मत्ती 8:9 - थुलुङ राई

⁹ हेङालोने गो वो आ डोक्‍पु मु़चु़कु ल्‍वाडा बुङु, मा आमा ल्‍वाडा सिपाहीमिम बुमी। कोलेलाई गो ‘लक्‍सा’ बेउ, मा मेराम ल। कोङमीलाई ‘रोका’ बेउ, मा मेराम रो। आमा डु़ल्‍चो़लाई ‘आरे बे’ बेउ, मा मेरामका बु़।”

मत्ती 8:9 Referans Kwoze

तीतस 2:9

डु़ल्‍चो़मिमका वो उनी हपमिमकु ल्‍वाडा बासाका खोत्‍ले ल्‍वाडा उनी हपमिमलाई गेर्सिबेट्‌निमी। डु़ल्‍चो़मिम सि कोल्‍पा मेदु़म्‍मिनु़।

कलस्‍सी 3:22

डु़ल्‍चो़नी, खोत्‍ले ल्‍वाडा गानी इनीमा नेमहपमिमका र्‍वामिमिम होङङा बेनी। न-थो़म ल्‍वामु लागि मेर्मिमकु मिक्‍सीलामडा कोङङा र्‍वामिमिम होङङा बेपा मेएँ, लावो ङाचो़ येशूकु ङिम जु़ल्‍साका आच्‍छाङाकाम न-गोका बेनी।

लूका 7:8

हेङालोने आ त्‍वाप ङा वो साखामचो़कु ल्‍वाडा बुङु, मा आमा ल्‍वाडा सिपाहीमिम बुमी। गो कोलेलाई ‘लक्‍सा’ र्‍वाङु, मा मेराम ल मा कोङमीलाई ‘रोका’ र्‍वाङु, मा मेराम रो। गो आमा डु़ल्‍चो़लाई ‘आरे बे’ र्‍वाङुलो मेरामका बु़।”

लूका 4:39

गुमी उमा फार्डा लम्‍डिमा मे डार्चु़मोलाई डिन्‍बेट्‌मिडी, मा मे डार्चु़मोका डिट्‌ल्‍याट्‌डु़। मेकोतिमा गु बक्‍तामा उनीमा चापे-डुपे बु़साड्‌डु़मी।

मत्ती 8:8

लावो कप्‍तानका र्‍वाक्‍ता, “ङाचो़, गानीलाई आमा नेमडा येन्‍मु घ्रेटपा गो मेबुङु। गानी जेनी कोङङा आमा डु़ल्‍चो़ स।

मत्ती 8:10

ओराम ल्‍वा थो़म्‍डिमा येशू ङाङाया दु़म्‍मिडी, मा उनी चङचङ बिक्‍तोङा बेपा मु़चु़मिमनुङ र्‍वाम्‍डी, “आच्‍छाङा गो गानीलाई र्‍वाङु, इस्राएलीमिम खोत्‍लेगोडा आरेप्‍माम डोक्‍पु थो़र गो ल्‍वाउतोम मिबु।

मर्कूस 1:27

मेसिन्‍डाम खोत्‍ले मु़चु़मिमका मेराम ल्‍वाम्‍डिमा ङाङाया दु़म्‍मिडी, मा उनी त्‍वाप-त्‍वापडाङा, “हाम डे आरेप्‍माम? ओराम ने आच्‍छाङाकाम लाले सीसि डे रेछा! मा ओरामका ने उ मुलु़गोनोम होम्‍साकाङा मुनाङपेलमिमलाई वो भुरु़मी रेछा! मा मेर्मिमका वो ओरामका र्‍वामिम थो़मी रेछा!” र्‍वाबेम्‍डी।

लूका 9:1

येशूका को-न उनी सीसिपामिमलाई कोयोङा येट्‌मिडी। मेम्‍मा मेर्मिम खोत्‍लेलाई मुनाङपेल कोल्‍पा मा सोमोरीलामका सबेट्‌पा यु़म नुङ साखाम ग्‍वाम्‍डी,