मत्ती 8:4 - थुलुङ राई

⁴ मेकोतिमा येशूका मेराम मु़चु़लाई र्‍वाम्‍डी, “ओरामकु दुथाममिम ल्‍वा गाना सु़नुङ वो मेसो़या वो। लावो डु़म्‍लाचो़काडा लक्‍सा, मा गुका रेम्‍नानु़। मेम्‍मा जोन बेटपा मु़चु़ सलो सासेन्‍मु बासी र्‍वाक्‍साका मोशाकु डु़म्‍लाका र्‍वाक्‍ताम होङङा बे। आरे बेसाका गाना सन्‍नाम बु र्‍वाक्‍पा खोत्‍लेका चमिनु़।”

मत्ती 8:4 Referans Kwoze

लूका 17:14

येशूका मेर्मिमलाई ल्‍वाम्‍डिमा र्‍वाम्‍डी, “लक्‍निमा डु़म्‍लाचो़काडा इनी त्‍वापङा रेम्‍बेसिट्‌नी।” मेकोतिमा मेर्मिम लम्‍डी होङङा सम्‍डी।

लूका 5:14

मेकोतिमा गुमीका मेराम मु़चु़लाई र्‍वाम्‍डी, “ओरामकु दुथाम गाना सु़नुङ वो मेसो़या वो! लावो डु़म्‍लाचो़काडा लक्‍सा, मा गुका गानालाई रेम्‍नानु़। मेम्‍मा जोन बेट्‌पामा सपा मु़चु़का सासेन्‍मु बासी र्‍वाक्‍साका मोशाकु डु़म्‍लाका र्‍वाक्‍ताम होङङा बे। आरे बोनामा खोत्‍ले मु़चु़का गाना सन्‍ना मा इमा जोन हेम्‍सिड्‌डा र्‍वाक्‍पा ल्‍वामी।”

मर्कूस 7:36

येशूका मेर्मिमलाई र्‍वाम्‍डी, “मामा सो़! ओराम ल्‍वा सु़नुङ वो मेसो़नी वो।” लावो गुमीका हाङको मेर्मिमलाई मेम बेम्‍थाल्‍मिडी, मेकोति छो़म ङा हापा मेर्मिमका मेराम ल्‍वा सो़म्‍थाल्‍मिडी।

मत्ती 9:30

मेम्‍मा मेर्चिप मिक्‍सीका ल्‍वापा दु़म्‍ची। “ओराम ल्‍वा सु़नुङ वो मेसो़मु सो़” र्‍वाम्‍डिमा येशूका मेर्चिपलाई ङिम साट्‌मिडिची।

मर्कूस 6:11

गानी उहेम देलडा लनी मेसिन्‍डाममिमका जो़होमका मेरनिमिवा मा गानी र्‍वानिमिम मेथो़मिवा माला, गानी मेलामका लुनिलो माम्‍चु़नीका मेर्मिमलाई मेद्‍वामी मा देन्‍दे ग्‍वामी र्‍वाक्‍पा रेम्‍बोमु इनीमा फेमखेलडाम फुर्कु वो थेप्‍जो़ल्‍नी।”

मर्कूस 5:43

गुमीका मेर्मिमलाई र्‍वाम्‍डी, “मा-मासो़! ओराम ल्‍वा सु़कावो मेथो़मिनु़ वो।” मेकोतिमा मे चो़च्‍चो़लाई हाम-हुम पोमुथोक ग्‍वाक्‍नी बेम्‍डिमी।

मत्ती 17:9

पोप्‍चङडलामका मेर्मिम धाली योक्‍तोङा बेम्‍डिलो येशूका सीसिपामिमलाई र्‍वाम्‍डी, “गानी हाम ल्‍वान्‍निम मिनीचो़ सिमुलाम मेबगेमिमसम्‍म मेरामकु दुथाम सु़नुङ वो मेर्‍वानी वो।”

मत्ती 10:18

आमा दुथाम गानीलाई साखामचो़ नुङ हपमिमकाडा लनी। मेम्‍मा मेर्मिम मु़चु़ नुङ वाङसामा मु़चु़मिमलाई आमा दुथाम सो़पा गानी दु़म्‍नी।

मत्ती 6:1

“चङचङया बानी वो! मु़चु़मिमलाम इनीमा नङ कोला सो़म्‍सिमु लागि मु़चु़मिमकु ङादोडा जो़पा खारीमिम मेबेनी। मेम बेन्‍नी माला ने पाह्रीलाम माम्‍चु़नी इनी पापका गानीलाई पुरस्‍कार मेग्‍वानी।

