍ले मु़चु़मिमका वो माम्‍चु़नीकु नङ कोम्‍डी।

२ कोरिन्‍थी 9:13

गानी बोनिमिम ओराम ग्‍वाक्‍पा खारीकु दुथाम मेर्मिमका माम्‍चु़नीकु नङ कोमी। हेङालोने मेर्मिमलाई नुङ वाङमिम थो़रलु़पामिमलाई इनीमा ग्‍वा-ग्‍वा द्‌वाक्‍पा नका ग्‍वाक्‍निम ल्‍वाका ख्रीष्‍टकु जो़पा-सेलाका र्‍वाक्‍ताम होङङा गानी बुनी-दोनिमिम रेम्‍बु़।

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।