मत्ती 8:12 - थुलुङ राई

¹² लावो माम्‍चु़नीकु किब्‍दीडा हुमु बासिक्‍पा इस्राएलीमिम ने तुकुम्‍चिमगोडा घ्रोला सो़म्‍सिमी। मेगोडा मु़चु़मिम उनी लि ख्रेत्तो ख्राम्‍मी।”

मत्ती 8:12 Referans Kwoze

मत्ती 25:30

हाम्‍ता वो मेमोकिमिम मेराम डु़ल्‍चो़लाई मु़चु़मिम ख्राप्‍मी, मा उनी लि ख्रेन्‍मिमिम तुकुम्‍चिमगोडा घ्रोन्‍सोट्‌नी।’

लूका 13:28

“गानी अब्राहाम, इसहाक, याकूब मा माम्‍चु़नीलाम-जेपामिम खोत्‍लेलाई माम्‍चु़नीकु किब्‍दीगोडा ल्‍वानी, लावो गानी ने पाखानो पार्ला सो़न्‍सिनी। मेम्‍मिमका गानी ख्राम्‍नी, मा इनी लि ख्रेनी।

मत्ती 21:43

“मेम्‍मिमका गो गानीलाई र्‍वाङु, माम्‍चु़नीकु किब्‍दी रोला सो़न्‍सिनी, मा ओरामकु मा सिन्‍बेट्‌पा मु़चु़मिमलाई माम्‍चु़नीका ग्‍वामी।

मत्ती 13:50

मा मेर्मिमलाई वाक्‍तोङा लेट्‌पा मुगोडा घ्रोम्‍सोमी। मु़चु़मिम मेसिन्डा येमी, मा उनी लि ख्रेन्‍मी।”

मत्ती 13:42

मेम्‍मा वाक्‍तोङा लेट्‌पा मुगोडा मु़चु़मिमलाई घ्रोम्‍सोमी, मा मेर्मिमका ख्राप्‍तो उनी लि ख्रेन्‍मी।

मत्ती 24:51

मेम्‍मा नेमहपका मेरामलाई छो़म इम्‍मु मेझापा देन्‍दे ग्‍वाकु़, मा नेमहपका र्‍वामिम थो़पा लिसिक्‍पा मु़चु़मिम बाखोपडा घ्रोक्‍सोकु़। मेसिन्‍डा मु़चु़मिम ख्राप्‍मी, मा उनी लि ख्रेन्‍मी।”

यहूदा 1:13

मेर्मिम ने दो़न्‍दो़न्‍या मेबाट्‌पा दिरिदिनकु बाबारिम होप्‍माम सो़। कुकु बाबारिमका जाजाब्‍लु़म ख्‍लुकु़मिम होङङा मेर्मिमका क्रो़मलु़पा खारी रेम्‍बोमी। मेर्मिम ताङताहेरथो़ लक्‍पा सोरलुङ होप्‍माम सो़, उहेमकाम लागि केकेयाम तुकुम्‍चिम हेल्‍लो लोवो रान्‍थाट्‌मा बु।

२ पत्रुस 2:17

लिमा ल्‍वा सीपा ओर्मिम मु़चु़ कु मेपुट्‌पा कुकु नो़मिम नुङ ब्‍लोजु़का हुट्‌पा सिखाप होप्‍माम सो़। माम्‍चु़नीका मेर्मिमकाम लागि छो़म तुकुम्‍चिमका हुपा खोम बनेबेम्‍डिम बु।

२ पत्रुस 2:4

पाह्रीचो़मिमका छु़ल बेम्‍डिलो वो माम्‍चु़नीका मेडिट्‌मिवा। गुमीका मेर्मिमलाई खादीगोयु़ घ्रोम्‍सोम्‍डी मा निया दु़म्मिम नेमसम्‍म लागि तुकुम्‍चिमडा जु़ल्‍थाप्‍मी।

रोमी 9:4

मेर्मिम इस्राएलीमिम सो़, मा माम्‍चु़नीका मेर्मिमलाई उनीमा त्‍वाकु चो़-चु़सु़ दु़म्‍बेट्‌मिडी मा उनी त्‍वाकु यु़म-झ्‍वाक्‍सी मेर्मिमडला रेम्‍बेम्‍डी। मेम्‍मा मेर्मिमनुङ सो़रख्रेप्‍मिडी, मा डु़म्‍ला ग्‍वाम्‍डी, उनीमा लाले-पाङके बोमु वो सीट्‌मिडी, गुमीका याचे जेम्‍डिम ल्‍वा मेर्मिमका डार्मिडी।

थु़र्मा 3:25

गानी मे माम्‍चु़नीलाम-जेपामिम नुङ माम्‍चु़नीका सो़रख्रेप्‍मिडिम बेप-पापकु चो़-चु़सु़ ङा बुनी, उहेम सो़रख्रेप्‍सी अब्राहामनुङ आरे र्‍वाम्‍डिमा ख्रेप्‍मिडिम बाइडा, ‘इमा चो़-चु़सु़लामका ङा सुबुडाम खोत्‍ले मु़चु़मिमका जि ल्‍वामी।’

मत्ती 13:38

मे येका सु़म्‍दिसेरलाई रेम्‍बु़। जो़पा भ्रलका उनी त्‍वापलाई माम्‍चु़नीकु साखामगोडा जु़ल्‍पामिमलाई रेम्‍बु़। मालिन्‍दोका माम्‍चु़नीकु स्‍वाक्‍चिमो शैतानकु चो़मिमलाई रेम्‍बु़।

रेम्‍बेट्‌मिडिम ल्‍वा 22:15

मे शहरकु पाखानो ने ख्‍लेबामिम, मुनाङका थो़पा सो़र्मुनुङमामिम, मु़चु़ सेट्‌पामिम, ङाटा सेव साट्‌पामिम, नुङ लिमा थेन्‍मु द्‌वाक्‍पामिम मा मेमङा बेपाम बाट्‌पामिम दु़म्‍मी।