मत्ती 8:16 - थुलुङ राई

¹⁶ नेम्‍था दु़स्‍तालो मु़चु़मिमका मुनाङका हुपा हापा मु़चु़लाई येशूकाडा रेट्‌मिडी। मेम्‍मा गुमी जेम्‍डिमा मे मुनाङमिमलाई कोल्‍मिडी, मा नो़पा मु़चु़मिम खोत्‍लेलाई सबेट्‌मिडी।

मत्ती 8:16 Referans Kwoze

लूका 4:40

नेम गाम्‍डाम चङडा हापा खाल-खालकाम सोमोरीका नो़पा खोत्‍लेलाई मु़चु़मिमका येशूकाडा रेट्‌मिडी। गुमीका मेर्मिमडला उनी ल्‍वा जु़ल्‍मिडिमा खोत्‍लेलाई सबेट्‌मिडी।

मत्ती 14:14

कुबी-बोक्‍साडलाम पाखाथो़ येशू लुम्‍डिलो मेसिन्‍डा हापा सेर्पा मु़चु़ ल्‍वाम्‍डी, मा उनी थो़म भ्रो़स्‍ता। मेम्‍मा नो़पा मु़चु़मिमलाई सबेट्‌मिडी।

थु़र्मा 5:15

मु़चु़मिमका नो़पामिमलाई लाम्‍दी-गुदीबाडे रेट्‌मिडी, मा पत्रुस रोलो उ पेल कोङङा लोवो मेर्मिमगोडाम कोङ-कोङडला दु़म्‍नु़ र्‍वाक्‍साका उनी अम्‍खोप नुङ खाटबाडे जु़ल्‍थाल्‍मिडी।

मर्कूस 5:8

हेङालोने येशूका मेरामलाई आरे र्‍वाम्‍डिम बाइडा, “ए मेक्षेपा लो़म! मेराम मु़चु़लामका लुक्‍ल्‍याडा।”

मत्ती 12:22

मेकोतिमा मु़चु़मिमका कोले मु़चु़लाई येशूकाडा रेट्‌मिडी। मेराम मु़चु़लाई मुनाङका हुप्‍डु़मका जेमु मेचापा नुङ उ मिक्‍सीका मेल्‍वापा बाइडा। येशूका मेराम मु़चु़लाई सबेट्‌मिडी, मा जेमु चापा नुङ ल्‍वापा दु़स्‍ता।

मर्कूस 2:3

मेकोतिलोङा ब्‍ललेका ल्‍वा-खेल सोक्‍पा कोले मु़चु़ कुर्मिडिमा उनीमाडा रेट्‌मिडी।

मत्ती 9:2

उ ल्‍वा-खेल सोक्‍पामा उ प्‍लानडा झार्ल्‍याक्‍पा कोले मु़चु़लाई मु़चु़मिमका कुर्मिडिमा येशूकाडा रेट्‌मिडी। मे मु़चु़मिमका गुमीडला थो़र बेम्‍डिम ल्‍वाम्‍डिमा येशूका उ ल्‍वा-खेल सोक्‍पा मु़चु़लाई र्‍वाम्‍डी, “छारी, गेर्सा, इमा छु़लमिम हेम्‍सिम्‍डिम बु।”

मर्कूस 9:25

मे सेर्पा मु़चु़मिम ओन्‍तो बिक्‍पा ल्‍वाम्‍डिमका येशूका मे मुनाङपेललाई आरे र्‍वाम्‍डिमा भुर्मिडी, “ए मेजेबेट्‌पा नुङ मेथो़बेट्‌पा मुनाङपेल, गो गानालाई र्‍वाङु, गाना मेराम वोस्‍चो़लामका लुक्‍ल्‍याडा, मा मेरामकाम गोनो आथाडाम आनो हाम्‍सी वो मेहुङा।”

मत्ती 8:33

मेम्‍मा ब्‍वा रेपा मु़चु़मिम मेमबाडेम शहरथो़ स्‍वाम्‍डी, मा मेसिन्‍डा हाम दु़स्‍ताम मा मुनाङका हुपा मु़चु़चिप हाम दु़म्‍ची, मेर्मिम ल्‍वा खोत्‍लेनुङ सो़च्‍ची।

मत्ती 8:15

गुमीका मेराम मेसेमकु ल्‍वा लु़प्‍मिडी, मा डार्चु़मोका गुलाई डिट्‌ल्‍याट्‌डु़। मेकोतिमा गु बक्‍तामा येशूकु चापे-डुपे बु़डु़।

लूका 4:41

हापा मु़चु़मिमलामका मुनाङपेल आरेसाका येत्तो लुम्‍डी, “गानी माम्‍चु़नीकु तारापाचो़ सो़।” लावो येशूका मे मुनाङपेलमिमलाई को सि वो जेमु मेग्‍वाक्‍मिवा, हेङालोने मेर्मिमका गुमी ख्रीष्‍ट र्‍वाक्‍साका छेट्‌मिडिम बाइडा।

लूका 13:12

येशूका मेराम मेसेमलाई ल्‍वाम्‍डी, मा येट्‌मिडिमा र्‍वाम्‍डी, “तोङमा, गाना इ सोमोरीलामका सेल्‍सिट्‌नाम बु।”