मत्ती 7:21 - थुलुङ राई

²¹ “गोलाई ‘ङाचो़, ङाचो़’ र्‍वाक्‍पा खोत्‍ले पाह्री-किब्‍दीगोडा मेहुमी। पाह्रीला बाट्‌पा आमा पापकु न होम्‍साका खारी बेपामिम कोङङा मेगोडा हुमु ल्‍वामी।

मत्ती 7:21 Referans Kwoze

रोमी 2:13

हेङालोने डु़म्‍ला थो़साका कोङङा मु़चु़मिम माम्‍चु़नीकु ङादोडा जो़पा न-गोकाम मेदु़म्‍मी, लावो डु़म्‍ला होम्‍साका दोपा मु़चु़ङा माम्‍चु़नीका जो़पा न-गोकाम मिम्‍मी।

लूका 6:46

“गो र्‍वाङुमिम होम्‍साका मेबोनी माला, गानी हेङा गोलाई ङाचो़, ङाचो़, र्‍वानी?

याकूब 1:22

ओरामका र्‍वामिम होम्‍साका बेनी। सिजेम थो़पा कोङङा दु़म्‍साका नड्‍डा मेजो़पा मिम्‍निमा मेख्‍लो़ट्‌नी।

लूका 11:28

लावो येशूका र्‍वाम्‍डी, “उहेमका माम्‍चु़नीकु सिजेम जो़होमका थो़मी, मा मेराम होम्‍साका बोमी, मेर्मिम मु़चु़ डे आलाकाम सो़।”

तीतस 1:16

मेर्मिम मु़चु़का माम्‍चु़नीलाई छेत्तोकोम बु ने र्‍वामी, लावो उनी खारी बेसीलामका माम्‍चु़नीलाई मेछेमिमिम रेम्‍बोमी। मेर्मिम मु़चु़मिम माम्‍चु़नीलाई मेद्‌वाक्‍पा नुङ गुमीका र्‍वामिमिम मेथो़पा, मा जो़पा खारी हाम वो बोमु मेघ्रेट्‌पा सो़।

हिब्रू 4:6

आथावो कोङ कोङ मु़चु़मिम बुमी मेर्मिम ने उनीमा ङेसिक्‍पा खोमगोनो हुमु ल्‍वामी। लावो माके जो़पा-सेला थो़पामिम ने र्‍वाकिमिम मेथो़पा दु़म्‍मिडिमका माम्‍चु़नीकु ङेसिक्‍पा खोमगोनो हुमु मेल्‍वामिवा।

यूहन्‍ना 6:40

हेङालोने आमा पापकु न ओराम बु, उहेम-उहेमका तारापाचो़लाई रेम्‍मी, मा गुडला थो़रलु़मी मेर्मिमका मेसिपा त्‍वारो़म ल्‍वामिनु़। मेम्‍मा हुक्‍पा थारीनेम गो मेर्मिमलाई नु़बेट्‌पुमी।”

रेम्‍बेट्‌मिडिम ल्‍वा 3:5

उहेम मु़चु़का मेजो़पाडला घ्‍ल्‍वा, मेरामलाई गो आरेसाकाङा बुबुयाम ये-सेम फसिबेट्‌पु, मा त्‍वारो़मकु खाजेमडा र्‍याक्‍मा मेरामकु नङ गो मेपारु। आमा पाप नुङ उनीमा पाह्रीचो़मिमकु ङादोडा गो मेराम मु़चु़लाई छेपु र्‍वाङु।

१ पत्रुस 4:2

मेम्‍मा आथाडा आनो गु सु़म्‍दिसेरडाम मेजो़पा उ न होम्‍साका मेदो, लावो माम्‍चु़नीकु न होम्‍साका दो।

हिब्रू 13:21

उनीमा न होङङा बोमु खोत्‍ले जो़पा ल्‍वाका बोमु चापा दु़म्‍बेनिमिनु़। मेम्‍मा गुमीलाई गेर्सी बेट्‍पा खोत्‍ले ल्‍वा येशू ख्रीष्‍टलाम गुइगोडा बोमिनु़। येशू ख्रीष्‍टकु नङ हेल्‍लो लोवो कोसिनु़म बुनु़। आमेन।

मत्ती 12:50

उहेमका पाह्रीलाम आमा पापकु न होङङा बु़, मेर्मिमङा आमा जाउमो-तारापा ल्‍वाक नुङ माम।”

रेम्‍बेट्‌मिडिम ल्‍वा 22:14

“त्‍वाकु ब्‍लाङमा सो़ल्‍पा मु़चु़मिम आलाकाम सो़। त्‍वारो़म ग्‍वाक्‍पा धक्‍साकु मा पोमु मुलु़ मेर्मिमका ल्‍वामी मा शहर गोनो हुमु ल्‍वामी।

यूहन्‍ना 3:5

येशूका मेरामलाई र्‍वाम्‍डी, “आच्‍छाङा गो गानालाई र्‍वाङु, कु नुङ पेललामका मेगक्‍पा सु़ वो माम्‍चु़नीकु किब्‍दीडा हुमु मेचाप्‍सु़।

