मत्ती 8:3 - थुलुङ राई

³ गुमीका उनी ल्‍वा हम्‍मिडिमा मेराम मु़चु़लाई लु़प्‍मिडी। मेम्‍मा र्‍वाम्‍डी, “गो न बेउ, गाना सेपा दु़म्‍नानु़।” मेकोतिलोङा मेरामकु जोन हेम्‍ल्‍यासिड्‌डा।

मत्ती 8:3 Referans Kwoze

लूका 5:13

येशूका मे जोन बेट्‌पा मु़चु़थो़ ल्‍वा हम्‍मिडिमा र्‍वाम्‍डी, “गो न बेउ, गाना सनानु़” र्‍वाक्‍तो मेरामलाई लु़प्‍मिडी, मा मेरामकु जोन हेम्‍ल्‍यासिड्‌डा।

मर्कूस 1:41

येशूकु थो़म ङा भ्रो़स्‍तामका गुमीका मेरामलाई लु़म्‍मु उनी ल्‍वा लक्‍तोङा र्‍वाम्‍डी, “गो न बेउ, गाना नु़या।”

यूहन्‍ना 5:21

पापका सिपा मु़चु़मिमलाई फमिमा मेर्मिमलाई मेसिपा त्‍वारो़म ग्‍वामी। मेम्‍साकाङा तारापाचो़का उहेमलाई उ ग्‍वाग्‍वाद्‌वा मेरामलाई मेसिपा त्‍वारो़म ग्‍वाकु़।

मर्कूस 4:39

मेकोतिमा येशू बम्‍डिमा ब्‍लोजु़लाई वाय बाया र्‍वाम्‍डी, मा दिरिदिनकु बाबारिमलाई वो र्‍वाम्‍डी, “वाय बाया” मेम्‍मिमका ब्‍लोजु़ फुन्‍मु डिड्‌डु़, मा मेसिन्‍डा वाय-वाय दु़स्‍ता।

यूहन्‍ना 11:43

गुमीका आरे र्‍वामु दु़म्‍मिडिमा डोक्‍पु लो़लामका येम्‍डी, “लाजरस, पाखा लुका।”

लूका 7:14

मेकोतिमा येशूका मे सिपा मु़चु़ जु़ल्‍मा बाकस फार्डा लम्‍डिमा लु़प्‍मिडी, मा मे सिपा मु़चु़ कुर्पामिम येम्‍सिम्‍डी। गुमीका मेरामलाई र्‍वाम्‍डी, “ए छारी, गो गानालाई र्‍वाङु, बका!”

मर्कूस 9:25

मे सेर्पा मु़चु़मिम ओन्‍तो बिक्‍पा ल्‍वाम्‍डिमका येशूका मे मुनाङपेललाई आरे र्‍वाम्‍डिमा भुर्मिडी, “ए मेजेबेट्‌पा नुङ मेथो़बेट्‌पा मुनाङपेल, गो गानालाई र्‍वाङु, गाना मेराम वोस्‍चो़लामका लुक्‍ल्‍याडा, मा मेरामकाम गोनो आथाडाम आनो हाम्‍सी वो मेहुङा।”

मर्कूस 7:34

मेकोतिमा पाह्रीथो़ रेप्‍मिडिमा धु़प्‍पा साम खेत्तोङा मेरामलाई र्‍वाम्‍डी, “इफ्‍फाता” मेराम “होल्‍ल्‍यासिडा” र्‍वाक्‍मा।

मर्कूस 5:41

मेकोतिमा गुमीका मे चो़च्‍चो़कु ल्‍वाडा जेट्‌मिडिमा मेरामलाई र्‍वाम्‍डी, “तालिता कुमी” मेराम र्‍वाक्‍मा “ए यु़म्‍पी! गो गानालाई र्‍वाङु, बका।”

यूहन्‍ना 15:24

मेर्मिमकु ङादोडा वाङमिम सु़का वो मेबेमिवाम खारीमिम गो मेबेउवाम माला मेर्मिम छु़लकु मुमा बेन्‍ला मेसो़सिप्‍मिवा। लावो मेर्मिमका यु़मखारीमिम ल्‍वाम्‍डिम बु, मा वो गो नुङ आमा पापलाई मेद्‌वाचिकी।

मत्ती 12:13

मेकोतिमा गुमीका मेराम मु़चु़लाई र्‍वाम्‍डी, “इमा ल्‍वा हम्‍डा!” मा गुका उ ल्‍वा हम्‍डु़। मेम्‍मा मेरामकु ल्‍वा कोङमी ल्‍वा होप्‍मामङा नु़पा दु़स्‍ल्‍याड्‌डा।

लूका 4:27

मेम्‍साका ङा माम्‍चु़नीलाम-जेपा एलिशा बाइडाम थारीका इस्राएलडा जोन बेट्‌पा मु़चु़मिम हापा ङा बाम्‍डी। वाङमिम सु़ वो समेबेट्‌मिवा, लावो सिरियाडाम वाङसामा नामान कोङङा सबेट्‌मिडी।”