मत्ती 9:2 - थुलुङ राई

² उ ल्‍वा-खेल सोक्‍पामा उ प्‍लानडा झार्ल्‍याक्‍पा कोले मु़चु़लाई मु़चु़मिमका कुर्मिडिमा येशूकाडा रेट्‌मिडी। मे मु़चु़मिमका गुमीडला थो़र बेम्‍डिम ल्‍वाम्‍डिमा येशूका उ ल्‍वा-खेल सोक्‍पा मु़चु़लाई र्‍वाम्‍डी, “छारी, गेर्सा, इमा छु़लमिम हेम्‍सिम्‍डिम बु।”

मत्ती 9:2 Referans Kwoze

मत्ती 9:22

येशू चङथो़ ख्‍लोम्‍सीम्‍डिमा रेप्‍मिडिलो मे मेसेमलाई ल्‍वाम्‍डिमा र्‍वाम्‍डी, “ए तोङमा, मेङिसा, इमा थो़रका गाना सन्‍नाम बु।” मेकोतिलोङा मे मेसेम सस्‍ल्‍याड्‌डा।

याकूब 2:18

कोङनिमका आरे र्‍वामु चाप्‍सु़, “कोङनिमनुङ थो़र बु, वाङमिमका ने जो़पा खारीमिम बु़डु़म बु।” लावो गो र्‍वाङु, “कोङनिम मु़चु़नुङ खारी मान्‍थिम थो़र हेसाका दु़म गोनुङ रेम्‍बे। गो बेउतोम जो़पा खारीलामका आमा थो़र गानालाई रेम्‍बेनी।”

थु़र्मा 19:12

कोङ-कोङका ने पावलका लु़प्‍डु़म रुमाल नुङ थ्‍वाक्‍पुरी ङा वो लम्‍डिमा नो़पामिमडला जु़ल्‍मिडिलो मेर्मिम सम्‍थाल्‍मिडी, मा मुनाङपेलमिम वो मेर्मिमलाम लुम्‍डिमा लम्‍डी।

यूहन्‍ना 21:5

येशूका मेर्मिमलाई र्‍वाम्‍डी, “ङोप्‍सो़नी, गानीनुङ कोले वो ङो मिबु?” मेर्मिमका र्‍वाम्‍डी, “मिबु।”

मत्ती 8:10

ओराम ल्‍वा थो़म्‍डिमा येशू ङाङाया दु़म्‍मिडी, मा उनी चङचङ बिक्‍तोङा बेपा मु़चु़मिमनुङ र्‍वाम्‍डी, “आच्‍छाङा गो गानीलाई र्‍वाङु, इस्राएलीमिम खोत्‍लेगोडा आरेप्‍माम डोक्‍पु थो़र गो ल्‍वाउतोम मिबु।

मत्ती 4:24

उनी खारीकु दुथाममिम ल्‍वामिम होनोवा बाट्पा सिरिया क्षेत्रडा वो थो़म्‍डी। मेम्‍मा नो़पामिम खोत्‍लेलाई मु़चु़मिमका येशूकाडा रेट्‌मिडी। मुनाङपेलका हुपा, धामुलामका बेट्‍पा, मा ल्‍वा-खेल सोक्‍पा, हेप्‍माम नो़पा सोमोरीनुङमा लोवो खोत्‍लेलाई येशूका सबेट्‌मिडी।

रोमी 5:11

आकोति कोङङा मेएँ, लावो इकीमा ङाचो़ येशू ख्रीष्‍टलाम गुइ माम्‍चु़नीडा गेर्सिक्‍तोङा बिइ, हेङालोने ख्रीष्‍टकाङा गुइलाई माम्‍चु़नीनुङ इकीमा न-थो़म घ्रो़म्‍बेसाका ङोप्‍सो़ दु़म्‍बेसाड्‍डामिम बु।

