मत्ती 9:6 - थुलुङ राई

⁶ लावो सुबुडा छु़लमिम हेप्‍साक्‍पा साखाम मिनीचो़नुङ बु र्‍वाक्‍पा गानी ओरामलामकाङा चनी।” मेकोतिमा गुमीका उ ल्‍वा-खेल सोक्‍पा मु़चु़लाई र्‍वाम्‍डी, “बका, इ प्‍लान फकामा नेम लक्‍सा।”

मत्ती 9:6 Referans Kwoze

मत्ती 9:5

ओराम मु़चु़लाई हे र्‍वामु झापा दु़म, ‘इमा छु़लमिम हेम्‍स्‍ताम बु’ डे ‘बकामा लाम्‍दिया’ डे?

२ कोरिन्‍थी 2:10

गानी कोङनिमलाई पाचो ग्‍वानी माला गो वो मेरामलाई पाचो ग्‍वाक्‍पु। कोङनिम मु़चु़लाई कोङनिम ल्‍वाडा गो पाचो ग्‍वाक्‍तोम बु माला येशू ख्रीष्‍टकु ङादोडा इनीमा लागिङा पाचो ग्‍वाक्‍पु।

कलस्‍सी 3:13

इम्‍सी बेबेनी मा कोङनिमका कोङनिमडला सु़म्‍बुर्मा किसु़लो छु़ल हेम्‍बेबेनी। ङाचो़का इनीमा छु़ल हेम्‍साट्‌निम होङङा छु़ल हेम्‍बेबेनी।

एफिसी 4:32

लावो न-थो़मनुङमा दु़म्‍नी मा कोलेका कोङमीलाई रिखाम बेबेनी। माम्‍चु़नीका गानीलाई ख्रीष्‍टलामका पाचो ग्‍वानिमिम होम्‍साका इनी त्‍वापगोडा पाचो ग्‍वाबेनी।

२ कोरिन्‍थी 5:20

मेम्‍मिमका गुकु ख्रीष्‍टकाम सेलाचो़ सो़, मा माम्‍चु़नीका गुकुलामका र्‍वामिमिम-र्‍वामिमिमङा बुमी। ख्रीष्‍टलामका गुकु गानीलाई छो़म र्‍वाकु: माम्‍चु़नीनुङ इनीमा न-थो़म घ्रो़म्‍बेट्‌नी।

थु़र्मा 9:34

पत्रुसका मेरामनुङ र्‍वाक्‍ता, “ए एनियास, येशू ख्रीष्‍टका गानालाई सबेनामी। बका, मा इमा प्‍लान फका।” मेकोतिलोङा मेराम हुबक्‍ता।

थु़र्मा 5:31

इस्राएलीमिमकु छु़ल उनी न-गोलाम मिम्‍सिक्‍साका ख्‍लोसिबेन्‍मु लागि मा उनी छु़ल हेम्‍सामुमि र्‍वाक्‍साका माम्‍चु़नीका गुमीलाई कोम्‍डिमा उनी जो़प ल्‍वालाम जु़ल्‍साका हप नुङ सेल्‍पा दु़म्‍बेट्‌मिडी।

यूहन्‍ना 17:2

हेङालोने गानी गुलाई ग्‍वाक्‍निम खोत्‍ले मु़चु़लाई मेसिपा त्‍वारो़म ग्‍वाक्‍नु़मी र्‍वाक्‍साका खोत्‍ले मु़चु़डला गुलाई साखाम ग्‍वाक्‍निम बु।

यूहन्‍ना 10:28

मेर्मिमलाई मेसिपा त्‍वारो़म ग्‍वाक्‍पुमी, मा मेर्मिम हेल्‍लो वो पुयु़ मेलुमी, मा सु़का वो मेर्मिमलाई आमा ल्‍वालामका रोसाका लमु मेचाप्‍सु़।

लूका 5:21

लावो येशूका आरे र्‍वाम्‍डिम थो़म्‍डिमा मे यहूदीकु डु़म्‍ला सीपा पातु़म्‍रीमिम नुङ फरिसीमिमका उनी नड्‍डा आरे र्‍वाक्‍पा मिम्‍मु चो़म्‍मिडी, “माम्‍चु़नीलाई डक्‍साका जेपा ओराम मु़चु़का उ त्‍वापलाई सु़ र्‍वाक्‍पा मिम्‍सी? माम्‍चु़नीका कोङङा छु़ल हेम्‍मु ने चाम्‍मी।”

मर्कूस 2:10

लावो ओराम सुबुडाम छु़ल हेम्‍मु ओराम मिनीचो़कु मुलु़गोनो बु र्‍वाक्‍पा गानी ओरामलामकाङा चक्‍नी।” मेम्‍मिमका गुमीका मे उ ल्‍वा-खेल सोक्‍पालाई र्‍वाम्‍डी,

मर्कूस 2:7

“ओरामका हेङा आरे र्‍वामिम? ओराम ने माम्‍चु़नीलाई डक्‍साका डे जे रेछा! माम्‍चु़नीडाम वाङमी सु़का छु़ल हेम्‍मु चाप्‍सु़ मा?”

मत्ती 8:20

येशूका मेरामलाई र्‍वाम्‍डी, “सेरुलीमिमकाम उनी बाखोप रोङगा बु। चक्‍पुमिमकाम वो उनी बाखोप पान्‍जी बु, लावो मिनीचो़काम ने ङेसिखोप वो मिबु।”

मत्ती 4:24

उनी खारीकु दुथाममिम ल्‍वामिम होनोवा बाट्पा सिरिया क्षेत्रडा वो थो़म्‍डी। मेम्‍मा नो़पामिम खोत्‍लेलाई मु़चु़मिमका येशूकाडा रेट्‌मिडी। मुनाङपेलका हुपा, धामुलामका बेट्‍पा, मा ल्‍वा-खेल सोक्‍पा, हेप्‍माम नो़पा सोमोरीनुङमा लोवो खोत्‍लेलाई येशूका सबेट्‌मिडी।

मत्ती 9:2

उ ल्‍वा-खेल सोक्‍पामा उ प्‍लानडा झार्ल्‍याक्‍पा कोले मु़चु़लाई मु़चु़मिमका कुर्मिडिमा येशूकाडा रेट्‌मिडी। मे मु़चु़मिमका गुमीडला थो़र बेम्‍डिम ल्‍वाम्‍डिमा येशूका उ ल्‍वा-खेल सोक्‍पा मु़चु़लाई र्‍वाम्‍डी, “छारी, गेर्सा, इमा छु़लमिम हेम्‍सिम्‍डिम बु।”

मत्ती 9:7

मेराम मु़चु़ हुबक्‍ता, मा उ नेम लस्‍ता।

यूहन्‍ना 5:8

मेकोतिमा येशूका मेरामलाई र्‍वाम्‍डी, “बका, इमा प्‍लान फकामा लाम्‍दिया।”

यूहन्‍ना 5:27

मेम्‍मा मु़चु़मिमकु निया बेपा साखाम गुलाई ग्‍वाम्‍डिम बु, हेङालोने गु मिनीचो़ सो़।