मत्ती 8:11 - थुलुङ राई

¹¹ गो गानीलाई र्‍वाङु, नेप्सुङ ओपाथो़ नुङ नेप्सुङ गाम्पाथो़म सु़म्‍दिसेर खोत्‍लेलामका वाङसामा मु़चु़मिम हापा रोमी। मेम्‍मा अब्राहाम, इसाहक, याकूबनुङ पाह्री-किब्‍दीडा ग्रुला पेप्‍डा मेर्मिम गन्‍मी।

मत्ती 8:11 Referans Kwoze

एफिसी 3:6

मेराम सु़का वो मेचक्‍मिवाम ल्‍वा ने ओराम सो़: जो़पा-सेलालामका वाङ सामामिमका वो ख्रीष्‍ट येशूडा यहूदीमिमनुङ कोयोङा जि-वाकु खुन्‍चु़म ल्‍वामी, मा कोले मिरो़मडा कोयोङा दु़म्‍मी, मा माम्‍चु़नीका याचे जेम्‍डिम ल्‍वा कोयोङा ल्‍वामी।

लूका 12:37

उनी नेमडाम हप रोलो झो़म्‍जो़ल्‍सिट्‌पा डु़ल्‍चो़मिम आलाकाम सो़। आच्‍छाङा गो गानीलाई र्‍वाङु, मेरामका उ थ्‍वाक्‍पुरी खिम्‍सिमा मेर्मिमलाई गडु़मी, मा पोमु-डुमु ग्‍वाकु़मी।

कलस्‍सी 3:11

माम्‍चु़नीका आरे बेम्‍डिमका ग्रीक ना यहूदी, कोक्‍ते खिरिरि क्रिप्‍मा ना मेक्रिप्‍मा मु़चु़, मेसीसिक्‍पा, सोक्‍मुचो़, डु़ल्‍चो़ ना मेडु़ल्‍चो़ हाम वो मेएँ। लावो ख्रीष्‍टङा खोत्‍लेडाम डोक्‍पु सो़, मा खोत्‍लेकाडा गुमी बुमी।

थु़र्मा 11:18

मे यहूदी थो़रलु़पामिमका ओराम थो़म्‍डिमा फमु डिट्‌मिडी। मेर्मिमका आरे र्‍वाक्‍तो माम्‍चु़नीकाम नङ कोम्‍डी, “माम्‍चु़नीका वाङसामामिमलाई वो गुमीथो़ ख्‍लोसिक्‍पा, मा सेल्‍सिक्‍पा जो़पा थारी ग्‍वाम्‍डी रेछा।”

थु़र्मा 10:45

माम्‍चु़नीका उनी पेलकु राप्लावा वाङसामामिमडला अम्‍डिमका पत्रुसनुङ रोक्‍पा यहूदी थो़रलु़पामिम छो़म ङा ङाङाया दु़म्‍मिडी।

मत्ती 24:31

मिनीचो़का उ पाह्रीचो़मिमलाई भुमकु डोक्‍पु लो़लामनुङ थु़रु़मी, मा छेट्‌मा उ मु़चु़मिमलाई सुबुडाम खोत्‍लेथो़लाम मेर्मिमका खोम्‍मी।

रेम्‍बेट्‌मिडिम ल्‍वा 7:6

आशेरकु दोचो़लाममिम को सङसङ न धु़मसङ मु़चु़मिमडला, नप्‍तालीकु दोचो़लाममिम को सङसङ न धु़मसङ मु़चु़मिमडला, मनश्‍शेकु दोचो़लाममिम को सङसङ न धु़मसङ मु़चु़मिमडला,

२ थेसलोनिकी 1:5

माम्‍चु़नीका जो़होमका निया बोमी मा उनीमा किब्‍दीकाम लागि गानी घ्रेट्‌पा दु़म्‍निम बु र्‍वाक्‍पा इनीमा दु़खाका रेम्‍बु़।

१ कोरिन्थी 15:20

लावो आच्‍छाङा ख्रीष्‍टलाई माम्‍चु़नीका सिमुलाम फम्‍खेट्‌मिडी। सिपामिम वो सिमुलाम बम्गेमी र्‍वाक्‍पा ल्वा रेम्बोमु लागि ङादो सिट्‌पा मा होप्‍मामङा गुमी ने खोत्‍लेडाम ङादो सिमुलाम बम्‍गेम्‍डी।

१ कोरिन्थी 6:9

रु़चो़मिमका माम्‍चु़नीकु किब्‍दी मेल्‍वामी र्‍वाक्‍पा हाम गानी मेचनी? नेप्‍ची मान्‍थिम मेदु़म्‍नी। सु़नुङ लोवो अम्‍बाल्‍पामिम दु़म्‍नु़का, ङाटा सेव साट्‌पामिम, नाम्‍सु़रु़ बेपामिम, छो़लो़सापमिम, वोस्‍चो़का वोस्‍चो़नुङ अम्‍पामिम,

थु़र्मा 14:27

मेर्चिप एन्‍टिओखियाडा रोक्‍फाट्‌ची, मा खोत्‍ले थो़रलु़पामिमलाई कोदेप येट्‌चिमी। मेम्‍मा माम्‍चु़नीका बेम्‍डिम खोत्‍ले खारीमिम सो़च्‍ची, मा हेसाका माम्‍चु़नीका वाङसामामिमकाम लागि थो़रलु़पा लाम्‍दी होल्‍साम्‍डिम मेर्मिम खोत्‍लेङा सो़च्‍ची।

थु़र्मा 14:22

मेसिन्‍डा मेर्चिपका थो़रलु़पामिमलाई उनी थो़र बर्बेसाक्‍चिमी, मा उनी थो़रलु़सीडा सो हन्‍बेट्‌साक्‍चिमी। मेर्चिपका र्‍वाक्‍ची, “गुइ माम्‍चु़नीकु किब्‍दीगोडा हुमु हापा मेझापातो दु़खा ल्‍वामु बासी।”

लूका 16:22

“चङडा मे उ हाम वो मेबाट्‌पा लाजरस सिडा, मा पाह्रीचो़मिमका मेरामकु पेल लम्‍डिमा पाह्रीला अब्राहामनुङ जु़ल्‍मिडी। मे खाप्‍चीचो़ वो सिडा, मा क्‍लु़म्‍मिडी।

मत्ती 3:2

“छु़ललाम ख्‍लोन्‍सिट्‌नी, हेङालोने पाह्री-किब्‍दी रोम्‍फामुङा खाप्‍डु़म बु।”

मत्ती 8:10

ओराम ल्‍वा थो़म्‍डिमा येशू ङाङाया दु़म्‍मिडी, मा उनी चङचङ बिक्‍तोङा बेपा मु़चु़मिमनुङ र्‍वाम्‍डी, “आच्‍छाङा गो गानीलाई र्‍वाङु, इस्राएलीमिम खोत्‍लेगोडा आरेप्‍माम डोक्‍पु थो़र गो ल्‍वाउतोम मिबु।

मत्ती 21:41

यहूदीमिमकु ङाउमिमका गुमीलाई र्‍वाम्‍डी, “गु रोमा मे बोम्‍था बेपा मेजो़पा मु़चु़मिमलाई सेडु़मी, मा अङ्‍गूर थोमिम थारीका दो़दो़वा गुलाई ग्‍वाक्‍पा बोम्‍था बेपा कोङमी मु़चु़मिमलाईङा उ अङ्‍गूर ये ग्‍वाकु़मी।”