थु़र्मा 14:9

पावलका जो़पा-सेला दो़स्‍तु़म मेरामका थो़स्‍तु़होम बाइडा। पावलका मेरामलाई रेप्‍डु़म-रेप्‍डु़म ङा बु़डु़, मा सपा मेरामकु थो़र ल्‍वास्‍तु़।

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

मत्ती 9:6

लावो सुबुडा छु़लमिम हेप्‍साक्‍पा साखाम मिनीचो़नुङ बु र्‍वाक्‍पा गानी ओरामलामकाङा चनी।” मेकोतिमा गुमीका उ ल्‍वा-खेल सोक्‍पा मु़चु़लाई र्‍वाम्‍डी, “बका, इ प्‍लान फकामा नेम लक्‍सा।”

मत्ती 8:16

नेम्‍था दु़स्‍तालो मु़चु़मिमका मुनाङका हुपा हापा मु़चु़लाई येशूकाडा रेट्‌मिडी। मेम्‍मा गुमी जेम्‍डिमा मे मुनाङमिमलाई कोल्‍मिडी, मा नो़पा मु़चु़मिम खोत्‍लेलाई सबेट्‌मिडी।

यूहन्‍ना 2:25

मु़चु़ आच्‍छाङा हेप्‍माम दु़म्‍मी र्‍वाक्‍साका सु़का वो गुमीनुङ सो़मुम बुमु बासिक्‍पा मेबायावा। हेङालोने मु़चु़मिमकु न हेप्‍माम बु र्‍वाक्‍साका गुमीका चम्‍डिम बाइडा।

मर्कूस 5:34

मेकोतिमा येशूका मेराम मेसेमलाई र्‍वाम्‍डी, “ए यु़म्‍पी, इमा थो़रकाङा गाना सन्‍नाम बु, मेम्‍मिमका इमा न भ्रसित्तो लक्‍सा, मा इमा सोमोरी वो हेम्‍सिनु़।”

मर्कूस 1:32

मेनेम नेम्‍था नेप्‍सुङ गाम्‍डालो मेसिन्‍डा खोत्‍ले नो़पामिम नुङ मुनाङपेलका हुपामिमलाई मु़चु़मिमका येशूकाडा रेट्‌मिडी।

मत्ती 6:12

आकी कोर्थो़लाम बक्‍पामिमकु छु़ल हेप्‍साक्‍तोकोम होङङा आकी छु़लमिम हेप्‍साक्‍किनी,

मत्ती 9:5

ओराम मु़चु़लाई हे र्‍वामु झापा दु़म, ‘इमा छु़लमिम हेम्‍स्‍ताम बु’ डे ‘बकामा लाम्‍दिया’ डे?

मत्ती 14:27

मेकोतिलोङा येशूका मेर्मिमलाई र्‍वाम्‍डी, “इनी लो़ मेदाम्‍नु़, मेङिनी, गो सो़।”

मर्कूस 6:50

येशू ल्‍वाम्‍डिलो मेर्मिम खोत्‍लेङा ङिम्‍डी। मेम्‍मिमका गुमीका मेर्मिमलाई र्‍वाम्‍डी, “गो डे! मेङिनी! इनी लो़ मेदाम्‍नु़!”

मर्कूस 10:49

मेकोतिमा येशू मेसि ङा येम्‍सिम्‍डिमा र्‍वाम्‍डी, “मेरामलाई येट्‌नी।” मेकोतिमा मेर्मिमका मे मिक्‍सीका मेल्‍वापा बारतिमैलाई आरे र्‍वाम्‍डिमा येट्‌मिडी, “गेर्सा, मा बका! गुमीका गानालाई येत्तोङा बोनामी।”

थु़र्मा 23:11

मेरामकु दिकाम नेम्‍थाका ङाचो़ येशू पावलकु ङादोडा रेम्‍बेम्‍सिम्‍डिमा र्‍वाम्‍डी, “मेङिसा पावल, यरूशलेमडा हेसाका आमा दुथाम सो़न्‍ना, मेम्‍साका ङा रोम शहरडा वो गाना आमा दुथाम सो़मु बासी।”