मत्ती 8:5 - थुलुङ राई

⁵ येशू कफर्नहुम शहरडा रोम्‍डिलो कोले रोमी कप्‍तान रोक्‍तामा गुमीनुङ आरे र्‍वाक्‍ताम-र्‍वाक्‍तामङा बु़डु़,

मत्ती 8:5 Referans Kwoze

मत्ती 27:54

येशूलाई लपाम बाट्‌पा कप्‍तान नुङ सिपाहीमिमका सुबुरुक्‍सी लस्‍ताम नुङ मेसिन्‍डा दु़स्‍ताम खोत्‍ले ल्‍वाम्‍डिमा छो़म ङिम्‍डी। मेम्‍मा मेर्मिमका र्‍वाम्‍डी, “आच्‍छाङा ओराम ने माम्‍चु़नीकु चो़ङा बाइडाम रेछा।”

थु़र्मा 27:43

लावो कप्‍तानका पावललाई बोमु-थार्मु न बु़डु़मका सिपाहीमिमलाई मेम बोमुडाम भोप्‍डु़मी। मेकोतिमा वाकु बोमु थेट्‌पा-थेट्‌पा ङादोङा डोक्‍पु कुबी-बोक्‍सालामका प्रोक्‍निमा पाखानो लुक्‍नी बु़डु़मी।

थु़र्मा 27:31

पावलका कप्‍तान नुङ सिपाहीमिमलाई र्‍वाक्‍ता, “ओर्मिम मु़चु़ डोक्‍पु कुबी-बोक्‍सागोनो मेबामिवा माला गानी सामनुङमा मेदु़म्‍नी।”

थु़र्मा 23:17

मेकोतिमा पावलका कप्‍तानमिमगोडाम कोलेलाई येड्‌डु़मा र्‍वाक्‍ता, “ओराम स्‍वालालाई इनीमा कमाण्‍डरकाडा सोन्‍थिट्‌नी, हेङालोने ओरामका गुमीनुङ कोसि-नक्‍सि जेमु बासिक्‍पा बु।”

मत्ती 4:13

गुमी नासरतथो़ लम्‍डी, मेम्‍मा कफर्नहुम शहरथो़ लम्‍डी। ओराम शहर गालील क्षेत्रडाम दिरिदिन फार्डाम जबूलून नुङ नप्‍तालीकु बायडा बेडु़।

थु़र्मा 27:13

रायलालामका जु वाखावा फुन्‍मु चो़म्‍डु़। मेर्मिम खोत्‍लेका आथा ने गुइ लमु चाप्‍सी र्‍वाक्‍पा मिम्‍सिसाका मेर्मिमका हाम्‍बेट्‌मिडिमा जु़ल्‍मिडिम लङ्‍गर थाट्‌मिडी। मेकोतिमा डोक्‍पु कुबी-बोक्‍सा क्रेटकु सो़पभाल थो़मु चो़म्‍मिडी।

थु़र्मा 23:23

मेकोतिमा मे कमाण्‍डरका कप्‍तानमिमगोडाम नलेलाई येड्‌डु़ची मा आरे बु़डु़ची, “आनेप सिन्‍था गु (९) जेमिम थारीका न सङ (२००) सिपाहीमिम, येत धु़म (७०) घोडाडला हुपा सिपाहीमिम मा नक सङ जाते जेट्‌पा सिपाहीमिमलाई कैसरियाथो़ लमु रेट्‌जो़ल्‍ची।

थु़र्मा 22:25

मेकोतिमा मेर्मिमका पावललाई कोक्‍तेकु रिवाका बट्‌मिडी। मेकोतिलो उमा फार्डा ङा येम्‍तासिट्‌पा कप्‍ताननुङ पावलका र्‍वाक्‍ता, “हाम कोङ रोमी नागरिकलाई ङादो अदालतडा मुमा मेबेसाका ङा याल्‍मु रोमी डु़म्‍लाडा बु?”

मर्कूस 15:39

येशू आरेसाका सिम्‍डिम ल्‍वास्‍तु़मा मेसिन्‍डा ङा येम्‍तासिट्‌पा कप्‍तानका र्‍वाक्‍ता, “आच्‍छाङा ओराम ने माम्‍चु़नीकु तारापाचो़ ङा डे रेछा!”

मर्कूस 2:1

कोलेम नलेम चङडा येशू कफर्नहुम शहरडा ख्‍लोम्‍सिम्‍डी, मा गुमी कोङ नेमडा बुमी ए र्‍वाक्‍पा मु़चु़मिमका थो़म्‍डी।

मत्ती 9:1

मेकोतिमा येशू कुबी-बोक्‍साडला हुम्‍डिमा दिरिदिनकु होनो होम्‍बुनोम उनी त्‍वाकु शहरथो़ ख्‍लोम्‍सिम्‍डी।

मत्ती 11:23

ए कफर्नहुम शहरडाम मु़चु़नी, हाम गानी पाह्रीथो़ कोसिन्‍कु र्‍वाक्‍पा मिम्‍नी? गानी ने खादीगोयु़ डन्‍सिनी। हेङालोने गानीगोडा बेउतोम यु़मखारीमिम सदोम शहरडाम मेजो़पा मु़चु़मिमगोडा बेउवा माला मेर्मिम ओम्‍लोसम्‍म वो दु़म्‍मिवा।

थु़र्मा 9:38

लुड्‍डा योप्‍पाकु फार्डा ङा बेडु़मिमका पत्रुस मेसिङा बु ए र्‍वाक्‍पा थो़रलु़पामिमका थो़म्‍डी। मेम्‍मा मेर्मिमका नले मु़चु़लाई आरे बेम्‍डिमा पत्रुसकाडा थु़र्मिडी, “दालाङा आकीमाडा रोक्‍नी।”