मत्ती 5:17

“मोशाकु डु़म्‍ला लोवो माम्‍चु़नीलाम-जेपामिमका र्‍वाम्‍डिम सिजेमलाई लोवो हाम ना हामकाम दु़म्‍बेड्‌डा गो योङडोम र्‍वाक्‍साका गानी मेमिम्‍सिट्‌नी, लावो गो ने ओर्मिम ल्‍वा खोत्ले रेन्‍थिमु लागि योङडोम सो़।

यूहन्‍ना 8:50

गो आमा त्‍वाकाम यु़म-झ्‍वाक्‍सी मेमालु, लावो यु़म-झ्‍वाक्‍सी माल्‍पा कोले बुमी, मा गुमी निया बेपा बुमी।

यूहन्‍ना 7:18

उ त्‍वापङा जेपा मु़चु़का उ त्‍वापलाई डोक्‍पु बेला सो़म्‍सिमु न बु़, लावो उहेमका गुलाई थु़र्पालाई डोक्‍पु बोमु खारी बु़, मेराम ने आच्‍छाङाकाम ल्‍वा जेपा सो़, मा मेरामनुङ हाम वो लिमा ल्‍वा मेदु़म।

यूहन्‍ना 5:41

“गानी आमा नङ कोनिमिम गोलाई मेबासी।

लूका 21:13

लावो इनीमा लागि आमा दुथाम मेर्मिमनुङ सो़पा जो़पा थारी दु़म।

मर्कूस 8:30

मेकोतिमा गुमीका मेर्मिमनुङ र्‍वाम्‍डी, “मामा सो़! आमा दुथाम गानी सु़नुङ वो मेसो़नी वो।”

मत्ती 16:20

गुमीका उनी सीसिपामिमलाई गुमी ख्रीष्‍ट र्‍वाक्‍पा ल्‍वा सु़नुङ वो मेसो़मु र्‍वाक्‍साका ङिम्‍साट्‌मिडी।

मत्ती 3:15

येशूका गुनुङ र्‍वाम्‍डी, “ओम्‍लो आरेङा बे, हेङालोने माम्‍चु़नीका बेनी र्‍वामिमिम खोत्‍ले बोमु बासी।” मेम्‍मा यूहन्‍नाका कु-रु़दु़म ग्‍वामु बिसिड्‍डा।

मर्कूस 13:9

“गानी इनी त्‍वाप ङा चङचङया बानी। मु़चु़मिमका गानीलाई अदालतबाडे लनिमी, मा घ्रो़म्‍दीनेमबाडे याल्‍निमी। मेकोतिमा हपमिम नुङ किब्‍दी साखामचो़मिमकु ङादोबाडे आमा नङकु दुथाम येम्‍सिबेनिमी। मेराम ङा गो सु़ र्‍वाक्‍पा रेम्‍बोनिमिम दु़म।

मर्कूस 3:12

लावो गुमीका ने गो सु़ र्‍वाक्‍साका गानी मा-मा वाङमिमनुङ सो़नी सो़ बेम्‍डी।

मर्कूस 9:9

पोप्‍चङडलामका योक्‍तोङा बेम्‍डिलो येशूका उनीमा सीसिपामिमनुङ र्‍वाम्‍डी, “मामा सो़! मिनीचो़ सिमुलाम मेबग्‍गेथु़म गानी हाम ल्‍वान्‍निम बाइडा, मेराम सु़नुङ वो मेसो़नी वो।”

लूका 4:41

हापा मु़चु़मिमलामका मुनाङपेल आरेसाका येत्तो लुम्‍डी, “गानी माम्‍चु़नीकु तारापाचो़ सो़।” लावो येशूका मे मुनाङपेलमिमलाई को सि वो जेमु मेग्‍वाक्‍मिवा, हेङालोने मेर्मिमका गुमी ख्रीष्‍ट र्‍वाक्‍साका छेट्‌मिडिम बाइडा।

लूका 8:56

मे चो़च्‍चो़कु माम-पाप ङाङाया दु़म्‍ची, लावो ओराम ल्‍वा सु़नुङ वो मेसो़मु सो़ र्‍वाक्‍साका येशूका मेर्चिपलाई र्‍वाम्‍डी।

लूका 9:21

मेकोतिमा येशूका उनी सीसिपामिमलाई र्‍वाम्‍डी, “मामासो़! ओराम ल्‍वा गानी सु़नुङ वो मेसो़नी।”