मत्ती 18:3

मा र्‍वाम्‍डी, “आच्‍छाङा गो गानीनुङ र्‍वाङु, इनी छु़ललामका ख्‍लोसिसाका याक्‍के चो़च्‍चो़मिम होप्‍माम मेदु़म्‍निवा माला पाह्री-किब्‍दीडा हेल्‍लो वो हुमु मेल्‍वानी।

यूहन्‍ना 7:17

कोङनिम मु़चु़का माम्‍चु़नीकु न होङङा बोमु न बु़ माला आमा सीसि माम्‍चु़नीलाम रोक्‍पा डे आ त्‍वाकाङा जेङुमिम डे मेराम गुका च।

रोमी 12:2

सु़म्‍दिसेरडाम मु़चु़मिम होप्‍माम दु़म्‍मु मेमाल्‍नी, लावो इनी त्‍वाकु नगोलाम ख्‍लोसिट्‌निमा जो़पा दु़म्‍तो लक्‍नी। मेप्‍माम दु़म्‍मु चाप्‍नी माला, माम्‍चु़नीकु जो़पा नुङ गेर्सी द्‍वाक्‍पा ल्‍वा, मा माम्‍चु़नीकु न हेप्‍माम बु, मेराम होप्‍माम दु़म्‍मु बासिक्‍पा ल्‍वा हाम बु र्‍वाक्‍साका गानी इनी न-गोडा छाम्‍मु चापा दु़म्‍नी।

मर्कूस 3:35

उहेमका माम्‍चु़नीकु न होम्‍साका बोमी, मेर्मिमङा आमा माम नुङ ल्‍वाक।”

१ थेसलोनिकी 5:18

गानीडला हा-हाम दु़म, मेर्मिम खोत्‍लेकाम लागि माम्‍चु़नीलाई आलासो़ ग्‍वाक्‍नी। येशू ख्रीष्‍टकु मु़चु़ दु़म्‍साका गानी ओरामङा बेनिम बानी र्‍वाक्‍पा माम्‍चु़नीकु न बु।

एफिसी 6:6

इनी खारी बेसी मु़चु़मिमकु मिक्‍सीलामडा जो़पा रेम्‍बेपा मा मेर्मिमलाई गेर्सिबेन्‍मु लागि कोङङा मेएँ, लावो ख्रीष्‍टकु डु़ल्‍चो़ होङङा इनीमा न-गो सोक्‍साका माम्‍चु़नीकु न-गो होम्‍साका खारी बेपा दु़म्‍नी।

१ पत्रुस 2:15

हेङालोने गानी जो़पा खारी बेसाकाङा नेप्‍ची मान्‍थिम मु़चु़का थेसिमेथेट्‌मिवाम जेसी लिवा बाबेन्‍मु बासी र्‍वाक्‍पा माम्‍चु़नीकु न बु।

मत्ती 25:21

“नेमहपका मेरामलाई र्‍वाक्‍ता, ‘जो़पा बेन्‍ना, थो़रलु़इमिम नुङ जो़पा डु़ल्‍चो़ गाना, याक्‍के ल्‍वाडाङा थो़रलु़इमिम दु़म्‍ना। गानालाई गो हापा डोक्‍पु ल्‍वामिम रेपा बनेबोनी। बिका, इमा नेमहपनुङ गेर्सा।’

१ थेसलोनिकी 4:3

गानी सेपा दु़म्‍नी र्‍वाक्‍पा माम्‍चु़नीकु न बु। मेम्‍मिमका खोत्‍ले नाम्‍सु़रु़ बोमुडाम वाङ बानी।

कलस्‍सी 4:12

गानी गोडामङा कोले इपाफ्रास, गु ख्रीष्‍ट येशूकु डु़ल्‍चो़का गानीलाई सेव र्‍वाक्‍ताम बु। मेम्‍मा इनीमा थो़र छो़म डोक्‍पु दु़म्‍नु़, मा गानी हाम वो मेख्‍लो़ट्‌पा दु़म्‍साका माम्‍चु़नीका न बोमिमिम होङङा खोत्‍ले बोमु चापा दु़म्‍निनु़ र्‍वाक्‍साका इनीमा लागि हेल्‍लो लोवो गुका छो़म न सोक्‍साका सो़म्‍दी बु़होम बु।

लूका 13:25

नेमहपका लाम्‍चोको ख्‍लु़न्‍मु दु़म्‍सु़मिम चङडा, गानी पाखानो येम्‍सिनीमा आरे र्‍वाक्‍तो हेलाबोनी, ‘ङाचो़, लाम्‍चोको होल्‍साक्‍किनी का।’ मेकोतिलो गुका र्‍वा, ‘गानी बालामका रोक्‍निम? गो ने मेछेनिनी।’

थु़र्मा 14:22

मेसिन्‍डा मेर्चिपका थो़रलु़पामिमलाई उनी थो़र बर्बेसाक्‍चिमी, मा उनी थो़रलु़सीडा सो हन्‍बेट्‌साक्‍चिमी। मेर्चिपका र्‍वाक्‍ची, “गुइ माम्‍चु़नीकु किब्‍दीगोडा हुमु हापा मेझापातो दु़खा ल्‍वामु बासी।”

लूका 18:25

चु़ल्‍बीकु ग्‍वाङलामका ऊँट लुमु छो़मिम होङङा माम्‍चु़नीकु किब्‍दीगोडा खाप्‍चीचो़ हुमु छो़।”

मर्कूस 9:47

इमा मिक्‍सीका छु़ल बेबेना माला, मेराम वो थासामा घ्रोक्‍सोका, हेङालोने नले मिक्‍सी बासाका वो खादीयु़ घ्रोला सो़म्‍सिमु ने कोले ङा मिक्‍सीनुङ ङा लोवो माम्‍चु़नीकु किब्‍दीगोनो हुमु ङा जो़पा दु़म।

मत्ती 19:24

आथावो गो गानीलाई र्‍वाङु, चु़ल्‍बीकु ग्‍वाङलामका ऊँट लुमु छो़मिम होङङा माम्‍चु़नीकु किब्‍दीगोडा खाप्‍चीचो़ हुमु छो़।”

मत्ती 18:35

“गानी वो थो़रलु़पा इनी वा-ल्‍वाकमिमलाई इनी न-गोलामका पाचो ग्‍वामु मेबिन्‍सिट्‌निवा माला पाह्रीलाम आमा पापका वो गानीलाई मेमङा बोनिमी।”

यूहन्‍ना 15:23

उहेम मु़चु़का गोलाई मेद्‌वाङी, मेराम मु़चु़का आमा पापलाई वो मेद्‌वाकु़।

मत्ती 26:42

आथावो येशू नखेपडा लम्‍डिमा सो़म्‍दी बेम्‍डी, “आमा पाप, गो ओराम मेडुथु़म मेनु़ङा माला इनीमा न होम्‍साका दु़म्‍नु़।”

मत्ती 16:17

येशूका मेरामलाई र्‍वाम्‍डी, “योनाकु तारापाचो़ सिमोन, गाना जिनुङमा सो़। हेङालोने ओराम ल्‍वा मु़चु़लामका गाना सीसिट्‌नाम मेएँ, पाह्रीलाम आमा पापका रेम्‍बेम्‍डिम सो़।

रेम्‍बेट्‌मिडिम ल्‍वा 2:27

आमा पापका गोलाई साखाम ग्‍वाङडिमिम होङङा ‘सेलकु डु़लु़म्‍चो़का क्‍वाकु सोजाम फ्रु़प्‍सेसी बु़मिम होङका मेराम मु़चु़का मेर्मिम मु़चु़डला साखाम थो़डु़।’

यूहन्‍ना 14:7

गानी गोलाई आच्‍छाङा छेङिनिवाम माला आमा पापलाई वो छेनिवा। आथाडा आनो गानी गुमीलाई छेनी, गानी गुमीलाई ल्‍वान्‍निम बु।”

यूहन्‍ना 5:17

येशूका मेर्मिमलाई आरे र्‍वाम्‍डी, “आमा पापका ओम्‍लोसम्‍म खारी बोमिम बुमी, मा गो वो खारी बेत्तोङा लेट्‌पु।”

मत्ती 26:39

गुमी किचो़ होनोक्‍थो़ लम्‍डिमा खुम्‍बु बेसाका आरे र्‍वाक्‍तो सो़म्‍दी बेम्‍डी, “आमा पाप, नु़ माला ओराम दु़खाकु कान्‍चु़रे गोलामका हेमसाङनी। लावो आमा न होम्‍साका ने मेएँ, इनीमा न होम्‍साका बेनी।”

मत्ती 18:10

“चङचङया बानी, ओ याक्‍केमिमगोडाम कोलेलाई वो हाम ना हामकाम मेमिम्‍नी। हेङालोने गो गानीलाई र्‍वाङु, मेर्मिमकु पाह्रीचो़मिम पाह्रीलाम आमा पापकु ङादोडा हेल्‍लो लोवो पाह्रीला बुमिम बुमी।

मत्ती 18:19

“आथावो गो गानीलाई र्‍वाङु, ओ सुबुडा हाम-हुम ल्‍वाकाम लागि गानीगोडाम नलेका उची न-थो़म घ्रो़म्‍बेसाका बिच्‍ची माला पाह्रीलाम आमा पापका मेराम ग्‍वामिची।

मत्ती 25:10

“लावो नेप्‍ची मान्‍थिम मे कन्‍या मेसेममिम तेल भ्रेप्‍डा लम्‍डिलो लारेपा रोक्‍फाड्‌डा, मा झो़म्‍सिक्‍साका बाट्‌पा कन्‍या मेसेममिम ने लारेपानुङ लालीकुन्‍दाकु ग्रुला पेखोपगोनो हुम्‍डी। मेम्‍मा लाम्‍चोको ख्‍लुन्‍सिड्‌डा।